من نوادر ابن لعبون

.. قصيده من قصائد الشاعر أبن لعبون
[poem=font="Simplified Arabic,6,black,normal,normal" bkcolor="transparent" bkimage="backgrounds/40.gif" border="double,6,teal" type=2 line=0 align=center use=ex num="0,black""]

[poem=font="Simplified Arabic,5,black,normal,normal" bkcolor="transparent" bkimage="backgrounds/40.gif" border="double,6,teal" type=2 line=0 align=center use=ex num="0,black""]
ياعبيد من قصت يمينه شماله = يشوف فعله ذاك عدل ولو مال
احسب رفيقي يستحي من ضلاله = واثره الى شاف المواليم خيال
يا بادي بالقـــول هذا بدالـه = قول بدل قول ومال عوض مال
والكل منا لو يطاوع مقاله = القول واجد والحكي عند الافعال
الصدق يبقى والتصنف جهاله = والقد ما لانت مطاويه بتفال
افهم نباى وعرضه من قراله = بينت لك ما يعتنى الكذب رجال
انشدك من قفا وخلى عياله = قي ذمه العدوان والحرب ما أنجال
ترمي شررها مثل صفر الجماله = والبيض تنخى والمناعير ذلال
واللى بكيفه صيرم أو سلالـه = مثل الذي خضب يمينه والاشمال
تقول عذراهم عسى الستر فالـه = ماكل رجال أشوفه برجال
وأقرب قريب له اذا شاف حاله = لا ناشد عن ما جرا له ولا سال
ويوم استقرواعند راعي الوكاله = حيثه مديرٍ للقنازع و فتـــــال
والكل : هذا رايم ذا وذالـه = ( ................................................. )
عادوا يديرون الفكر بالعداله = وادارهم عن واهج الحرب و ولوال
وخلوه يبدي حالةٍ غير حاله = ياراجى كاظم وهو قبل جمال
من عجز من تخليص ملوي حبالـه = ما عنزك عن خيل جمعها أبن صلال
أقفى مع السده بليل وبالــه = هبايب هبت عليهم وغربال
واعتاض عن حيه وخيم قبالــه = يومين والثالث طرا له على البال
ينخى لهم من فوق خيل العداله = مالت عليه وعادة الحرب ميال
بزجر لفال الطير والطيـر فاله = في مستقر السيح ياخيبة الفال
استدرجه كاظم وكاظم زماله = من ركبها يازي لها دوم زمال
وارخص نحيب الخال غالى حلالــه = خزاين ما اتعاض عنها بمثقال
وعصى مشيره والذي قد ، سعى له = بصلح والنيات ، رهن بالاعمال
وعزل جموعه وأبتداء في رجاله = ضراغمن يحداء لها كل سردال
لا ركــة فيهم ولا من كلالـــه = لكن قومي حالها غير ذا الحال
جموع بناها مثل نفد الرماله = هبت عليهم نسمت الريح وأنجال
في مارد كالحوض صافي زلاله = وردت كبار الروس حاديهم اللال
ترزم نهار الكون صار ، الاغا له = سلـم نجاة وظل ما بين الاحمال
يرجى السعد منهم وذا من هباله = وصابه مثل ما صاب الزناتي بالامثال
ارخص ابنفس ما عليها ولاله = غابط بها عمره على كن وضلال
وأقفى مصر كن جاكات شاله = جلمود صخراً حطه السيل من عال
ولولا حمود هو وداود شاله = من استملك البصره وبذله للاموال
ما رد في دار تركها قباله = طلت قريب الحول يحيا به اطلال
وزيد الربيعه باد صفحة نعاله = واخوه عبدالله بالاقفااء والاقبال
شفتوا بها يوماً علقت به حباله = بوجود من لاضيم بالعرف خيال
شيخ الطوايف نعم من هو بجاله = سور السرايا يوم الاهوال تنهال
ماهوب فخر لك تتقى بجاله = اثرك صحيح مثل مقال من قال
رجل تقضى للطرب من خواله = واعتادهم يبغى العشى قبل عبدال
بالعون فادي من مضامن أجياله = ويش الفكر ون عاجلك فـخ حبال
ما ينطح السيل المحلتم خياله = يواسع البطحا سوى كفة الجال
والعز ما يعني من لا عناله = يا شارب بكفوف غيره من اوشال
هذا ومن قصت يمينه شماله = خسران في حاله مع غالي المال

[/poem]
[/poem]