سمي سلطان ابن عبدالعزيز

السلام عليكم

تقبلوا هذي المتواضعه في اخي وصديقي .. سلطان سعد غازي بن عتيّق العضياني




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هاض هاجوسي على بدع الفرايد واستجاب=للرفيق اللي ليا شفته يجي علمي وجيز

ارحب ارحب قم تخير كل مالذا وطــاب=من بيــوت ٍسقتها ياليت لاعجابك تحيز

ارحب ارحب ياوريث المجد عشاق الصعاب=ارحب ارحب ياسلالات العزيزابن العزيز

لاذكرتك قلت ياهمي لا يامال الذهاب=ارحب ارحب ياسمي سلطان ابن عبدالعزيز

شوق نقاض الجديل وشوق تلعات الرقاب=من بنات اهل القنا ماهي بنات الانجليز

انت ابوك اللي تعلت سمعته فوق السحاب=ثابت ٍ في موقفه مثل الجبال ولا يحيز

يوم رباكم على العليا تريّح واستتاب=ماهي ارباية عيال التحليه والهارديز

من سلايل روس قوم ٍيوم زرقات الحراب=خيلهم تدجر على صوت العزاوي فاللزيز

كسبهم يوم التعب والجوع سمحات الجناب=طمعتٍ ماهيب روس الضان والا فالمعيز

انت من حطك حزامه يابن عمي مايهاب=دام عزك ياسمي سلطان ابن عبدالعزيز
[/poem]