سمّ الدّاب !!

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

انا كل ما صكّيت باب انفتح لي باب = كذا لين تعّبني زماني وعنّاني

لدغني بلدغة سمّها مثل سمّ الدّاب = يلدّ العيون الحمر يمّي وتقراني

كلامٍ كبير و تجهل ابعاده الآلباب = على صفحةٍ عنوانها : ( قوّة ايماني )

عيونٍ ليا صابت فلا عنّها مجناب = بنظراتها ترقب حضوري وترعاني

تقادح شرر ما هيب نظرة غلا واعجاب = كما عين دابٍ فالطّريق ايتحرّاني

وانا والله انّي ما حسب للصعاب احساب = ادوس الخطر بالرجل في كل ميداني

وانوّخ كبار المستحيلات بالمشعاب = واقول البقا لله والآدمي فاني

علي الحرام انّي لعدّيبها المرقاب = واذا ما احتميت القول مانيب شيباني

معي سيف ابو زيد الهلالي ورمح اذياب = ليا قالوا الميدان ذا ياحميداني

وعيبٍ على الرجّال عند اللزوم ايهاب = ليا عوّدت نارٍ وشعلة ودخّاني

وعزاوي رياجيل ونخاوي وقطع ارقاب = بحدبٍ تقصّ الرّوس من حد الآمتاني

اقوله ولا فكّرت في ثورة الآحزاب = ولا اخشى سوى الله خالق الآنس والجاني

اعرف الرّخوم ارخوم لو تفتل الآشناب = ما تملك عصا موسى وخاتم سليماني

ماتازن بميزان الطناخة جناح اذباب = وانا استغفر الله يا محمّد لا يبلاني

ليا حطّهم وقت العنا بين ضرس وناب = توطّتهم الذلّة وانا ما توطّاني

تحمّلت صكّات الزّمن لين دقني شاب = بنفسٍ عزيزة تعطي ادروس مجّاني

تفيد اللّي امن اطعون دنيا العنا منصاب = ( مسيرة بطل ) تروى من افلان لفلاني[/poem]

هزاع الشيباني