لا تعـد السّـنـه لا زلّ منـهـا شـهـر

[align=center]السلام عليكم ورحمة الله وبركاته

من القديم لتواصل معكم في هذا الصرح الشامخ[/align]


[poem=font="Simplified Arabic,4,darkblue,normal,italic" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
ياطيـور المعانـي غـرّدي بالشـعـر = فـوق غصـن القوافـي زان موّالـهـا

والقصايد ورودٍ وسط روضً خضر = والمعانـي اصـايـل جـيـت خيّالـهـا

والحروف الجزيله مثل نثـر الـدرر = وسط غب البحور وماحـلا اشكالهـا

الزمن ياعرب يبغـى شويّـت صبـر = والدقايـق سريـعـه نشتـكـي مالـهـا

حكمة الله وتقضى من ليـال العمـر = والعمـر دوم فانـي وانـت تشقالـهـا

لا تعـد السّـنـه لا زلّ منـهـا شـهـر = والشهـور الكثـيـره لابــدا هلالـهـا

فرحتك لو صفت لك في زمانك دهر = خنـجـر الـوقـت يـارجـال يغتالـهـا

يابـن ادم زمانـك بيـن هـم و كــدر = انتـبـه لا تطـيـح بـغـدر محبـالـهـا

ثلج في كف يدك ما هو مثـل الجمـر = ويدك من حـر جمـره صعبـةٍ حالهـا

اغتنم وقتـك القـادم وخـذ لـك عبـر = واسند الرِجل وارقى عالي اجبالهـا

واشي الهرج مذمومً في نقـل الخبـر = والنميمـه طبوعـه صـار مرسالـهـا

وراعي الكذب مهما قال حبله قصـر = فالمجالس هروجـه تقصـر احبالهـا

والشجاعه تبي ناسً بوجـه الخطـر = والرجـال النشامـا تثـبـت اقوالـهـا

الصلاوات مكسب لك في سر وجهـر = للنـفـوس العليـلـه طــبّ وادوالـهـا

صل فرضك قبل تدفن في لحد القبر = بعد ما كنت عايـش صـرّت رحّالهـا

قلتها لك نصيحه وانـت كلـك نظـر = والـدروس القديمـه تنفـع ارجالـهـا[/poem]

[align=center]محمد مرزوق السميري[/align]