دموع الرجاجيل

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا همّ خف ايدك علينا شويه=ما عاد باقي الا دموع الرجاجيل
اهل المواقف والكفوف النديه=اتعبتهم بالحيل بالحيل بالحيل
لو انها تقدر عليك الحميه=سقنا لك البيرق على قرح الخيل
واما انتصرنا والحياة الشليه=عادت وجات اقرب من اليوم لليل
والا تلقتنا سهوم المنيه= وماتت بموتتنا حياة البهاذيل
لكن غاراتك علينا خفيه= اتشنها من دون سابق مراسيل
وليتك تغيب الصبح وتجي قفيه=تجعل لمزحوم المتاعب تماهيل
لكن من بين الخوي وخويه=علاقة الحمال بالحط والشيل
مياسمك من صالي النار حيه=وشمسك عن جباه النشاما قدر ميل
انهكت عزم اهل العزوم القويه= وخليت مصرور العباير مباهيل
ولا تنتظر منا يكون الشكيه= نشكيك للي في يديه التساهيل
يا الله يا اللي حل كربة نبيه=يوم احربوه اهل الكفر والاباطيل
تجعل لنا عن قيظ الايام فيه=و تزيل هم فيه للقلب تكبيل
وتبدل احلول الوقوت السنيه= باحلول خير غيثها يسبق السيل
[/poet]