( طلب مجاراه من شاعر ) !

كتبت اللي كتبت .. وكل أبوي وكل شعري ميد ..
غيـورٍ وقّفـت بيـن القصيـد وبيـن جمهـوره
من أيام الحصا يوكل تمر .. وأنا رضيـع الديـد
وهي في القلب وحروف إسمها في القلب محفوره
جسورٍ لو نشـت فـي الجاهليّـه عـوّد أبوزيـد
يـداري عبرتـه .. ويبـادل يدينـه علـى زوره
قبل لاتاخذ من الصبح وجه !! ومن جفول الصيد..
معاودهـا ليـا ذارت مـن القنـاص مـذعـوره
خذت قلب الشجاع .. وحطّته مابين حيـد وحيـد
وخلّت رايته في ملتقـى الجمعيـن مكسـوره !!
ياغالب .. لاضميت وقام يزمي لك سـراب البيـد
عيونـك لاتغـرّك تحسـب أن الأرض ممطـوره
إذا ماكـل بـابٍ لاطرقتـه تاجـد ابـن مهـيـد
تكاثر ماخذيـت مـن الهـوى وإقنـع بميسـوره
ترا ماكل مرهي لا أنطلق ( عصفوره ) من الإيـد
ليا من مر له غصن شجره بيصيد ( عصفوره ) !!
تعامل بالذكـا الا فـي مجـال الحـب بالتحديـد
لا شفت النفس بين يديـه منهيّـه .. ومامـوره
لو أن عمرك خلافك .. خل فكرك في صباه وليـد
تظاهر بالغبا .. والعذر : ( مساحـه وسبّـوره )
أو أنّك كـل ماحبيـت .. تمعـن بالنظـر وتعيـد
قبل لاتدري أن الجرح جرح .. تعرف دكتـوره !!
هذا شوري عليك .. والله الظاهـر مهـوب أكيـد
ترا الشاعر يضيّع ذمّته !! ويضيّـع شعـوره !!


والله ان القصور بعيد ٍ عنك وعنها يابو عبيد

شاعر مبدع وفي مجال الغزل تتعب من يقرالك

صح لسانك وصح لسان غالب ولاعدمتكم