......((..اجتياح......اجنبي..))...هديه على ابواب العيد

المشاركة الأصلية كتبت بواسطة عبدالإله شلواح العتيبي

اهداء الى اعضاء وزوار صرحنا الشامخ



ميدان الشعر



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انت ياللي تسافر بي على كل صوب =والله اني على كيفك مثل ماتبي

لوفراقك سلام وبرد فوق القلوب= كان ماقلتلك سود الليال احطبي

روحبي وين ماودك شمال وجنوب=وردني شرق واشرق بي على مغربي

وشوفني يوم شمسه فالسحاب محجوب= منك نسمة هواه تشيل هم تعبي

الرعد شوق والبارق خفوقه شبوب=والسماء نار من قلبي لرمش اهدبي

شوف همالها نوه عليه صبوب=وابله من هدب عيني ليا منكبي

لين جمر الشفق واخر بقايا الغروب= تنهزم في ظلام (ن) جيش ليله ابي
ظلمته تحكمه والنجم ماهو محسوب= غيرجندي ومتحالف لقص اشنبي
وكثر ماعرف وشفت إمن الغزو والحروب= اجتياحك لقلبي اجتياح اجنبي
ليه ياليل وش ذنبي وذنب الشعوب= والله اموت دونه ماثنيت اعصبي

زال راسي لصفقات الليالي معصوب=الامل بعد ربي في عزوم اركبي

والله اني معه برضاي ماني مغصوب=لو وصلته عدي ماكنه الا حبي



والثواني حواجز والدقايق ذنوب= واقفه دون غاياتي على مطلبي


دون ظبي (ن) يصادفني وطبعه لعوب= بين بندق مع الرامي وفزة ظبي


وكل ما جيت في مرماه عكس الهبوب=ماتجرى على رميه اذا مربي


والامل باب وان ضاقت علي الدروب= الرجاء والصبر زادين في مزهبيي [/poem]

اخوكم
عبدالاله العتيبي (الرهاوي)

ياسلااام ياعبدالإله


قصيده بكل ماتعنيه الكلمه

صح لسانك وكل عام وانت بخير