(.. مـــصـــافــحـــه أولـــــى ..)

[align=center]سلام الله عليكم


حقيقةٍ في هذا الصرح الشامخ .!


يشرفني انضمامي الى نخبة شعراء المرقاب الآدبيه

وانا اخوكم : عبدالله ماجد بن سنيد

أحد شعار ديوانية شعراء النبط (الباديه) بالكويت


قصيده متواضعه كمصافحه أولى اتمنى ان تنال على ربع اعجابكم




!!






[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماعاد ينفع مـع الايـام وسـع الصدر=والحظ ماقـام والدنيـا علـى حالها

دفيـت نفسـي على خيرٍ وعـز وفخر=وأن طاب فال الفتى لاجـاب ودالها

امـا صغر صيتها بالوقت ولا كبر=وحيـود بـقعـا لحـالـي لازم أشتالها

لكـن لاجيت افكر وقــت فيـّة عصر=سود الليالي علينا هلـت اهـلالها

من باب قول الادب ربي يجيب المـطر=وأكبـر قهـر للبشر لاضـاع دلالها

الهم شوف الغبن وأفضل حصيل الستر=لاصرت هـايم ولك منـوه وتسعالها

مامات قلبي من الخفرات بيض وسمر=لو شفت روحي هواهن دوم يـحلالها

صحيح مثلي هواوي دوب قلبه خضر=بالهون أزايم جروحٍ كبـرة أشكالها

يمكن تـرد العوافـي لو تـلد النظر=والعـافيه طيبـه والنـاس باحوالها

شمس الحقيقه تبي تظهر ولامن مفر=لاشـعشـع اشراقـها يازين موالها

ياصاحبي خذ نصيحه من كبير القدر=للعقــده اللـي تعب ماجـاد حـلالها

لاصـار وقتك فراغٍ لايـروّح هـدر=افطن صـلاتك مـادام الناس باعمالها

معلوم منهو تركهـا يانديمي كفر=مشهـاة نفسـك بعضها صدق غربالها

لن كنت تبغى بساتين العمـر لك زهر=أتبــع كلام النبي والنفس في فالها

محدٍ يفيدك من العالم في يوم الحشر=أستغفـر اللـّه ودنيـانـا تهيـالها

أيات ربك تزيد المعـرفه للبشـر=تنجـيك مـن ليلـةٍ لامـال ميـالها

يهزني شوقها هز الهـوى للشجر=يـرتاح صدري وروحي غصب تهدالها

أخير من عالمٍ في ضـعفها تنحدر=تـنثـر مصـاريفها والشـر يبـرالها

الرابح اللي عمل بالخير طول العمر=أليا بـدى حملتـه بالطيب يشتالها

الله ينـــوّر جبينه مثل نور القمر=بالعسـر واليسـر والدنيا على حالها [/poem]








ولاخــــــــــــــلا ولا عـــــــــــــــــدم[/align]