مصافحـه أولـــــى ،،،،،

[align=center]بسم الله الرحمـن الرحيم


السلام عليكم ورحمة الله وبركـاته


بدايه أبارك للجميع بمناسبة قرب دخول شهر رمضان المبارك والله يبلغنـا هذا الشهر الفضيل
والله يجعلنا من صوّامه وقـوّامه ومن المغتنمين فيه ومن الفائزين فيه بالرحمه والمغفره والعتق من النـار اللهم آميـن .

وأشكر الأخوان القائمين على التسجيل لطرحهم الثقه فيني وفي الزملاء الأعضاء الجدد، وأقدم لكم أولى مشاركاتي التي لا أطمح أن ترقى إلى ذائقتكم بقدر طموحي بملامسة الذائقه والله ولي التوفيق [/align]


[poem=font="Simplified Arabic,4,black,bold,normal" bkcolor="transparent" bkimage="" border="none,4,white" type=2 line=1 align=center use=ex num="0,black"]
زل وقت الفرض وأصدح بـ أذانك يابلال = شانت الطرقه على درب تبـّاع الهـوى
ودّي أصبر ياشهر لين ينهيك الهلال = مار أشوف الذيب فالريع ويلج ّ العوى
الظمـا فالكبد والذيب دون العد حال = كيف أبـَجـنـّب عن الذيب ياعد الروى
أدري أن الموت مايحتري كلمة تعال = بطنه الصّـوّاي ما ذاق جوع ولا طوى
لاقي ٍ له في محلاتنـا كرمة سبــال = مـا لقيناها مع اوجـوب وادوام الخـوى
وان بغيت أقلط على كافية صفر الدلال = لا تكلـّف لي بشي ٍ عساها بالتـّوى
والله أنـي ماني بضيف ٍ اخفيـّف اظلال = أتعرفني وآعرفها على عز وغـوى
أن بغتني عم عم أن بغتني خال خال = تاج راس وعلة ٍ طايحه بين الشوى
ماظهرت اللا بـعشر ٍ ليا قالوا تقـال = رفعت الأقلام واسجل ّ هـ العشر أنطوى
اقصر الأعمار عمر ٍ على خذلان طال = وأطول الأعمار .. ساعات فـ أعلى مستوى
غامرت بي بيض الأيام في سود الليال = لين ورّيت المنـاكر وملعنة الثوى
زندها يقدح بجـوف ٍ سريع الأشتعال = وأحترق جاشي وقلبي طلع نص استوى
ماتبرّد جاشي أنسام ٍ اتسوق الخيال = لـ أخطت الهتـّاش نار ٍ يسارجها النوى
وام عابس مادرت عن نسانيس الشمال = ماتزود اللا تسعـار مع صفق الهوى
مايصبّرني على حرّها في كل حال = غير منجوم ٍ على ضاح صاليها ضوى
ياخويّي كان ماطبت حال وطبت فال = من مخاواي إلك ياجعل راسي بالخوى
قرّب الحمله وأقرّب لك ظهور الجمال = لاتقول العرب وش قام منها وش ثوى
ودّي بـ ضرب البواتير عن ضرب الخيال = لين أضيّع بوهة الشكل وسط المحتوى
النجوم المرقبه ماتحـط ّ ولا تشـال = كم بدى نجم وعلى الارض كم نجم هوى
سجت رجلي لين بالمشي قطـّعت النعـال = والحفا قطـّع سماريّ ياراع الدوى
احتفظ بـ دواك والمشي فالدرب العدال = يظهر اعيوب انعطافات خط الأستوا
والحظوظ اللي تهـادر ومن زود الحيـال = تحتها صم الصفا كنـّي أوحي له صوى
جنـّبتني عبد رب ونصتبي عبد مال = والحظيظ اللي يجـنّب ثنينتهم سوى
مافجعني مثل تقييمي وجيه الرجال = لين صدري ضاق ولساني الطلق التوى
مايقـضـّى لازم اللاش لو يبغى ريال = لو يقول اريال ياشيخ قل مالك لوى
احتكـام العقل فالمخطيه عين الهبال = وأختلاطك مع من ادون عين الأنزوى
يالله ألهمني جواب ٍ وأرد ابه السؤال = ساعة اللي هز راسه ( كذا ) ياكل هوى [/poem]

[align=center]وسلامتكم ،،،[/align]