شيب من السيف الحدب مفرق الخيل......

وادي الشقره من اجمل الوديان اترككم مع الصور المختاره من صور كثيره















من هنا انطلقت القصيده اللي القيتها في حفل امارة الشيخ نايف بن ناحل .


والحفل قريبا في قناة المختلف







[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من وادي الشقره بعد مرها السيل=ياطيب بارقها وماطيب رعدها
هلت عليه من السحاب الهماليل=وانا اتلقى في طريقي بردها
اتبع مخايلها واشوف المحاصيل=يارب لامالت عن الدار عدها
بالله ياموسى بعد ماميلت حيل=وانته لربعك فالشدايد سندها
جيب الدلال وجيب بيض الفناجيل=والنار حذرا لاتشوه جسدها
ثم احكم البنه ولاتنقص الهيل= واليا نقص في ابهارها الهيل زدها
والله راسي فجرته المواويل=كل القوافي والطرايق هجدها
ياربعنا ياحرب مبروك ذا الليل=يااهل الفعول اللي تذري بلدها
ليلن جمعنا في ديار الرياجيل=دار النواحل والنقا من مهدها
ربعن سواة السيف ماتقبل الميل=تقصر يمين اللي يباري جهدها
لله در سهيل من يشبه سهيل=ماللكرم لوقن علي غير يدها
تستاهلون الكيف يااهل المعاميل=يااهل الديار اللي علي ظل اسدها
يوم البلاد تفوح جور وبهاذيل= والقوم تكشح روسها من جلدها
جات الاماره حظ من يذبح الحيل=للضيف والعدوان ذاقت نكدها
شيب من السيف الحدب مفرق الخيل=وحلت علي الديره بوادر سعدها
واليوم يومن الليالي تساهيل=جات الاماره مستمده مددها
مبروك يانايف ومبروك ذاالليل=ومبروك يازبن الرجال وسندها[/poem]