( طلب مجاراه من شاعر ) !

فـيـصـل الـســواط

ياهاجسي روّح وتلقى فوق سطـح المشتـري
شيٍّ ذخرته من حروفي للمواقـف والظـروف
هاته عشان يحقق أهداف القلـم فـي دفتـري
واشوف شيٍّ ماتراه العيـن لوكانـت تشـوف
ولنّ الحروف بلانقط لـو تنكتـب مـا تنقـري
تعال يالشيخي هنا حط النقط فـوق الحـروف
ياالصاحب اللي صحبته في ذمتي مـا تنشـري
ألاّ بسيف ابن يـزن علـى مقدّمـة الصفـوف
شاعر لو انك عشت ساعه في زمان البحتـري
كان الكتب تشتال تاريخك علـى كـل الرفـوف
وانسان مالك في سواليـف الزمـان المفتـري
ولا تغرّك نشوة الشاعر على صفـق الكفـوف
يبصم لك ابهامي بعد ما جيت له من خنصـري
أعد ميزاتك بـروس أصابعـي وازرت تحـوف
بس المهم ابنشـدك واشـوف قـدّام نظـري
جواب يقنعني واشيل الحمل من فوق الكتـوف
الهجمـه اللـي شنّهـا عبدالعزيـز العنبـري
ضربة جزا ولا تسلل ياحكمهـا اللـي يشـوف
ان كنت مخطي جيت بالأعذار لعيـون البـري
امّا على مية جمـل ولاّ علـى ميـة خـروف
وان كانه اخطا علّمه ما اقـول يبـلاه جـدري
ما اقول غير الله يردّه مثـل ماكـان معـروف


ابراهـيـم الشـيـخـي


ياهاجسي قم من منامك وانتبـه وش تحتـري
الفعل يطلب منـك ردة فعـل والعالـم وقـوف
طالبك فالمجموعه الشمسيـة اقطعهـا جـري
واكشف قناع الشمس بيدك قبل يغشاها الكسوف
واقرا جميع حروف ابو ريما دبـل والا ثـري
واليا فهمت اللغز ذر الكحـل فعيـون الهنـوف
سؤال فيصل يوم حللتـه بـرى حالـي بـري
يبغى اجابه والاجابه فـي عناويـن الظـروف
تعرف فيصل يكسي من الشعر الابيات العـري
البيت منه اشد وانكى من مضاريـب السيـوف
ان قلت شاعر ماهو بحاجـة كـلام المنصـري
وان قلت صاحب صحبته تسوى ملايينٍ والوف
العلم يافيصل مزوح تـروح والدعـوى فـري
والشك زايل والقلوب صحاح لايلحقـك خـوف
ماني بطعان الظهر لويهلـك الطعـن ظهـري
تدري وندري ماعشق طعن الظهور الا الضعوف
لك الله انـا فـي غلاكـم مانبيـع ونشتـري
لكن ماتفسد علـى الـود اختلافـات الشفـوف
اللقمه الي تجرح الحنجـور يرفضهـا المـري
ان كان ماهي سايغه ماني بملحقهـا حسـوف
هذا جوابي عن سوالك حسب فكـري ونظـري
واسلم وسلم والاجابه فـي عناويـن الظـروف


الله الله الله الله

الله الله الله
الله الله الله الله