حسبي الله على ناصر نكبني بشرطه :(

كلك على بعضك عذب

تحيتي لك وصح لسانك

يامن يودي سلامي يارجال
.......................ويعطيه بنت الامير اخت الامير
الله الله الله



شكرا لأخي العزيز /عبدربه
الحقيقه شهادتي في ابداعك مجروحه
وملاحظتي في النقد وهومايعتبر نقد كيف انك ماتقدر تجيها وتبغى الرجال يجونها
هذي حسب وجهة نظري وتقبل مروري
وتحياتي وتقديري لك

أخوك/ حسين الدوسري

أبوعتيق

الله يكثر حاجاتك عند ابن تراحيب والله يكثر شروطه
أنت مستفيد وانّا بعد مستفيدين من شوفة قصائدك
والقصيدة مافيها كلام مرة لكن مادام أنك طلبت النقد فخذ عندك ذا المحاولة :

الأبيات الثلاثة الأولى ملخصها أنه إذا لم يتم نقل الرسالة سينتهي حتن الآجال
وسيموت سر العرب في جوف بير ... ثم في البيت الرابع تقول :
وألا شهرته( يعني السر) يصير اللي يصير !!!

ما أعجل وهونت عن كتمان سر العرب !!

ربما للموضوع خلفيات تسمح بهذا التعارض في المعنى !

المشاركة الأصلية كتبت بواسطة حسين ضيف الله الدوسري

يامن يودي سلامي يارجال
.......................ويعطيه بنت الامير اخت الامير

وملاحظتي في النقد وهومايعتبر نقد كيف انك ماتقدر تجيها وتبغى الرجال يجونها

أبو ضيف الله مساك الله بالخير

هذه يمكن تبريرها بعدة طرق :
فمثلاً ربما أن أبو عتيق يخاطب هؤلاء الرجال ليوصلون الرسالة عن طريق
((( أطراف أخرى لاتنتمي لفئة الرجال)))
وربما هؤلاء الرجال هم محارم لبنت الأمير وأخت الأمير

أحس انّا دخلنا في خصوصيات أقول ياأبوعتيق الله يرحم والديك لاعاد تفتح قصايدك للنقد

المشاركة الأصلية كتبت بواسطة فراج بن فهد الدوسري

أبوعتيق

الله يكثر حاجاتك عند ابن تراحيب والله يكثر شروطه
أنت مستفيد وانّا بعد مستفيدين من شوفة قصائدك
والقصيدة مافيها كلام مرة لكن مادام أنك طلبت النقد فخذ عندك ذا المحاولة :

الأبيات الثلاثة الأولى ملخصها أنه إذا لم يتم نقل الرسالة سينتهي حتن الآجال
وسيموت سر العرب في جوف بير ... ثم في البيت الرابع تقول :
وألا شهرته( يعني السر) يصير اللي يصير !!!

ما أعجل وهونت عن كتمان سر العرب !!

ربما للموضوع خلفيات تسمح بهذا التعارض في المعنى !



أبو ضيف الله مساك الله بالخير

هذه يمكن تبريرها بعدة طرق :
فمثلاً ربما أن أبو عتيق يخاطب هؤلاء الرجال ليوصلون الرسالة عن طريق
((( أطراف أخرى لاتنتمي لفئة الرجال)))
وربما هؤلاء الرجال هم محارم لبنت الأمير وأخت الأمير

أحس انّا دخلنا في خصوصيات أقول ياأبوعتيق الله يرحم والديك لاعاد تفتح قصايدك للنقد

:

طيب تعال يابوفهد
الحين تفرّغت لك !

والحقيقه اني استفدت من مداخلتك يامال السلامه

لكن أحب أوضّح لك أكثر ،

سرّ العرب المعني في البويتين هو السلام نفسه !
يعني لومتّ انا والاّ ماتت هي ، قبل أن يصل السلام ،
فما احد درى عن سلامي ، ليصبح كالسر !

شايف كيف ؟

هذا هو المقصود بسر العرب المبيوح !

..

اشكرك من الاعماق يابوفهد وعساني ما أعدمك


سلام’ عليكم

^
^
أقول ياطيبكم ياعيال زائـد وتسان ،
مع أن باقي الأخوه آخذين حقهم من الطيب ، لكن أنا أتكلّم عن النقد ،

:

حسين ضيف الله ,,,
بالضبط كما ذكر أبو فهـد جعله يسلم ، وأنا ماتوقعتناه يطيح عليها ..!


أمّاأنت يابوفهد باجيك ثاني مره إن شاء الله ، واناقشك على تياده

<- وده يطوّل الموضوع !


الف شكر لكم جميعاً ولاعدمتكم


..

بارك الله في ناصر وشرطه

صح لسانك ياعلم

يامن يودي سلامي يارجال
..................ويعطيه بنت الأمير اخت الأمير

لاصار مالي بتوصيله مجال
......................تراه يمكن مسوٍّ فيّ خير
يا جماعه جزاكم الله خير انت يا عبد ربه و ابو فهد وجميع من مر من هنا
القصيدة مهيب بالدرسعي والريحاني حتى تكون المفردة ضد النص المقصود
كلمة بنت الامير واخت الامير وهناك جمع من الرجال يوصلون لها الرساله وابو عتيق ما يقدر ذالك
القصيدة نبطية واضحه صدر البيت خبر وعجز البيت اجراء يعني معنى التنفيذ
لا يمتكن اقتنع في اي نافذة تفتحونها في هذا الخصوص
والراي متروك للجميع
وفي رجاء من ينورنا برأيه

المشاركة الأصلية كتبت بواسطة حسين ضيف الله الدوسري

لا يمتكن اقتنع في اي نافذة تفتحونها في هذا الخصوص
والراي متروك للجميع
وفي رجاء من ينورنا برأيه

كيف لايمكن تقتنع ؟
يعني فيه هناك قصور ،
اما في نقاشنا وإلا في فهمك
وأنا أستبعد كلتا الحالتين ..

لازم كلٍ منا يقنع الآخر ، وإلاّ لا فائدة من النقد ولا في النقاش ,,


الآن ابا اسألك يابوضيف الله ،
يعني بنت الامير هذي مالها محارم ؟
ولايطلق عليهم رجال ؟



مسألة الاستبداد بالراي هذي ماتفيد ، وسياسة إن لم تكن معي فأنت ضدي لاتصلح


الهيتني عن أبو فهد والمذن أذن ،


سأعود لكم لاحقاً إن شاء الله ..


..

المشاركة الأصلية كتبت بواسطة عبدربه

الآن ابا اسألك يابوضيف الله ،
يعني بنت الامير هذي مالها محارم ؟
ولايطلق عليهم رجال ؟

..

المشاركة الأصلية كتبت بواسطة عبدربه

وأنا ماقلته ..


وارجع للبيت وشف


..

المشكله كلها على (رجال) يا ابو عتيق
بعدين وش دراك ان العطاوي يطلب توصيل سلامه من رجال

هو قال ردوا سلامي بدون تحديد وهنا الفرق الله يخليك لي

وخلني اختصر لك السالفه

انت قلت يا رجال في البيت فان كانوا محارم فمشكله وان كانوا غير محارم فهي مصيبه

القصيده لا يمكن اعتمادها كمستوى لشاعر بحجمك يا عشير الغانمين
الله الله

اف لكن على قولتك بما انك طلبت شاركنا براينا المتواضع

ورغم اني اتوقع انها كيبورديه
الا انه لا يشوبها شي سوى اختلال المعنى الذي يدور حوله النقاش من اسبوع

ونقطه بسيطه واحده اخرى هي

ثم تصبح الدلو تصفق كل جال

مدري ليه ما قلت ثم يصبح الدلو يصفق كل جال ... ليتناسق الكلام من ناحية المفرد والجمع
فالدّلي تصفق والدلو يصفق كل جال
الا ان كانت التاء للتأنيث فهي مشكله استبعدها جداً

او انها غلطه مطبعيه ,, ما ادري

وسلامتك وعافاك وجميع من مرق من هنا
وصح لسانك عشرة ملايين على كل حال

أبوعتيق :

كذا معقول ومقبول

ولاهنت على التوضيح

المشاركة الأصلية كتبت بواسطة حسين ضيف الله الدوسري

لا يمتكن اقتنع في اي نافذة تفتحونها في هذا الخصوص

ياأبوضيف الله جعل ربي يبطي بك حيّ :

ودي أنك تجاوب على سؤال أبوعتيق ثم سكّر ماشئت من الدرايش

وأنت يادكتور طالما توافق أبوضيف فبإمكانك الإجابة أيضاً على السؤال

وتقبلوا خالص الإحترام

المشاركة الأصلية كتبت بواسطة فراج بن فهد الدوسري

أبوعتيق :

كذا معقول ومقبول

ولاهنت على التوضيح





ياأبوضيف الله جعل ربي يبطي بك حيّ :

ودي أنك تجاوب على سؤال أبوعتيق ثم سكّر ماشئت من الدرايش

وأنت يادكتور طالما توافق أبوضيف فبإمكانك الإجابة أيضاً على السؤال

وتقبلوا خالص الإحترام

الاخ ابو فهد ان كان قصدك كلمة النوافذ الذي تطرقت لها في المناقشة السابقه
فهي نوافذ العلم والمعرفه في الادب
اما كلمة درايش فيحشم هذا الصرح وجميع من فيه
ويجب عليك التمعن في تلك الامور

المشاركة الأصلية كتبت بواسطة حسين ضيف الله الدوسري

الاخ ابو فهد ان كان قصدك كلمة النوافذ الذي تطرقت لها في المناقشة السابقه
فهي نوافذ العلم والمعرفه في الادب
اما كلمة درايش فيحشم هذا الصرح وجميع من فيه
ويجب عليك التمعن في تلك الامور

الأخ أبوضيف الله

النوافذ جمع نافذة وهي الدريشة بالعامية وجمعها درايش
ولا أدري على أي ساس يكون في هذا عدم حشمة للصرح ومن فيه على حد قولك !!!
ثم ياأستاذنا الفاضل النقد عبارة عن طرح وجهة نظر وليس من حق الناقد إلزام الغير
بالأخذ بها وذلك على طريقة (ما أريكم إلا ما أرى وما أهديكم إلا سبيل الرشاد) !!
فأرجو منك أيضاً التمعن في تلك الأمور!!

عبدربه ,

الطرق لحاله ابداع ,

بغض النظر عاد عند ابداعك المعهود ,

وسلم ناصر على نكبته لك ,


سلامي عليكـ .,

عبدربه



بيّض الله وجه راع الشرط اللي خلااك تنزلها





وصح لسانك .. ولاهنت

الاخ ابو عتيق لا تصرف الامور لمواضيع اخرى
انتوا رجال والنعم بك والنعم ببو فهد
القصيده اذا طلعت من شاعرها لا يمكن يقدر يعدل مسارها
القصيده هنا واضحه وسأسترسل فيها ببعض التفسير ارجي منك المصارحه بالأمانه
في كلمة بنت
.
.
.
يامن يودي سلامي يارجال
..............ويعطيه بنت الأمير اخت الأمير

1
.هنا كلمة بنت الامير اخت الامير بهرجة معنى بأسامي مستعاره
.

الكلمة المقصوده الذي اشير اليها هذه البنت سواءً كائن حي أو جماد
انشد معنى القصيده من كلمة بنت

وبدت بقية البيوت تنتقل بسلاسه وكل بيت يعبر عن ما يعنيه
.
.
.




لاصار مالي بتوصيله مجال
...........تراه يمكن مسوٍّ فيّ خير

2
هنا طلب النجده والفزعه
.
.
.
قدّام لاينتهي حتن الآجال
.............ويموت سر العرب في جوف بير
.
.
3

يعني يفوت الاوان




ثم تصبح الدلو تصفق كل جال
............وألاّ شهرته يصير اللي يصير

4
.
يعني كشفت الدعوى يزعل من يزعل ويرضى من يرضى

لازم نقضّي مواربنا عجال
...................على ماقال الحكيم ابن الخبير
5
.
.
نفس البيت الثالث بالمعنى يتبنى فيه كلمة الحكمه الحكيم ابن الخبير الذي تحث على الاستعجال
إلى اخر القصيده و البيوت تنتقل بسلاسه

أبو ضيف الله ..

مرحبا بك مجدداً ،

وارجو منك أن تجيب على سؤالي أولاً ،

الموضوع ماشي على مساره الصحيح ، ولم ينصرف كما تفضّلت ,,

أجب على السؤال اللي طرحت عليك في الرد السابق وبعدها أعلمك !

..

عبدربه


ياسلام عليك وعلى بدعك


صح الله لسانك ولاهنت

أثر لها أمتدادات نقديه ما دريت عنها
شد وجذب ونقاش محسوب من اهل الراي السديد هنا

انا مع ابو ضيف الله في استغرابه من يوصل العلم اللي عند عبدربه لبنت في حجر والديها
لكن يبقى الشعر له ما لغيره من الكلام المنثور دون موازين وظروف محدده

كثيرا ما نسمع (( يا الربع قولوا لها )) (( يا ناس هاتوها )) الخ طلبات الفزعه تلك

لكني متشوق لمواصلة هذا النقاش وبانتظار رد ابو ضيف الله على سؤال ابو عتيق

بعدين ابسأل عبدربه لو جاك سنافي وقال انا اوصل العلم ويوم راح لبيتها طلع له أبوها وعلمه ونادا ابوها السياف وقص راس المندوب / المذنوب .. هل عليك انت يا عبدربه ديه شرعيه ؟




...

صـح السانك

قديمك جديد بشرط ولا بغير شرط

ابيات طيبه من طيب شاعرها

مازلنا متابعين هذا النقاش

مع اني ضد تعري الشاعر


غيمار

اخي العزيز :استاذي القدير الاستاذ سداح
مداخلتك اعتبرها وسام وشهادة اعتز بها وانت من الرجال الذي اقتدي بهم في الرأي والمعرفه
فلا يوسعني الى ان اقول لك شكرا يا اخي القدير

يامن يودي سلامي يارجال
..............ويعطيه بنت الأمير اخت الأمير

لاصار مالي بتوصيله مجال
.....................تراه يمكن مسوٍّ فيّ خير

____________________________


الآن ابا اسألك يابوضيف الله ،
يعني بنت الامير هذي مالها محارم ؟
ولايطلق عليهم رجال ؟
_______________________________
من النصوص الشرعيه في الحكم .
.
واثبتها دلالة
.
ان يعتراف الشخص بنفسة
.
فأنت يا ابو عتيق اعترفت ان البنت هذي لها محرم
فأصبحت بنت حقيقية
فما دام ان السر بينكشف امام من هو محرم لها فمن يخفى السر عنه عن امها ولاجدتها
البنت هيبتهابعد الله من هيبة رجالها حسب العادات والتقاليد
.
.
.
ولكن وش رايك يا ابو عتيق في المثل السايد بين البدو الحر اذا اقضبته الشبكة يخدم
اعترف باالنقد يا رجال واختصر الموضوع