تغطية مصوره .. لإجتماع أعضاء المرقاب في أم رقيبه ]

بالنيابة عن نفسي و بالأصالة عن زميلاتي العضوات

اطالب افراد اجتماع ام رقيبة بالإعتراف فورا بأحاديث الحش الخاصة بنا

وانا عن نفسي ما سامحكم



طبعا اطالب الجميع ماعدا واحد يعرف نفسه

لاني اكيد انه بيضيف من البهارات ما سيغير من ملامح الحقيقة المرقابية في ام رقيبة

مشكور يابو وليــد ..




وتغطيه رائعه ..

وإجتماع موفق ..


والعوض فالمقابيل

ولكم فائق ودي وإحترامي

عوده من جديد لو ان الحمى شاده حيلها

المشاركة الأصلية كتبت بواسطة عبدربه

هاوان الثلط أعش اللي يقولهم الساحاني ؟

ماغار تسعه !

يابو حواء احسب معي ( شفق السريع ، ناصر بن تراحيب ، سلطان الاسيمر ، فراج القرقاح ، محمد آل عبدان (طويل العمر ) ، فهيد بن عصيدان ، محمد صالح ، محمد رشيد ، ضيف الله الغنامي غازي المغيليث ، خالد السيحاني ، وضيوف المخيّم علي بن حسن العازمي و ابراهيم الهاجري.

هاللحين وش تقول


ـــــــ

المشاركة الأصلية كتبت بواسطة محمد بلال

ابو غازي

نبي الصور اللي خلف الكواليس

ما نبي صور الرسميات !

مرحبا مرحبا يابو بلال ابشر ابجيب العلوم كلها بس خلني ارتب الاوراق


ـــــــ

غازي المغيليث:هو اللي فاجئني بكل ما تعنيه كلمة مفاجئه
ياعالم غير (حبيب ) وعلى (نياته) .شعريآ فارق جدآ اللهم لا حسد ، جلست انا وياه وابن عصيدان ، نصور قصيدة ( الله يذكرك الشهاده يا عشير الغانمين ) ثلاث ساعات كل شوي نعيد التصوير من الضحك ،
وابشركم صورناها يوم قلت لهم 1- 2 - 3 آكشن ما ضحكو يحسبون انها منقوله بالتلفزون
على فكره ابو محمد (غازي) مصدوم من فراق العشوا وخايف من (المحيبطية) ، الله يرزقه بـ عشوا تطرح الطير من السما
انا عمومآ سويت له خطه (انما ايه) (4-4-2) بمباركة اعضاء الكشته ، لو يطبقها اضمن له عشوا جديده

ـــــــ

ابو تراحيب (ناصر) : شخص.. لماح ، ذكي ، هواوي ( الاخيره بزود ) + متابع من الدرجه الاولى للساحه الشعريه والاعلاميه.

ـــــــ


ابن عصيدان: تغير انطباعي عنه 180 درجه ، كنت احسبه شايب و رسمي زياده عن اللزوم . طلع شبابي وهاب ريح ، وعلى كيف كيفك ، كل ما اتذكر سالفته مع (الشاحن) اضحك لين يغمى علي.

ـــــــ


فراج القرقاح : ما شاء الله تبارك الله ، من اول ما تشوفه ترتاح له ، شاعر محاوره من الطراز الرفيع، ( ما احد يقدر يزحزحه عن اشراف الفنون ، يمكن يتقاعد وهو مشرف فنون) ، اعجبني فيه حرصه على الصلوات الخمس ، الله يجزاه عنا الف خير.

ـــــــ


لي عوده مع بقية اعضاء الرحله

^
^

ههههههههههههههههههههه ..

اما سالفة الشحن .. والعشوا ياخالد الله يخارجك من غازي وفهيد


سلام عليكم .,


لي عودة بإذن الله بإنطباعاتي الخاصة عن ام رقيبه
دمتم بخير

الله لايضـركم يالمرقابييـن


ويجمعكم علي العز والمعزه

لاهنتوا


تحياتي

المشاركة الأصلية كتبت بواسطة خالد الحصيّن

بس كان معكم باكستاني .. مدري وين راحت صورته ؟؟


لاهنت يابو وليد !

باكستاني ويش !!!

ترى مانسخنا شي من الصور للجوال
ولا نقدر نرسلها وسائط بعد

عوده مجدده ..




فراج القرقاح

سريع التفاعل مع كل شي ، حبيب ، طيّب إلى أبعد حد ، توقعته شايب بس طلع أصغر مني ههههه ، قصائده لها نكهة بريّه ، شاعر محاوره ، كل ماأتذكر سالفته ( يوم تقدمنا عليه ف البلوت وهو يقول : الصلاة وجبت ياريجيل ) ههههه أضحكني جداً ، رافقته أثناء العودة للكويت ، مرح ومليان سوالف حلوه




محمد بن رشيد
يخجلني صمته وهدوءه ، لايتحدث كثيراً ، لكنّه حاضر الذهينه مع الكل ، ذكي جداً ، وصاحب صوت رائع ، دمث الخلق ..




مشعان البراق
أكثر مايضحكه تعليقات خالد السيحاني ، يجمرك ( الكلام ) ، يخليك تفكر بكل شي بتقوله
والدليل ( شحن الجوال ) .. ، ينومس ، علومه كلها غانمه ، وفوق البيعه ( مرح ) وساخر في حديثه .. طبعاً إنطباعي عنه أزلي ولازالت صفحات الذاكره تزخر بكل صدفه تجمعني به ..



غازي المغيليث وماأدراك ماغازي

كنت اتوقع أنه رسمي ( وينقد ) على كل شي ، طلع ( فلّه ) ، السالفه اللي يقولها يخليك تمسك بطنك من الضحك ( لوجت بلسان غيره بايخه ) ، وإذا ضحك تضحك لاشعورياً مع ضحكته ، يكرر المواقف التي تضحكه فتضحك معه خصوصاً سالفة ( صوت البرق ) هههههه

عليه ( حكرة دلّة وغوري ) .. تقول خالطها بعسل .. نشيط ، شاعر مبدع تفكر بكل بيت يطرق مسامعك منه .. مثقف وحاضر الفكر ، لكل موضوع تجد لديه قصّة تثري الموضوع ، حفظه للقصائد والمواقف يجعلك تقف عند ( عقليتك ) المتخمه بالروائع ، بديهي وعلى السليقه ..

أشياء كثيره كثيره في هذا الرجل ..

المشاركة الأصلية كتبت بواسطة خالد الحصيّن

بس كان معكم باكستاني .. مدري وين راحت صورته ؟؟

إخذته الجوازات

المشاركة الأصلية كتبت بواسطة محمد آل عبدان

كذا المدراء و ألا بلاش

ترى .. راسلنا موسوعة ( جريبيع ) للأرقام القياسيه .. علشان يسجلونك اصغر مدير

دارين



من ناحيتي كنت ( مستمع ) جيّد لـ حش عراقيب ( نون النسوه ) فقط ( فنّان في الضحك ومسكة البطن ) هههه
بس بايحي الربع كلهم وخصوصاً شفق << قطّهم على صخر هههه

السي حاني


ما أقول شئ ، مير أنا يوم أقولك ، عاينت في الصوره الوداعيه وليا أنها ماغار تسعه !



وعفاك

المشاركة الأصلية كتبت بواسطة ناصر تراحيب

ترى .. راسلنا موسوعة ( جريبيع ) للأرقام القياسيه .. علشان يسجلونك اصغر مدير

يا أخي اسامه بن زيد رضي الله عنه .. قاد جيش كامل و هو لم يتعدى الثمان طعش
وأنا مدير للمرقاب و أنا ما وصلت التسع طعش

جيناكم بالمستخبّي













و انتظروا الباقي .. لين اعرف أحمله

ياحلوها من جمعه

والله إنها فاتت علينا ..ياشين البعد والظرووووف


متحسّف على التربيعه مع أعضاء المرقاب <----- ودّه يكسّر روووس بعض العرب بالبلوت


الله يديم التواصل والمحبه ..


أبوشاهر

شكل المدير حفظه الله ..يسولف عن السبحه ولاّ أنا غلطان

هـ اللحين أنا خابر إنّ اللي يطلعون ويتمشون يروحون بعيد عن الخلق ، مايازون وسط العرب
الا ان تسانكم مرتاعين فهذا شئ ثاني





وماشاء الله علاكم ، وقتكم كله ماغير فلاشات صوّر يا فلان وصوّر يا فلان .




لكن تبون الصراحه
احجزوا لي متسان معكم إن قالها الله السنه الجايه ، ومالكم عندي غار ( فرث تسبود )















اقول يالربع ، هاتوا ماعندكم من علوم مستخبيه
قدم الرجال يجي ثم يعلّم علاكم
<< مايقصد ضيف الله

هلحين هذاه اللي في الصوره،، الصغير المسيكين الضعيف ،، الجواعان ،، اللي تنفطرله تسبود خلق الله ،، هو شفق؟؟!!

شفق اللي صاج المرقاب ولاجه وما خلا احد ما لغفه الا من رحم ربي؟؟!!


ههههههههههههههههههههههههههههههه




لو فيك عيوب الدنيا يابو مهنا ،، وهي مهي فيك ،، تبقى ملح المرقاب وسكره...















تحياتي/ حامد

ضيف المرقاب / علي بن حسن .. والمرقابي خفيف الظل / خالد السيحاني



هالحين اللي جاب علي إبن صامل لأم رقيبه مايجيبه عضو للمرقاب!!..

صور رائعه ورايقه .. الله يجعل تجمّعنا دائماً على العزّ والطاعه

ماقصرت ياناصر

بسم اللة الرحمن الرحيم :

من اروع ايام وليالي العمر . لاشك في تسيدها للذكرى...

فراج القرقاح :

هادي جدا , مثالي في اخلاقة وتعاملة , مبدع في المحاورة , محافظ على الصلاة في وقتها . يدخل القلب بدون استئذان , باختصار لم اذكر من فضائلة الا القليل .....

مشعان البراق :

شخص يجيد الجمع بين المرح والسخرية المحمودة في ان واحد. الابتسامة لاتفارق شفتية , نشيط خلقة , مدمن تصوير . واهم خصلة فية : استشاري في المناكح اللفظية .باختصار شديد مريض يرجى شفائه ...

خالد السيحاني :

مريض لايرجى شفائه.

فهيد بن عصيدان :

شاعر لم يطلع المرقاب الا على القليل من ابداعه . مستمع جيد وناقد من الطراز الاول. حديثة لايمل .جرئ في الطرح ...راقي التعامل ....

محمد رشيد :


قمة الهدوء , قمة الاخلاق . قمة التعامل . وصاحب حنجرة ذهبية ....

سلطان الاسيمر :

لم يسعفني الوقت في التعرف على مكنوناتة ... واقعي وخيالة الشعري يتسع للكون ومن فية

مرن في التعامل وجري فى الطرح ......

بالنسبة لامراض مشعان البراق وخالد السيحاني , ابشركم ان الدكتور يقول امراض حميدة ..

لي عودة مع البقية وكذلك خالد السيحاني


تحياتي القلبية الحارة............

ابو محارب :

انت رفيقي وواجب الرفقة يملي علي نصيحتك ..

طبعا تعرف اني محامي (متر) : ان رحت لحقوق الانسان قصوك بدون محاكمة ....

على طاري التهديد بالصور ...


((اللة يذكرك الشهادة ذكرتني العضوات))

بالنسبة للعضوات انا ماخليت عليها قشاش ..(مشعان البراق : ارجو عدم تحوير كلمة قشاش )

عموما لامانع من ذكر كل ماتحدثت بة عن العضوات . اللي بيسولف يأخذ راحتة . هذا تصريح علني ...

ملاحظة : تعابير الوجة والابتسامات عيت تطلع معي ...

شفق السريع :

الاب الروحي للرحلة , مرن في التعامل غير عن المنتدى , مركز معلومات متحرك , عقلية كبيرة ... اتزان في الاحكام .. خليط من الجمال العقلي والروحي ..


ناصر تراحيب :

قليل الكلام . اجابات مختصرة ومفيدة , تعليقات في الصميم . شخصية مريحة ..للرومنسية في حياتة نصيب كبير (هذا مالمست واللة اعلم) ..

خالد السيحاني :

مرح يصنع النكتة من اللاشي .. بياض الثلج صفتة كما قال الاسيمر . خليط من الجمال والفكاهة , لايمل حديثة ولقياة ..

لي علية ملاحظة بسيطة : كما حدثني بلسانه , يبدأ المواضيع ويستمر فيها الى ان تصل الى المرحلة ماقبل الاخيرة ثم يتركها معلقة ... عموما وان اخوك راح اكمل لك المواضيع المعلقة , لكن بعدين انتبه لشغلك انا مانيب قاعدا لك دائم .................


محمد صالح العتيبي :

قد يستطيع الانسان السفر الى المريخ , ولكنة لايستطيع ان يكره محمد صالح ...

محمد ال عبدان :

ماذا ينفع الانسان اذا كسب الكثير من الاصدقاء , وخسر محمد ال عبدان ...

تصبحون على خير

للحديث بقية ........

ماشاء الله تبارك الله


جمعكم الله على الطاعة والاخوة والمحبة ،

يعلم الله انني حاولت الحضور ولكن الظروف لها احكام ياجماعة ،

وظروفي هذه الايام صعبة جدا ً لم تساعدني في الحضور ومقابلة

هذه الوجوه الطيبة ،،

اتمنى ان شاء الله ان تحين فرصة اخرى فلقائكم هدف وشرف كبير ..


تحياتي لكم .