صرخة أنثى .. كيبورديه تضامناً مع غزه

[align=center]تضامناً مع ما يحدث في غزه كتبتها صرخة أنثى تبحث عن نخوة المعتصم



بين جموع من أشباه الرجال ..!



اسأل الله أن يرفع البلاء عن غزه ويتقبل شهدائهم وينصرهم نصر عزيز مقتدر[/align]







[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

سود الله وجه مافيه خير ولا مروه=وجه مدفوق الكرامه وراسه فالرمال

ياعقول المرجله يا صناديد الفتوه=يا معايير الرجوله إذا شح الرجال

افزعو نخوه للاسلام وعهود الاخوه=كان باقي في دماكم مساحه للنضال

اسمعو غزة تنادي وقصف الليل توه=تنتخيكم تطلب العون في كل اتصال

وينكم يا ألف مليون يافكرٍ تشوه=وينكم وقت الشدايد إذا اشتد القتال

ينتهك عرضٍ ويهتك ولا فم ايتفوه ؟=ماتت الغيره وقلب العرب فيه اعتلال

نبتسم ياولد صهيون سو اللي تسوه=ما علينا الا نصفق لوجه الكرنفال

واليهود امسو يدكون شيمتنا عنوّه=يقتلون أطفالنا ظلم في سود الليال

عندنا للحرب ميدان يحوي كل قوه=قوةٍ إن كان ردنا ندك ابها الجبال

مير أنتم مابكم عز أو نخوة فتوه=البسوكم ذل فوق العمامه والعقال

اسمعوها صرخة انثى على نهج النبوه=تمتطي صهوة حصان الكرامه باعتدال

تلبس الغتره وإذا غابت ارجال المروه=ارتمت في حضن الاكفان واحضان الرمال

سوّد الله وجه بالخزي والذله مشوه=وجه مدفوق الكرامه ولا يسوى ريال

[/poem]