صدر وعجز ..

المشاركة الأصلية كتبت بواسطة عناد النفيعي

اسعد الله اوقاتكم جميعا .,

اولا ., الف شكر لك يابنت وايل على هذا الموضوع المحفّز للشعر والشعراء .,

ثانيا ً ., آسف على التأخير ياخالد السيحاني والله مادريت

الاّ من رسالتك صباح هذا اليوم ., اشكرك على طلبك لي ..

واستلم .. الله يجملنا معك يابوغازي

السهر ماضمد جروحي وخلاني
________________ ضيّق خناق الشعور ووثّق قياده

ايه ليته ماتعشاني ولا اشقاني
________________ لين خلا الدمع وإحساس التعب .. عاده

عام الاول كنت اقول الحب سلطاني
________________ قبل يفجعني عديل الروح ببعاده

آه من جرح الغرام اللي تحداني
________________ وآه من حب ٍ ملك من قلبي ابعاده

ان نساني ماتت احلامي ووجداني
________________ يعتبرني من ضحايا ملحه وزاده

وان رجع لي والله انه موقف انساني
________________ احتفل به كل عام بنفس ميعاده




سلامي عليكمـ .,

الله الله يابو سالم خليتها باذخة الجمال وحسنة القوام لله درّك وكفى