درر صدر وعجز ..

مشعل فالح الذيابي \ عايض النفيعي






مـل قلـب ٍ صاحبـي بالجفـا قـدّه
لين صارت عوج الأضلاع في ( قامه )

للولـع فالصـدر مرمـى ولـه قـدّه
محفي ٍ رجلـي معـه شـدّه وقامـه

اتلـع ٍ ضامـر حشـا باهـي ٍ قـده
مدهـل ٍ للطـول فالعنـق والقـامـه

شايـف ٍ نفسـه ولا كـن احـد قـدّه
ما يهمّـه واجبـه كـان مـا قامـه

طالبـك يالله لـدرب الوصـل قــدّه
قبل عمري معـه لا أصفّـر أرقامـه

كان ما يمشـي معايـه علـى القـدّه
طحت لي في بحر حـب ٍ ميـة قامـه