مجموعة من قصائد الشاعر الكبير عبد الله بن زويبن

#1 25-04-2005, 07:17 PM

هذه قصيدة للشاعر عبد الله بن زويبن المعمري الحربي قالها عند ما قال له أحد أصدقاءه أنا عندي قصايد لو تسمعها يا عبد الله ما قصدت فقال أبن زويبن ردا عليه :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعلي قول ولا لواردك ملطوم = ياراعي الخرمة حديد البقومي
عندي علوم وخابر عندك علوم = وتبي تعلمني وتاخذ علومي
لا كن انا ماني رفيق لك اليوم = أنا رفيق للشقاء والهمومي
البارحة واليوم ماجاني النوم = بيني وبينه مثل حرب النجومي
سهران طول الليل لا أرقد ولا أقوم = أقالب الجنبين تقل محمومي
وأن نمت صحاني من النوم جاثوم = اللي يصحي غارقين الحلومي
الله على اللي مقدمه تقل مبروم = شد الوكالة ما ببديه هشومي
ماجِيب عن السمكريين مصدوم = ولا قيل هو مسيوم ولا نسومي
مقوس الصدام وجنوطه كروم = فكسار منوة كل راعي لزومي
إلى مشى بالخط ولخط مزحوم = يروج مثل السيل بين العقومي
بالوصف كنه فارس يمنع القوم = يرخي العنان ولا يحزم الكمومي
فارس وشيخٍ للمغاوير زيزوم = قدام شيخان العبي والختومي
شيخ بكفه رمح مسقى ومسموم = أما من الدوشان وإلا الفرومي
وإلى أعترض خطه لشعبان وحزوم = يشبه لسباحٍ يغوص ويعومي
ما قص له لوحات بحروف وأرقوم = إلا سند جمرك بدفع الرسومي
أبيه عن دارٍ بها الصدر مكتوم = يبعد مسايه قبل أمزع هدومي
لأرضٍ يساقيها من الشبط ديموم = ومن أول الوسمي عليها قدومي
فياض وجبالٍ لهن طور ورجوم = ملس المراقي مكنعات الخشومي
ما فقست بلجوفهن بيضة البوم = مرفا الحرار مخاشرات السهومي
ماكني إلا عايشٍ دايم الدوم = إلى رقيت مناطحات الغيومي
أرتاح وألقى متعة الطير بالحوم = يوم الهوى ينفض شماغي وتومي
وياعلي أنا قبلك عن الشعر أبا أصوم = زينه وشينه مبعدٍ عنه حومي
وش عاد ابا بالشعر والشعر مظلوم = وإلى سمعت الناس ردوا عزومي
اللي ليا سمعوا شريط أم كلثوم = من الطرب كل ٍ يطق البهومي
هيضتني يا ذخر من يذبح الكوم = في ساعةٍ فيها البخيل مهزومي
يقلط وهو كنه على الوجه مرثوم = يطيح وجهه مع وجيه الرخومي
وأصل البخيل خمام معطى ومحروم = وكفه ليا جات اللزوم محزومي
والناس بالأفعال فايز ومذموم = وإلى النواصي ما عليها وسومي
وأنته مع أهل الطيب لك حظ وقسوم = وعن الردى في كل حال محشومي
لك مسهمٍ بالطيب ما هوب مثلوم = ياطيب الرفقة شريف السلومي
وتم الكلام اللي من الراس منظوم = وعسى حياتك يالسبيعي تدومي
وإن مت جعلك من سنا النار معصوم = في جاه غفار الذنوب الرحومي [/poem]

وعندما سمعها صديقه رد عليه بقصيدة ولا كنها ليست موجودة لدي للأسف الشديد ووجد أبن زويبن بقصيدة صديقه سوء فهم فأراد أن يردف له بقصيده اخرى يبين له سلامة منهجه وهي كما قال :

قصيدة تشره ما بها شجب وأستنكار ـــ نظيفه عفيفه ما بها ما يعيبها

حيث يقول أبن زويبن في قصيدته التعقيبية :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عسى الله ينجيني من المدفع اللي ثار =بعيد المدى اللي كل الأهداف يعطبها

يخوف ويرعب كل ماثار ياستار =يهد المباني والرواسي يشطبها

حديث المديل اللي على كهربا وزار =عسى الله يعين القوة اللي يحاربها

رماني وجاني من سهومه مطر وغبار =ولغات المدافع بالصواريخ أخاطبها

ألا ياهلا يامرحبا والكبار صغار =وترى الناس تهديد العدا مايهيبها

عزمنا على عسف النظا نسع الأزوار =وجزمنا على مس الكتب في غواربها

وكربنا الأشدة فوقهن في حقب وخصار =ونسفنا مواركها وشلنا مزاهبها

ونوينا على رد النقا للعميل جهار =على شان صعبات المواقف يجربها

تدور المعارك والجنايز لها قبار =لها من يكفنها ويركز نصايبها

حصل ماحصل والمبتدي ماعليه حيار =وترى اللي تقدم لحيته عند شاربها

وترا الشك ودى له رياجيل يم شهار =تربع بليس بروسهم لين خربها

مع الدرب الأيمن رح وخل الشكوك يسار =تراها بعيدة عنك وأنته تقربها

عطيناك بشتٍ ماتخالف بها الأنظار =نقينا المشالح لين جبنا لك أطيبها

وقبلت الهدية ثم مدري وش اللي صار =لقيناك يوم تصلي العيد قالبها

وأنا ياعلي ماني مراوغ ولا غدار =أقدر خويي والمحابيل ما أنصبها

وأجنب عن الشينة ونفسي لها مقدار =مع الطيب تمشي والردا ما يناسبها

وأنا ماني اللي يعترض سكة المرار =أنا لي طريق وباقي الطرق أجنبها

أخل العرب وأسرارها ما أبحث الأسرار =أجنب ولالي في خطاها وصايبها

أعرف أن لو أنه يطق الحجار حجار =تقوم السباع إلها سباعٍ تجاوبها

وتصير القضية مسألة بحث واستفسار =وعلى راس منشيها تعود عواقبها

وتراك انت راع الرمية اللي بدون عيار =طريقة خطا مدري عليه مصوبها

تبجح وتنظر لي بتصغير واستهتار =كبيرة عليك ولا أعرف ويش واجبها

وتقول أنك انت الشاعر الماهر البيطار =جميع المثايل مفردٍ في غرايبها

وأنا خابر انك لك بضايع مع التجار =على كل سوقٍ يشري الزين تجلبها

وبالأسهم تساهم بالجنيهات والدولار =مع أرقى البنوك اللي تضاعف مكاسبها

وترى كل ديرة غير ديرة بها خبار =أهل معرفة بسباعها من ثعالبها

وترى كل ديرة غير ديرة بها صقار =يعرف الصقور الرقش ويعرف أ رانبها

وأنا يوم سويت القصيدة خبر وانذار =وأنا ما أحسب انك تشتبه في مآربها

وتعبت وتعبنا والنتيجة ما غير أصفار =والأصفار بالأصفار وشلون نضربها

وأنا مسهمي ماهو بناقص مع الشعار =أروض صعيبات المثايل وأرتبها

وأسوق القوافي لين تمشي مع المعبار =كما سوق هجنٍ حنوة العود تدبها

على درب شيخٍ كل يومٍ يصبح دار =يسج النشيط من النظا لين يتعبها

وأجيب البيوت المفردة وأترك التكرار =نقيض الفوا رغ بندقي ماتزهبها

وأطب الفياض المخضرة واقطف النوار =اقص الزهور الناعمة من ذوايبها

واطب المزارع واتنقى من الأثمار =أنقي نبات اثمارها من شوايبها

وأغوص البحور اللي بها الحص والمحار =وأخلص عميلي دينته قبل يطلبها

وأعرف البضايع واعرف السوق والأسعار =واثمن واقدر سلعتي قبل أطببها

وترى اللي سواك نشيمه شيمة الخطار =وفاء والنفوس الطيبة ليه نغضبها

لاكنا على اللي فيه زودة لغانا حار =مشاهيب سناء ويل نجذبها

تواهج توهج شقر الأسياخ وسط النار =لوانا نمثنيها صفاتٍ تذوبها

وترى الشعر فتل ونقض ماهو بخبط أشجار =وترى الفرق بعقول الرجال ومواهبها

وترى الحكمة البلغة وباق الكلام بخار =يمر الحلوق الناشفة ما يرطبها

والايام والدنيا ترى مالها استقرار =على نجومها تطلع نجومٍ تغيبها

الأيام تخفي غيبها والزمن دوار =بطش بالملوك وحالها عن مناصبها

على عروشها مثل النوادر على الأوكار =وتصف العساكر بالطريق لمواكبها

تلاشوا مثل نبتٍ بروض وطاه عصار =عواصف رياحٍ طيرت به هبايبها

نواعم غصونه طار فيها الهوى التيار =وبقايا عروقة جارح السيل سالبها

تعيش الأوادم بالأمل والعمار قصار =وراها محاسب والله اللي يحاسبها

رجانا وملجانا هو الواحد القهار =ولي العباد اللي يحقق مطالبها

وقرينا الكتاب اللي نزل لأولي الأبصار =بشير ونذير ولابه آيه نكذبها

قريناه بالغنة والأخفا وبالأظهار =وبالإدغام واللي بالحركات نعربها

وتبعنا طريق اللي كسر شكوكة الكفار =ونقيم الصلاة الواجبة مع رواتبها

وتركت المجال لصاحبي لجل مايحتار =تقصرت ولى لو تقصيت أشيبها

وأنا خابر انه صقر ماياكل االاسوار =وطعام الصقور الجارحة من مخالبها

وتقبل تحياتي وهذا اخر المشوار =قصيدة جديدة بـ أزرق الحبر كاتبها

قصيدة تشره مابها شجب واستنكار =نظيفه عفيفة مابها ما يعيبها

على مبتداها رايةٍ للسلام شعار =وعلى منتهاها العود الأزرق يطيبها

وصلاة الله الباري على سيد الأبرار =شفيع الخلايق يوم تكشف حقايبها

نبيٍ أوحي له بالرسالة وهو بالغار = بها خصه الله من عباده وفاز ابها [/poem]

وهذه أيضا إحدى قصائد الشاعر عبد الله بن زويبن :

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا وجودي وجد مجروح الفوادي = من هنوف ثوبها يجرح نهدها
شافها بالملعبة يوم العيادي = طشت الشيلة و ماحت في جعدها
كنها بالملعبة صفرا ترادي = بالحبال اللي ملواتٍ عقدها
سمعت أصوات العزاوي والهنادي = من عياطير السطر يطفر زبدها
تحتري شيخٍ يقود ولا يقادي = منكفٍ بطماعةٍ لحقوا طردها
لحقوا الفرسان بظهور الجيادي = وكل راعي مهرةٍ ركب ولكدها
لابةٍ تقلط على جمع المعادي = مير ربي عاقها وأطفى سعدها
خيلهم يم الخلا عقب الطرادي = ما تبقي ما يبقى من جهدها
روحت مثل النعام امع الحمادي = يوم سمعت صوت خيالٍ رهدها
بنت شيخٍ ما ينافس بالشدادي = كلمته كل القبيلة تعتمدها
ما تلد بعينها في شخص عادي = ولا يسود الغابة إلا حكم أسدها
أتفق معها على غير الفسادي = ايتزوجها وياخذها بيدها
فوق خبرا جمعت كل البوادي = كل من علم بها شد ووردها
سيلتها يوم هل قران حادي = مزنةٍ كبر القطاة أصغر بردها
وكل مدة قيضهم والوضع هادي = وأن حصل له فرصة جدد عهدها
لين قام الحر ينقص والبرادي = يتزايد والمزون أوحم رعدها
ناحرت لديارها قطم التوادي = أورحت ريح الحيا يمت بلدها
وأرسلوا عساس للعلم الوكادي = ثم جاهم في علومٍ ما بعدها
ما بعدها غير صوت اللي ينادي = وكل راعي خيمةٍ شلع وتدها
وقربوا حمر الونيتات الجدادي = والبيوت السود طاروا في عمدها
أستخفوا تقل قافيهم هجادي = كل ما جو مصغرٍ شالوا ولدها
مالهم يم الغنم شف ومرادي = ما شقوا بنعيمها ولا نجدها
روحت قطعانهم مثل الجرادي = تتعب الحساب ما يحصي عددها
والهوى معروف شيٍ لا إيرادي = والنتيجة موسفة ما أحدٍ حمدها
يتسرب مع حلاه من المبادي = سم حية والفراق أمر وأدهى
لو صبر راع الهوى صبر المهادي = الجروح تبين لو أنه جحدها
أنطلق مع دربهم حاديه حادي = وكل ما جاء نزلةٍ مر ونشدها
لين باد ولا لقى علمٍ وكادي = باهت الأخبار عنهم ما وجدها
كنت غادي وأحسب المدّل غادي = والنتيجة تنكشف لو طال أمدها
كنت أغني مع مغني يابلادي = وأحسب أن اسمي مسجل في سندها
لين عرضت للمساوم والمزادي = عكس ما جاء في كتاب اللي مهدها [/poem]

أرجو أن يكون أختياري قد أعجبكم وتقبلوا تحياتي وشكرا

25-04-2005, 07:23 PM

الاخ : محمـد..

مشكـووووووووور
مشكـووووووووور
مشكـووووووووور
على هالهـدية الـرائعـة...
أبن زويبــن...
من أهـم شعــراء الجزيـرة العـربية ...
على الاطـلاااااااااااااااااااااااااااااااااااااااااااا ااااااق..

faecbook · 25-04-2005, 10:50 PM

الله يبيض وجهك يا محمد ..

اي بالله وفقت فالاختيار

واسعدتنا بقصائد الشاعر الكبير // عبدالله بن زويبن الحربي ،

جزل وممتع .. وقصيد ما ينمل ابد ..

طلب :

ارجو ان يكون هناك ملف خاص بالشاعر عبدالله بن زويبن في هذا المنتدى .

دمت بخير يا محمد ودام تميزك / ذوقك ،،

27-04-2005, 12:17 PM

اخي الكريم

يسعد أوقاتك

فعلا اختيار متميز

شكرا جزيلا كثيرا جداااااااااا

على ما قدمته لنا من مشاركه قيمع

لاعدمناااااك

تحياتي

27-04-2005, 04:26 PM

أخي عبد الرحمن العتيبي :

شكرا لمرورك الكريم وأسعدتني بمرورك

أخي مناحي :

شكرا لمرورك وبالنسبة للملف ما أعرف طريقته لا كن يوجد في هذا المنتدى عدة قصائد لأبن زويبن وكذلك فيه قصائد له شاركت انا فيها بالمرقاب الشعبي قبل سنة تقريبا ما كنت اعرف انه الشعبي مخصص لقصائد الاعضاء لاكن إذا طريقة الملف أجمع روابط قصائد أبن زويبن في موضوع واحد فأنا حاضر وتقبل تحياتي

أختي سراب

تشرفت بمرورك وثناءك العاطر وتقبلي تحياتي

وشكرا للجميع

28-04-2005, 03:29 PM

عبدالله بن زويبن

الشاعر الكبير والقدير

تستحق قصائده الاحتفاء والمتاااابعه

شكرا اخي الغالي محمد على نقل قصائد شاعرنا الكبير ابن زويبن

كل التقدير لك ودمت .. غالياً

03-05-2005, 11:07 AM

تسلم

ولا هنت علي القصايد

وعساك علي القوه

اختيار ونقل اكثر من رائع لبعض القصائد للشاعر عبد الله بن زويبن المعمري الحربي

تقبل تحياتي بكل الود

.

شوق

03-05-2005, 11:07 AM

تسلم

ولا هنت علي القصايد

وعساك علي القوه

اختيار ونقل اكثر من رائع لبعض القصائد للشاعر عبد الله بن زويبن المعمري الحربي

تقبل تحياتي بكل الود

.

شوق