فصيلة ( هم ) .. !!

[mark=666666] دردشة مع نجم 2[/mark]



ناصر مناحي المسعري الدوسري ، متى اكتشفت ناصر مناحي المبدع شعرياً ,
ومن دلك على المرقاب , واين كنت قبل ذلك شعرياً ؟

والله يابو محمد وبدون مبالغه اني احيان اشوف اني ما قدمت شي للشعر يعني مسألة اكتشفت نفسي كمبدع الى الآن هاللحظه وانا مدري ،
والمرقـاب كنت متابع له من زمان ولا كنت اعرف احد فيه ابداً وتقدمت بطلب تسجيل في عام 2006 وانقبلت وبديت مشاركاتي
وقبل تواجدي في المرقاب كنت متواجد في منتدى واحد فقط وما عاد لي فيه علم ...

انت تقول بدون مبالغه _( وهي قمة المبالغه ) :- لاني اعرف ان احدى قصايدك لايكاد يخلو منها حفل لقبيلتك ,
هل افراد الدواسر يعرفون من قايلها ؟ ولماذا انت عازف عن الظهور الاعلامي وقصايدك قد سبقتك للانتشار ؟

هذي عشر ابيات قلتها قبل 5 سنوات في حفل لنا ولا ادري كيف راحت والله ..
فيهم من يعلم اني صاحب الابيات وفيهم من لا يعلم ولكن الغالبيه مايهمهم اسم الشاعر اهم شي انها قصيده وجازت لهم ..
ومسألة الظهور اعلامياً .. انا ما عزفت عن الظهور الاعلامي لكن وين الظهور المشرّف ..
واما ابياتي سبقتني للإنتشار والله ما ظنتي .

- ( تواقيعك )- المرقابيه الكثير منها قصايد مكتملة الابداع وافضل من بعض القصايد في الشعبي لماذا هذا الظلم ؟
ولايوجد لك ركن هادي ؟ الم يغريك نجاح ركن المبدع محمد المسعري لافتتاح ركن ؟

انا والله مدري عن مستوى التواقيع يابو محمد ولكن اللي اشوف انها تستحق متصفح في المرقاب اخليها تستانس في متصفح لحالها
واللي ما اشوفها تستاهل المتصفح اخليها في التوقيع وومسألة انها افضل وانها مظلومه فهذا
الكلام من محبه والله لا يخليني منك
الركن الهادي متصفح جميل واضافه لأي شاعر لكن المسأله مسألة قناعه ونجاح ركن محمد المسعري نجاح لي
ووالله اني اجاوب هالسؤال وانا ما ادري مع الايام الجايه راح يكون لي ركن هادي والا لا ..


واحد من جمهورك قال لي ان اسالك هذا السؤال :- سته اسماء شعراء ثلاثه قالهم لي وثلاثه طلب ان تضع اسمائهم
وتتكلم عنهم .كل شاعر باربع كلمات

نايف صقر ــ فهد المساعد ــ فهد عافت ؟

نايف صقر : شاعر يغرد خارج السرب .
وفهد المساعد :الشاعر الاقرب لي ولذائقتي .فهد عافت :شاعر ولكن والله ما اقراله وهذا قصور منّي انا طبعاً .

متعب التركي: شاعر ما راح يتكرر على الشعر.
وسعد بن جدلان : لا تعليق . وسلطان بن وسّام :يدهشني في جميع الاغراض عدا الغزل .


بعيد عن الشعر .:- ماهو جدولك اليومي ؟ وماأحب المدن لك ؟ وماذا يضايقك ؟

قهوه واجتماع الربع عندي -....- وتصفح المرقاب -....-هذا في فترة الصباح.. والمساء اما -...- في البر والا-...- مجتمع ويا الربع ..
واحب المدن الكويت -....- ويضايقني الفهم الخطاً واللقافه..

المبدع فوق العاده ناصر مناحي ، تشرفت بك بالدردشه معك وشرفت ركني الهادي , كلمه اخيره لك طال عمرك ؟

والله انها ابرك الساعات يابو محمد وانا اللي تشرّفت بإختيارك لي والله لا يهينك وتسلـم