,,, لاجئ سياسي ,,,

,

,

أخرى ,,

أتمنى / أن تتخلل إلى قلوبكم ,,

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالغيمه اللي ما استحيتي من الناس=لا تمطرين إلا على كل ناسي

الداله اللي خالي ٍ قلبه إحساس=متى كبر قلبه / لقى له مقاسي

وأنا على صدري يضيق التّنفاس=شوفي شعب صدري لحقها يباسي

من غيبة اللي كل ما قال : لا باس=من قولته لا باس : يا قو باسي

الغالي اللي ما عرفنا له قياس=غلاه حطّم كل رقم ٍ قياسي

أغلى من الياقوت واللول والماس=في جنبه تروح الغوالي نحاسي

كن ربي مفصّلني لقلبه لباس=يومه نزل بالقلب لاجئ سياسي

متناقض ٍ مابين لِين وتغطراس=حتّى لو إني كنت طيّب وقاسي

من يوم غاب وحبل الأفكار منحاس=مانيب عارف كيف أبعثر عماسي

من مرّ عيني قال : لاحقني نعاس=والنوم ماهو يمّ عيني وراسي

لأسدل عليّ الليل بستارته .. داس=على الضلوع .. اللي يدكّ الرواسي

يدكّها وآآآحسّها اخماس واسداس=وأدعي عسى ما آآآحول إلا امتواسي

وأنتي تهلّين المطر بين الأجناس=و وروك قلبي ما تحتها كراسي

يزوع زوع كليب من رمح جسّاس=ما خابر ٍ عقب المواسي مواسي

من خوفته ../.. دقّه مثل دق الأجراس=خوف ٍ يجي حال الفقيد إنتكاسي

يالله عساه يعووود لي ما شكى باس=وأنا وناسي الناس ننسى سواسي[/poem]

وسلامة قلب من تابع ماهو نابع
لعل وعسى أن يترك طابع ,,

وتقبلوا فائق الاحترام والتقدير

,