..{ خلت الحزن ملهاة }..

[align=center]



تطَرَّف يالحزن هـالقلـب لـولا إغفايتـك تلقـاه
فتـق للريـح بيبـان الضلـوع وبـاح خافيـهـا
تطَرَّف ذا حصيل العمـر لاتحـدا الهـوى يـذراه
تعَرَّضه الضلوع إن هـب "لـن" القلـب حاديهـا
تطَرَّف بالدموع اللي علـى جـال الجفـن مركـاه
تفيض من القصا والخرس فيض إرخـاه يقصيهـا
تطَرَّف مـلّ منـك الليـل وأنـت اتفلـه وتغشـاه
وعليّ إسدوله إليا أرخيت جفنـي قمـت ترخيهـا
تطرف فح صدري ضيق من ليل ٍ سجى بـظلمـاه
وأنا يومك تهيـد دروبـه أرحـم لـي مساريهـا
لانـك يالحـزن صبـح ٍ تضمـه موغلـه مأسـاة
تفـوق إليـا تنفـس وأجمـل الأحـلام تنهيـهـا
ولإنك جيت في آخر طريـق اللـي عبـث منفـاه
ولالـك آخـر آمنّـي عزومـي بــه وأقويـهـا
لذلك فـي دروبـك كثـر ماسبـت القـدم محفـاه
تثاقلـت الوقـوف ولاقـدرت أسـلاك وأمشيهـا
وعلى كثرك بعد فقد الوطـن خلتـك مثـل ملهـاة
سقـاك الله مـع الغربـة وألـم وحشـة منافيهـا
أدَلَّه بَـك وأدلِّـه موضـع ٍ أطهـر وطـن واراه
حـدوده عـزّ وال ٍ حكمتـه تمنعـنـي أجيـهـا
وثقت إعراه وإحتلت آحيا يومـي وثقـت إعـراه
بعد سهم الرزايـا أفلـت مـن يدينـي عراويهـا
ويميـن الله مـاراع الخفـوق وصوبـه وأدمــاه
كثـر ماراعنـي وإنقـرت الحـدب ومحانيـهـا
ومن حرّه تفـوح وخافقـي مـن حرّهـا تصـلاه
وفي كبدي ليـا قامـت تفـوح أونسـت صاليهـا
حصبها كل عرق ٍ عـاث فيـه أخـذ النيـا وأرداه
هشيـم ٍ ذرتـه هـوج المهاجـر مـع ذواريـهـا
ولاباقي مـن الحـال بيبـاب الأرض غيـر أرداه
ذوتـه إجـذور الأرض الغايبـه بأبهـى مغانيهـا
وشجن صوت الهجير الناي من صوت الحزن عرّاه
عدا صوت الوطن صمّ أكثر الاصوات لا أوحيهـا
خذه منا الغيـاب وخلّتـه حاضـر كثيـر أشيـاه
تعهدهـا المحاجـر بالـولاء وأضنـى تقصيـهـا
عيون ٍ هدّهن قبلـه سهـاد مـن الزمـن وأعبـاه
ودرا عنهـن بـأنفاسـه مـن الأعبـاء عاتيـهـا
وبعـده بـأرمـد الأيـام جـلاّ شوفهـن إبـكـاه
أثَـر سـود النوايـب لا أحكمـت أثَّـر تجليهـا
على يدين ٍ بجزلات العطايـا مـن يـده مضـراه
قبـل تـال الزمـان يكـت مـدّاتـه ويرهيـهـا
ونشاماً لا أنتكس راي النشاما جـوا يبـون أريـاه
وبـأريـاه السـديـدة بـايـه الاريــا يقديـهـا
وخلـوج ٍ تـدرج بريـع ٍ وطـاه وزيّنـه ماطـاه
يزيـد إخلاجهـا فقـدت ربيعـه فـي مفاليـهـا
وعلى صدور المجالس والدلال اللي بهـا مركـاه
وصـوان ٍ فوقهـا يامـا كبـار الحيـل مركيهـا
وقفـت ألمهـم وأنـا شتاتـي مالحقـت أقـصـاه
تهاوت فـي سنينـي مـن عمـد عالـي مبانيهـا
أدور عـن فـرح فـي جيـب مأتمنـا ولا ألقـاه
أثر مـن ضيقتـه بدمـوع فاضـت مـن مآقيهـا
نسيت إن الفـرح معنـا بعـد فقـده فقـد معنـاه
ولكن كيف من عاشـت منـه موتـه ينسيهـا ؟!!
وبعـد ذكـر الله الإنسـان مايذكـر كثـر آبــاه
هم اسماء والأوادم تنعـرف مـن ذكـر اساميهـا
كبيرة فقـدت الوالـد إذا مـات إلّـه أحـد أبنـاه
والأكبـر فقـد بنـت ٍ مـات والدهـا وَ واليـهـا





نسأل الله ان يخفف هذا المصاب الكبير

وان يرحم الفقيد ويسكنه جنات النعيم مع عباده الابرار


عظم الله اجرك يا بنت الرجال

وصح لسانك على هذه المرثيّة المؤثره ،،[/align]