العلاج اللي مايدري به الدكتور

السلام عليكم ورحمة الله وبركاتة

اطرح بين ايديكم هذه القصيدة المتواضعه

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ترى الكلمه اللي كنها شعلة الدافور = على الكبد عميان البصاير تولعها
تولع على كبدك لو انك حكيم شعور = ويبرد لهبها لن لقت من يسنعها
ليا جات من طيب لقتنا وساع صدور = وبالعقل نازانها وبالصبر ندفعها
عساني اليا عديتها بالصبر مأجور = وعساها ليا قفت مايجيني مرجعها
اجامل واعديها ولا أرحل لها مجبور = ولا كل مره كبد (عكوم) تبلعها
اداري على الرفقه مابا في الرفيق قصور = ولا اطرد ورى زلة رفيقي ولا اتبعها
ولن جات مثبوره ومن واحد(ن) مثبور = تحمى وجاك بحاجة(ن) ماتوقعها
تخلي حكيم الرأي لو هو حليم يثور = ولا عاد تقدر يامرقع ترقعها
ترى هاذي اللي مالها عندنا دستور = وهاذي ترى بيت القصيده ومطلعها
لقيت العلاج اللي مايدري به الدكتور = يازين السعه مادام ربي موسعها
تبي العافيه عان السعه والأراضي بور = مايشفي غلايل ضيقها غير شاسعها
ترى أعمى البصيره مانت وياه داخل سور = وللغانمين أبوبها الله مشرعها
تخير وتلقالك رفيق(ن) وفي شبور = ضروس الهموم اللي بقلبك يخلعها
ضحكوك(ن) حجاجه دايم(ن) خاطره مسرور = طبوعه طبيعيه ماهوب متصنعها
ماهوب متكبر ومتغطرس ولا مغرور = ونفسه عظيم(ن) شأنها من تواضعها
ليا قال .. قال عن النبي قوله المأثور = ونفسه على سنة نبيه مطوعها
وترى أعمى البصيره مايشاور ولا له شور = تأخير العرب بأسباب تدريج ضالعها
عميان البصاير لو تبيها تشوف النور = ترى مايسد عيونها غير أصابعها
أحدث من الواقع واقدم من الميسور = ولكن من يرضي الأدوام ويقنعها[/poem]

وسلامتكم