العقول النيره

المشاركة الأصلية كتبت بواسطة صالح العبدالرحمن الناصر

السلام عليكم ورحمة الله وبركاته
بعد التحية للجميع ..
إليكم هذه المقطوعة آمل أن تحوز على رضاكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انهزام النفس ينهي طموح الانتصار=والثقافه تثري الفكر وتزيد الوعي
والعقول النيره منبعٍ للابتكار=ثابتٍ مبدى الخبر يدّعي من يدّعي
الشعر له منهجيه ولافيه احتكار=كان قبل الاصمعي صار عقب الاصمعي
والدعايه شي والنشر باب الانتشار=والسعي لاصار له ساس ماخاب السعي
قرّت افكاري ورميي على الشاره قرار=باقي احيي نديمي وودع مضجعي
ودنا نختار لكن مافيها خيار=ياهواجيس اقبلي ياهواجيس ارجعي
لو بحور المعرفه تصطفق ليل ونهار=الحقيقه كل شربي على راس اصبعي
ماتعلمت المهازل ولا لعب القمار=اعرف ادروب الرجاجيل واعرف مرجعي
مار يادنيا الفنا للعمار وللدمار=يوم وجهك شان ما زان والشاهد معي
سافرتبي ذكرياتي على كل الديار=واصبح التفكير كنه مبنّج موضعي
يا إلهي فزعتك قبل تعطيل العشار=دايم اذكر مطمعي طاعة الله مطمعي
الكلام ابغايته والحقيقه باختصار=يالبيب القلب مصرعك والا مصرعي
الجهل لولاه ماصار للعالم وقار=والردا لولاه ماننعي الطيب نعي[/poem]

وسلمتوا ...

الشاعر / صالح الناصر
وعليكم السلام والرحمه .،

أقسم بالله أن هذا هو الشعر
أقسم بالله إن هذا هو الشعر

كل بيت من القصيده غارق ليا سيسانه فالشعر والعقل يحتار وش بيختار
لكن فيه بيتقسم بالله أنّي حفظته على طول

لو بحور المعرفه تصطفـق ليـل ونهـار
........................الحقيقه كل شربي علـى راس اصبعـي

يا شيخ لله درّك وين ما يمّمت
صح لسانك ملايين أي والله
لا تحرمنا من هكذ1 شعر طالبينك
إهجابي بك وبشعرك وبتوقيعك بعد

تقدري لك وسلامي عليك
أخوك