لايمكن تحرضنا على العتبان، راشد & حمود السمي

السلام عليكم

هذه محاورة بين الشاعرين راشد السحيمي وحمود السمي:

حمود السمي

هلا في حفلة المطران باللي شرف المطـران
أ قوله في محل اللي يزيد الطيـب مـن طيبـه
على وضح النقاء بالملتقى باسم الله الرحمـن
ياراشد غبت خمس سنين وش هي سبة الغيبه


راشـــــد السحيمي:

عسى فيك البقاء ياللي ترحب و العباد اخوان
أنا حربي و ضيفٍ مانسي واجـب معازيبـه
أنا ما غيب ثابت مثل مايثبت جبـل ورقـان
عليك الهون لاتنشد جبل ورقان عـن ذيبـه


حمود الـــــسمي:

وفاء يا أهل الوفاء و النار بين الزند و الصوان
تكر الجمر الاحمـر كـر و تلاحـق مشاهيبـه
جبل ورقـان لـو الله يسلـط فوقـه البركـان
يبأ يصير الجبل مثل السهل و الناس تمشيبـه


راشــــد السحيمي:

تقوله و أنت لاهلحين بين النار و الدخان
عسى ربي يعين اللي مابين الشك و الريبه
جبلنا مايهزه ياحمـود إلا عظيـم الشـان
يالو يصير سهلـه يعلـم الله ماتصليبـه


حمــود السمي:


نحدث بالحديث اللي روى عثمان بن عفان
حديثٍ عن رسول الله لكن تقـول ماليبـه
ألا ياطير كيف اتطير وأنت مكسر الجنحـان
لو أنـك حـرٍ قطامـي يعشنـه مخاليبـه


راشـــــد السحيمي:

أثرك صدرك من التوحيد لافاضي و لامليان
سمعت أنك تحدث بالكلام اللـي تهذريبـه
أخاف أنك مسوي سالفه ياطير ابن برمان
هذاك اللي هبوب الريح تقبل به و تقفيبـه


حمــــــــود السمي:

عليك الهون ياحربي ترى دستورنا القرآن
و كم مره نجي و نروح من مكه ليا طيبه
عليكم و الله أكبر كلكم ياحرب أهـل عسفـان
ليا سند بكم وأنحاءبكم واحد مـن عتيبـه


راشــــد السحيمي:

أنا مدري متى جبتي ولد يامريم العمران
لكن الأمـر لله وش ملويلـه عراقيبـه
ألا ياحمود مايمكن تحرضنا على العتبان
لهم هيبه و حنا مثلهم قوماًُ لنـا هيبـه

هلا ومرحبا ،


شعار كبار ، وابداع غير مستغرب ،



شكرآ على النقل يالبيضاني

محمد البيضاني


لا هنت على هذا النقل .. !


تحياتي


..

ذائقة عالية يالبيضاني

احسنت

محاورة رائعه

وحمود وراشد من الشعراء المميزين
الذين ربما لم يحصلوا على الاهتمام المستحق من قبل الاعلام




لا هنت يالبيضاني