مركب هــوانا ... !!

المشاركة الأصلية كتبت بواسطة مشاري البرازي

السلام عليكم ورحمة الله وبركاته




اتمنى ان ترتقي لذائقتكم ..





[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
بكت عين الاحلام وسنين الهوى المعهود = على كل لحظة وصل فالبال مذكوره

تهامل على كف الزمن دمعها بركود = ولو أغرت عيوني على الدمع معذوره

تميل الجروح المبطيه مع هبوب النود = مع الذكريات اللي على القلب محفوره

طريتك وأنا من قبل لا أفقدك ما لي كود = مواصلك يا ورد الأحاسيس وزهوره

تجيني قبل لا شتاق ونشد عن المفقود = قبل تنعس عيوني من النوم وتزوره

قبل لا تروح ظنون فرقاك بي وتعود = يوم أن الرجا لا غبت اناديه واشوره !!

يوم أن السوالف غير وإحساسنا مشهود = قبل لا يميل الغصن ويطيّر طيوره

قبل تعترض مركب هوانا الليال السود = وشوف الأمل طايح ورجليه مكسوره

رحلت وبقت ذكراك يالغايب الموجود = لو الصوت غايب مير ما غابت الصوره

أناجيك في قلبي ولو قلبي الملهود = من الليل لين الصبح ما ينبعث نوره

يردد .. أحبك لو تزيد الصدود صدود = لو آمالي بلقياك عامين منحوره !!

وحبك .. كتبه الله وذي قسمة المعبود = والأيام معدوده . والأقدار منشوره

وانا من عرفتك .. حافظك والعهود عهود = وكل يوم أجدد للغلا بابه وسوره !!

تجود الظنون ووقفتي تحتمي وتزود = بوجه الجروح اللي بكت منك مقهوره !!

وعين الكرم لو هلت الماء بدون حدود = ترى القاع من غيم الهواجيس ممطوره !!

تمر الطواري .. والطواري بدون قيود = عليها .. يفز القلب ويكمل حضوره !!

تجف القلوب السود لو بللت بالجود = وتبقى قلوب البيض بالطيب معموره

أغني على طاريك ( يا مصبر الموعود ) = ويا كم ( تعب قلبي ) من غيابك وجوره

صحيح الهوى غلاب لو نبذل المجهود = وصحيح الزمن له وقفه ولفه ودوره !!

عقب حط فرقاك بعيون المواصل عود = قصيدي .. عسا تقراه وتقدر شعوره !! [/poem]



وسلامتكم ...

ويني عن القصيده هذي ... عزلله انها كايفة
والواجب ان الواحد يقراها كل يوم


عشت وسلمت والله يقلع الكيبورد ابلشني اكتب حرف وامسح حرف

صح لسانك يابو عبدالله لين ترضى

.

المشاركة الأصلية كتبت بواسطة نايف الديحاني

ويني عن القصيده هذي ... عزلله انها كايفة
والواجب ان الواحد يقراها كل يوم


عشت وسلمت والله يقلع الكيبورد ابلشني اكتب حرف وامسح حرف

صح لسانك يابو عبدالله لين ترضى

.

يا مرحبا والله في ابو فارس


صح ابدنك وعزالله شرفتني في مرورك الجميل يالغالي


شاكر لك