لا تكابر ..!

مطويّه
لـ التواصل






[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مرحبا يا مِشقي عيوني ومِخلف ظنّي = فيك وفصوتك وفي خطواتك وفظلالك
في ضميري كل جرح يمرّني يسكنّي = وفي غيابك شوق ما يطري فبال وصالك
كل ما قفّيت كنّ الحب مات وكنّي = متّ مثل الحب لكن لا رجعت أحيالك
لا تكابر .. دام عمر الحب منك ومنّي = خلّ ليل الهجر لو طال السما .. ما طالك
ودّي أهجي وحدتي في جيّتك لكنّي = أنتظرك تسولف عن آخر جروح آمالك
ايّ كلمه منك تشحن بالي وتشحنّي = أنت نور عيون شعري فالشعور الحَالك
آخذ أفكار الشعر منّك وأجيك أغنّي = وأحيي إلهامي بنبض إحساسي المتهالك
والغزل ماله من شعوري شعور ,, ألا إنّي = أترك أحلام العمر وأنسى الزمن وألجالك
في لقاك شلون ما أغنّيك وأرضي فنّي = والله إن وصفك بديع وما يمرّ فبالك
إنحنائاتك ورزّة عودك المتثنّي = يوم تمشي بين خلق الله وكنكْ إلحالك
وكفّك اللي قبل لا يلمس يدي يفتنّي = وعنقك اللي من حلاه إمحليٍ سلسالك
ونظرتك لا قامت عيونك تسولف عنّي = ورمشك اللي من سواده جات حبّة خالك
وعينك الشعلا وحنّاك وشعَرك البُنّي = كلّها متناسقه .. ملامحك \ وإخصالك
كل هذا خابره بس .. اللي مجنني = ليه أحب أقابلك عشان أذوب قبالك ؟
هاك قلبي وإخذه لقلبك هديّه لإنّي = ما أعيش ألا معاك .. وما أموت ألا لك
[/poem]