 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: المرقاب للأدبِ والثّقَافَةِ :.. الشعر الحر - النقد البنّاء - دراسات أدبيّة |
 |
|
|
أدوات الموضوع | ابحث في الموضوع | انواع عرض الموضوع |
|
|
|
#1
20-05-2009, 07:37 PM
|
|||||||||
|
|||||||||
|
أشكي عليك الخيل ..!! من حب مدري من جنون وسعاطيـر يطيـش راسـي لا ذكرتـك خلافـي عليك لـو هـم يكثـرون المناعيـر سيـرة توافيـق الوفـا واختـلافـي ومنك انت حيـام المـودة مصاديـر يمـي ويمـك مـاتـذر السـوافـي اشكي عليك الخيل ليـن انهـا تغيـر واشكي عليهـا هاجسـي والقوافـي يطريك طيب الصبح من طاري عصير واذكرك قبل السعي عقـب الطوافـي لن انت امير وكل ما صحت يا أميـر تسرج لي خيول الوفا وانـت وافـي لك في قلوب الربـع هيبـه وتقديـر واللـي يلـوذ بهيبتـك مـا يخافـي يا بوي ما يطري على خاطري غيـر حبـك وحـب مجالسـك يالسنافـي عساك دايم يالعطـاوي علـى خيـر وعساك يـا ذيـب الرجـال متعافـي لـ \ سلطان العطاوي 19 \ 5 \ 2009 م  
• اللهم أغفر لـِ والديّ وأرحمهما كما ربياني صغيرآ اللهم أرحمهما من عذاب النار وعذاب القبر وأسكنهما فسيح جناتك مع الصديقين والشهداء وحسن أولئك رفيقا اللهم وسّع قبريهما وأجعل قبريهما روضة من رياض الجنه اللهم إن كانا محسنين فزد في إحسانهما وإن كانا مسيئين فتجاوز عن سيئاتهما
|
|
20-05-2009, 07:39 PM
|
#2 | |
|
مستشارة فنيّه
|
بغيت اطيح .. وسهّـل الله .. ولاطحْـت لـو الغـلا بيْـدي نسيـت وتريـحْـت لكن عجزت اقدر ليا قلـت ابـا انسـاك البارحه يوم العـرب رقـدوا .. صحْـت وناديـت مابـيـن التجـاهـل والادراك بغيت اطيح .. وسهّـل الله .. ولاطحْـت وبديت خطوه .. خطوه .. وجيت لرضاك كتبت لك نـص القضيـة .. و صرحـت انـي علـى عهـد الهـوى واتـحـراك و .. آبوك انا كتمت مابي .. و .. وبيحْت وشرحت لك مضمـون ماكـان يخفـاك اسمك نحتّه في جـدار الغـلا .. نحْـت وفتحت لك قلب ٍ علـى الصـدق يهـواك قلب ٍ تعلّـق فيـك حتـى ولـو رحْـت يذكرك ما اذكـر فيـه لحظـه تناسـاك على الورق ناحت هواجيسي .. ونحْـت وجرّيت صوتي بين طيفـك .. وذكـراك كان الهجر ذنب .. وخطيه .. تسامحْـت اهـمّ شـي ارجـع ترانـي بـرجـواك صبّحتنـي بالهجـر وانــا تصبّـحْـت بالهمّ .. جعل اللي بلا .. القلـب يبـلاك حتى تعـرْف انـي لـو اقـدر تريحْـت وليا بغيت انساك مـن قلبـي .. انسـاك لـ \ عبدالعزيز المرشدي 19 \ 5 \ 2009م |
|
|
|
|
20-05-2009, 07:43 PM
|
#3 | |
|
مستشارة فنيّه
|
عتيبيّه!! عتيبيّـه .. عريـب ٍ ساسهـا .. ومعرّبـة جدّيـن سنـام المجـد منهـا ومتسلسـل مـن سلايلـهـا مغنّ أصل وفصل ومرددّه ما جـات بيـن .. وبيـن يحـق لـي التفاخـر كـلّ مـا عـدوّا تسلسلـهـا حفيـدة كاسبيـن الأوّلـه بالسيـف أبـو حـديـن من أسيـاد العـرب تحسـب ومـن خيـرة قبايلهـا عليها من شعـوري مـا يزيـل الشـكّ والتخميـن محبّتهـا فـي قلبـي ثابـتـه مـحـد ٍ يزلزلـهـا لا عوّد حبّ نسوان العرب .. حبحب علـى السكّيـن لهن زيف الشعور اللي في صدري .. والصحيح إلها ! خضـع قلبـي وراحـت دقّتـه تتبـع هواهـا ليـن غلاهـا فـي عروقـي قـام يجـري ويتورسلهـا أي والله .. ثم أي والله .. غاليه وأغلى من الغاليـن تدللنـي علـى وضـح النـقـاء الطـاهـر وأدللها في قلبي حبّها حاجز رقـم واحـد .. ورقـم إثنيـن ولـو بدلّـت قلبـي مـن معاليقـه مـا أبدلّـهـا بنظرة عيـن تحجزنـي .. وتطلقنـي بنظـرة عيـن وأنـا خافـض جنـاح الـذل وعيونـي تغازلـهـا أجيهـا لـو علـيّ مـن الهمـوم الجايـره طنيّـن تجلّـت كـل ضيقـه فـي دقيقـه يـوم أقابلـهـا و ليـا قابلتهـا قمنـا نتسابـق بالكـلام الـزيـن عسـى ربـيّ يجمّلنـي مثـل مـا هـو مجمّلهـا تقول الله يحفظك لي مـن الدنيـا .. وأقـول آميـن وأمازحـهـا وأدلّعـهـا وأداعبـهـا وأقبّـلـهـا يا ما أحلى زولها كلّه مـن الهامـه ليـا الرجليـن يا لبيّـه وعسـى عمـري فـدا خصلـة جدايلهـا ألا يـا سيّـدة سـادات روحـي يـا عسـى تبقيـن رعـاك الله مـن جـور السنيـن ومـن هوايلهـا جعل يومي قبل يومـك يـا يمّـه كيـف أردّ الديـن جمايلـك الكثيـره فـوق متنـي جيـت شايلـهـا لـ \ سداح 18 \ 5 \ 2009م |
|
|
|
|
20-05-2009, 07:45 PM
|
#4 | |
|
مستشارة فنيّه
|
شاب ظهرالغراب العمـر يجـري والسنيـن اجـداد والمكـره تـدور والراس ترعى به مغاتيـر الكبـر عقـب الشبـاب تمضي محطات العمـر بيـن السخونـه والفتـور طلاتهـا شعـث وعصرياتهـا سـمـر الـرقـاب وجه الزمن كله تجاعيـد وصحـراء العمـر بـور زرعتها آمـال وتفـاؤل والسمـاء عـج وضبـاب وعمَرتها صبـر وبنيـت بهـا مـن الاحـلام دور واهديتها ايامي منابـع شـرب وسنينـي سحـاب وحصدتها وعي وتجـارب بينـت وجـه القصـور اللي يرافق خطـوة الطامـح علـى درب الصعـاب خطوات رجلي حركت واستنطقـت صمـت القبـور وسجدات وجهي في صلاتي قبلـت وجـه التـراب سافرت واغراني سراب الحلـم والعاشـق جسـور على الشقاء واكل الهواء والشرب من ريق السـراب اشرب عطش فوق العطش لاصار (ماء) الاحلام غور واقتات فوق الجوع (حـرَ) الجـوع لاقـل الزهـاب متناقضاتـي بيـن لحظـات الكـآبـه والـسـرور تنقش على كف المزاج الصعب نقشـات الخضـاب فينـي تواضـع زاهـد الامجـاد والشيـخ الوقـور وفيني غرور المنتصـر تحـت السلايـل والحـراب متواضع ل اقصى حـدود الانكسـار فـي الشعـور للـي تزيـن بالتواضـع والوفـا قـبـل الثـيـاب ومغـرور واباهـي بثـوب النرجسيـه والـغـرور في حضـرة اهـل النرجسيـه والتـرزز بالكـذاب اقفز على الاسـوار واتمـرد عليهـا سـور سـور لجل اختصر طول المسافه فـوق واحـدث لنقـلاب تعبت ونا امشـي نظامـي فـي محطـات العبـور وتعب النظام ايشيل خطواتي ثقـل مثـل الهضـاب ومليت من وجـه الغيـاب وجيـت ادور للحضـور اللي ينوخ سطـوة الغيبـه تحـت عـدل الجـواب ابي حضـور تزدحـم فـي طلتـه كـل السطـور وتعجز عنه لاتحتـوي فحـواه صفحـات الكتـاب مانيب من ترضيه لامنـه حضـر بعـض القشـور امـا حضـور مبهـر والا هـلا بــك يالغـيـاب قلتـه ونـا مومـن بـأن الحـظ يلعـب كـل دور دور الممثـل والمؤلـف والبطـل خلـف الحجـاب لامن صفـا حطـم قيـود المستحيـل وشـعَ نـور وفتح على بحـر السعـاده للفـرح مليـون بـاب ياحظ عطنا وجه يكفي طـول عمـرك فـي دبـور وقل للمشرع شاب مع طول المـدى ظهـر الغـراب لـ \ نــاصـــر عــلـــي الـحــارثــي ( هـــــداج 19 \ 5 \ 2009 م |
|
|
|
|
20-05-2009, 07:54 PM
|
#5 | |
|
مستشارة فنيّه
|
معرف المجني عليه ولا اعرف الجاني على ذكرى المواجه لا تشره ياخوي الـدرب ليا صديت عنك ودمعتي فـي محجراعيانـي عن اذنك يوم اغير وجهة اقدامي واسافرغرب اخاف المح خياله في عيـون فـلان وفلانـي لذلك حاول تخل السوالف حـرب ولا سـرب وراجع مجد نجـد وفعـل جدانـك وجدانـي وعود للغرام ليا سلينا عن زمـان الضـرب لوني معرف المجني عليه ولا اعرف الجانـي تماما مثـل تيارالهـوى يامسانديـن الغـرب وانا ارهابي غرام فمجتمع رجعي و علمانـي صحيح ان الهوى نعمه ولكن الموادع حـرب تبيـد قلوبنـا يامعشرالعشـاق مـن دانــي عطاشا ما تبل كبودنـا بـارد ميـاه الشـرب سوالفنا قصايـد والنفـوس تحـب وتعانـي تعب وسهاد وامال تردد بيـن بعـد وقـرب وضيم وحلم زايف والشعوراشكـال والوانـي نحسب ان اليالي تبتسم لكـن يزيـد الكـرب ومع هذا يزيد الشوق لجـل الموعـد الثانـي مغاتير النوايا منكفـه يمـي هيـام وجـرب طرقها الياس واعياها الزمان اللـي تحدانـي وهذي قصتي يوم اتصـدد ياخـوي الـدرب يا وجدي كل مايطـري عليّـه سيـد خلانـي لـ \ معيض العتيبي 18 \ 5 \ 2009م |
|
|
|
|
20-05-2009, 07:58 PM
|
#6 | |
|
مستشارة فنيّه
|
شمس وقمر ! في يمينك شمس ويسارك قمـر اختر اللي مـن يديـك يناسبـك ما انت موت وبس لا موتٍ حمّـر الحلا ما تقاس به ينقاس بـك ! قشط قلبي منك يا قشطـة تمـر صايمٍ وافطر على الهوجاس بـك كل يوم وكـل ليلـه بـه تمـر ينتعش مع نشوة الاحساس بـك حبك الكبريت وضلوعـي سمـر وان شويت القلب من بيحاسبـك جعل ماله يا بعد عمـري عمـر من يحاول يفرّح الانجـاس بـك أنت توك فـي ربيعـك مستمـر قل لصدرك حضها الانفـاس بـك يوم تطلع للفنـاء امـن الممـر مجدلك يلعب على الميـاس بـك شقو عيني يا المذاويـب السمـر والقميص اللي حريـره كاسبـك وأنت تركض تطفي الشمس الجمر وانت واقف تولع الاونـاس بـك سكرتك سكره . مهي سكرة خمر سكرتك من سكرة النعّـاس بـك مع عيونك طبت ياليـل السمـر شف عيونك تشغل الجلاس بـك ما على عينك ولا رمشـك امـر سلهمه وحده تموت النـاس بـك قلت ابقطف لي من عيونك ثمـر قلت لي وش كثر حد الياس بـك ما دريت ان الخفـوق المنسمـر سامره حبك على الوسواس بـك من هنا شلال شعـرك منهمـر ومن هنا وش قال ابو نواس بـك لبتين وحمرتيـن ادهـى وامـر ولو يذوب الماس ذا الماس بـك أنت شمس الليل الاظلم والقمـر غيرها مافيه وصف يناسبـك !! لـ \ مناحي 20 \ 5 \ 2009م |
|
|
|
|
20-05-2009, 08:01 PM
|
#7 | |
|
مستشارة فنيّه
|
أنا نجاحي يوم أقابلها وأصافح يدها .. حضور أول يا مسندي يا صاحبي ياللي كما العـد القـراح لا تنشد المجروح عن روحه وعن مـا حدّهـا البارحة ليلي سهر والعيـن حاربهـا المـراح وهموم قلبـي يـا رفيقـي عاجـزٍ لا أعدهـا تقول ناجح؟ قلت أنا ويني و وينـك يالنجـاح وشلون ابا انجح والظروف صعاب ماني قدهـا ياليتها وقفات رِجل وضرب من دهـم السـلاح إن كان اوقـف نـد والشجعـان مثلـي ندهـا ما شاقني شوف البحر لو هو يجيب الانشـراح أرمي الهمـوم بغبتـه والمـوج يمـي ردهـا تشوقني نجـد العذيـة كـل مـا لاح الصبـاح أسوق رجلي في صحاريهـا ولا آصـل حدهـا لا شعشع المخضار فيها ثمْ ريح الـورد فـاح ما كنـه الا المبخـرة ساعـة تفـوح بندهـا يا صاحبي وإن كان ودك بالصحيح من الصحاح خذ من ضميري كلمةٍ وإن كـان تقـدر ودهـا أنا دواي وعلتـي والشهـد والسـم الذحـاح الجادل اللي من ثـلاث سنيـن يكبـر ودهـا أم القوام الفاتن الممشـوق زاهيـة الوشـاح وأم الخدود اللي كما القرطاس صفحـة خدهـا وأم العيون النعّس اللـي لا تبيـح ولا تبـاح وعريبة المجنى ولو مـا كـان جـدي جدهـا لا قلت أنا رايح لذيك الدار وأدعـي بالفـلاح تقول سافر والدموع تقـول مـا هـو ودهـا في شوفها كل الفـرح كـل الهنـا والارتيـاح وفي بعدها.. تبغاني أنجح والظروف أصدهـا؟ ياخـوك لا تكثـر عليّـه بالملامـة يـافـلاح وأكشف لك المستور من روحي وأبيح سدهـا مانيب ناجح لعنبوهـا جامعـه وأبـو النجـاح أنـا نجاحـي يـوم أقابلهـا وأصافـح يدهـا لـ \ عبدالعزيز الدلبحي 20 \ 5 \ 2009م |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عشر طرق سهله لاستقبال شهر الصوم | عبدربه | ..: مرقاب القُدس و الأدب الإسلامِي :.. | 22 | 26-07-2011 08:05 PM |
| فيروس القصيد | ملفي بن عون | ..: المرقَاب الشّعبي :.. | 31 | 02-12-2008 07:49 AM |
| جدول أمسيات مهرجان أهل القصيد الرابع .... | ضيف الله الغنامي | ..: المرقاب لـِ أهمّ وآخِرَ الأحْداث :.. | 16 | 26-10-2008 08:09 AM |
| من فضائل شهر رمضان المبارك | الشيخ / متعب العجمي | ..: مرقاب القُدس و الأدب الإسلامِي :.. | 14 | 16-09-2008 10:27 PM |
| فضل صيام الايام البيض من كل شهر | محمد مرزوق السميري | ..: مرقاب القُدس و الأدب الإسلامِي :.. | 18 | 31-08-2008 01:00 AM |
 |
 |
العرض المتطور
