((( السجن الادبي لأعضاء المرقاب )))

المشاركة الأصلية كتبت بواسطة عبدالرحمن حمد العتيبي

لكن هذا أختياري ..
عبدالله بن قنيص .. يحضر (( مخفوراً )) الى هنا ويجاوب عن هالسؤال :

ليه صاير أنتقائي في حضوركـ المرقابي .. ؟؟
وليه تغيب عن المرقاب وأنت مسنتر يومياً على النت .. ؟؟

<-- لاتنكر وجودكـ على النت ترا عندي كاشف .. !!

هلا ومرحبا يابو حمد مالقيت الا صديقك تسجنه << مخفور ومكلبشةٍ يديه ورايحٍ فيها

والله مادريت عن طلبك هذا الا منك ذاك اليوم

وهذي اجوبة اسئلتك والمعذره على التاخير والقصور:-


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على المسنجر اقضي وقتي وعيني على المرقاب = الانتر نت اعرف انه شبكة ٍ عنكبوتيه
ماني منكر وجودي يابو داحم مير فك الباب = ابطلع واعترف واعلّمك عن هذي وذيه
كلامك صح لكن يوم ماتدري وش الاسباب = حرام تجيبني وانا بري وتكلبش ايديه
يابو داحم يوم ان الارض خضرا والمطر صبّاب = وانا وانته وعطران الشوارب نارنا حيه
نجي ونروح ونغني سوا ونفتّل الاشناب = على عز وعلى تقدير في الروحه وفي الجيه
حفظنا قدر الاصحاب ومشينا في رضى الاصحاب = نبا الاصحاب تحفظ قدرنا وتصفّي النيه
ولكن عودة شريعة الصحبه شريعة غاب = واخذ قسمك يامستور العصيمي فيصل العيه
رحمك الله يافيصل تذكرني في ابو مشعاب = وابو مشعاب شاعر من سليم ومعه جنيه
وانا لجنون خلق الله تراني ماحسبت حساب = احط جنون خلق الله مابين الشمس والفيه
لكن يوم اني ادرج لقمتي من بين ضرس وناب = ابي لي لقمةٍ توكل ما بي لي لقمةٍ نيه
حلمنا نحسبن احلامنا بيت وعمد واطناب = واثرها يابو داحم كلبوها احلام ورديه
لو ان اصحابنا حراس الابواب اغلقوا الابواب = قبل لايدهل ابواب المجالس ورع وبنيه
ماسل السيف ابو زيد الهلالي قدم وجه ذياب = ولاشفت ذياب لد العين في عليا الهلاليه
عموماً يصفي المشراب او مايصفى المشراب = مواردنا القديمه من سحاب الخير ممليه
وتبي تبقا المحبه يابو داحم مكسب الاحباب = وعلاقتنا تبي تبقا على التقدير مبنيه
[/poem]