راية العز..!

المشاركة الأصلية كتبت بواسطة سعود ناهض الرويس

يا راية العز لـولا العـز ماخفيتـك
خوفي من الناس لا تكثر دعاويهـا
شلتك بعيني عـن الدنيـا وخبيتـك
أدراك عن عالمٍ ضاعـت مباديهـا
ايه افتخر فيك يوم الفخر من صيتك
تشهد لك الناس قاصيهـا ودانيهـا
قلطتك بجوف صدري والحشا بيتـك
وابعدت بك عن وجيهٍ مـا ندانيهـا
وحملت رايتك يوم انـي تعزويتـك
وحذفت لك شيلتي والعـز طاويهـا
ملامحي؟ تشبهك .. مبداي؟ تربيتك
جوارحي ؟ صهوتك لاجلك اعنيهـا
لا ضاق صدر الزمن جيتك ورزيتك
واعميت من عينه البهتان معميهـا
اللي جهل رايتك لـي مـا تعليتـك
يبطي وهو يرمي الرميه ويخطيهـا
عله فدى موطنك حيّك مـع ميتـك
وعله فدى طاري حروفك ومطريها
أغلى من الروح ومن الروح قهويتك
دلة غلا ما يِـلام اللـي يقهويهـا
ما عشت كاني على الدنيا تناسيتـك
عصابة الراس من غيـرك يعليهـا
ياراية العز من فيض الغـلا جيتـك
أبنـي بيوتـي علشانـك واغنيهـا
فزعتك تغني ليـا منـي تنصيتـك
تشوش فيني الحميه يـوم اباريهـا
ما غير عزك جبرني يـوم ناديتـك
أزريت أكن الخوافي فـي خوافيهـا
لبيـت لرضـاك طاريّـك ولبيتـك
ولبيت فزعتك لامـن حـل داعيهـا


ياسلام ياوجد

صح لسانك واعتلا شانك

تعجز الكلمات عن مدح القصيده

اللي لها معاني عظيمه وراقيه

اهلا بك اخي سعود

صح بدنك

وكل الشكر على مرورك العطر

تقديري

و
ج
د