(صفات الدهينه )

الاخوه الاعزاء السلام عليكم ورحمة الله وبركاته وصلتنى بالفاكس هذه القصيده من الشاعر الكبيرشاعر الحكمه عبدالله بن دبسان الشيبانى ولعلمي انه غير مشترك فى منتديات الانترنت وتقديرا واجلالا لمقام الممدوح الشيخ اللواء / نايف بن مقعد الدهينه ولمكانته الخاصه فى نفسي اود ان يطلع الجميع على هذه القصيده مع التقدير للجميع


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياللي صفاتك فى هوازن عديمه = منى تسابق لك حبال الملاويح

فى لون عينك لون الافعى السليمه = وعليك من طلع الندواى ملاويح

مثلك تجي عنه العذارى عقيمه = اقوم واقف لك ومن سدي ابيح

لك من حياتك يالدهينه غنيمه = عسى عيالك مايجيهم سواميح

شيخٍ عرق وجهك يجي منه شيمه = عينك وساسك مذهلات الشوابيح

لك بالمروه يوم جتنى وسيمه = من يدك يانايف تجي هبة الريح

العود الازرق فى مجالسك غيمه = وهاذي دلالك فى مشبك مدابيح

الخاتمه لك عند ربك عظيمه = عسى من الجنه بوجهك مصابيح

واعوذ بالله من كلام الظليمه = مقعد مضى له بالمعالي مساريح

مثل العقاب الصيرمي فى صريمه = والعذر من بعض الشيوخ الذوابيح

ياراحم اصحاب القلوب الرحيمه = بمرك صدور اهل المروه مشاريح

من صاحب الروح الحليم الحشيمه = يم ابو تركي للطرايف مروايح

ياهل العقول المبهمات الفهيمه = فى عزوتى مقعد تليق المداديح
[/poem]