تعال عطني على الصفحه بطاقة عبور !!!

المشاركة الأصلية كتبت بواسطة عبدالمحسن العتيبي

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا معتم الليل قبل الكون ينساق نور = يوم المخاليق لاعم السكون هجعّت
تعال عطني على الصفحه بطاقة عبور = ما احتّاج للناس وانته حاجتي لك دعّت
لو حطم الصبح في نوره جميع الجسور= بصحّي العالم اللي نايمه ما وعّت
عندي ذهب بس عيت تحتويه السطور= وعندي زهورٍ على نهر الفرات إينعّت
وعندي قناعه وعنــــــدي عملهٍ ما تبور= لابار من لا عرفها بالحساب رجعّت
شف درة البحر لو صعبٍ عليـــها العثور= طوفتها بالخيال وفي خيالي سعّت
ما همني من تغذى بالورق والجذور= ما عمر الاوراق لا هب الشمال نفعّت
لو المزارع حسب لامن زرع للطيور= كان اكثر الناس في جنح الضلام زرعّت
ولو البّكم تا تكلم كان تشـــــهد بزور= والصّم لو كان تسمع كان جت وسمّعت
ولو اكثر الناس تعلم ما خفى بالصدور= كان عرفّت وش تكون الخاتمه وقنّعت
والجمره اللي على صدرٍ إحســــاسه يثور = اليا طفت هب نسناس الهوى وولعّت
ما عدت ادآري لرغبات البشر والشعـــــور= لو اطرحت في حسابي بالحكي وجمّعت
الوقت دارت رحاته والليالي تدور= وعيون الايام من هول العباد دمعّت
ما عاد به فرق ما بين الغنم والنمور= لو تجتمع فالحديقه كلوبها رعّت
تغير الوقت واقفى من دبور لدبور= شف كيف شفت الثعالب بالذياب طمّعت
وشفت الحمامه تبى الهده سواة الصقور= ما هي على خبرنا ان زاد الحنين سجّعت
وشف الذكاء بالصغار الي تحب الظهور= يا حيلة الله على اكتاف الكبار طلعّت

[/poem]

الله الله

قصيده من الوزن الثقيل

وشاعر لا تمرّ نصوصه دون ان تترك اثرها البارز في مساحات الذاكره

صح لسانك يا عبدالمحسن ولاهنت وسلمت يمينك

محبتي ومتابعتي باعجاب ياغالي .. والله يزيدك من فضله

اخوك