هـــدوء.!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
علاقات ماسنجر والأخرى على الجوّال=ولاعاد أعيش الوقت مثلي مثل غيري
أغيّب عن الربع الموالين قطع ليال=وأقول السموحه في غموضي وتقصيري
وأنا لاردي مذهب ولاني قصير حبال=لكن لأجل أكوّن قاعده من جماهيري
أنا لامتى باقي على نفس هاالموال=مضحّي على الدنيا بوقتي وتفكيري
على مبركي من عصر لين الظلام يشال=مع أصحاب غير النّت قلّت مساييري
عسى الله يلعن فتنة الأعور الدّجّال=وعدني بقدر وقلّ فاالربع تقديري
لكن دامها صارت كذا والعلوم طوال=أبصدّر المرسوم من شآن تقريري
أبكسّر المودم وأبقفّل الجوّال=وأبعيش وقتي حرّ مثلي مثل غيري.![/poem]