وجهة, شٌٍُِْعٌُْ رٌُْ ,

هذي بويتات تندرج تحت اسم ( بويتات التسلّي )




سر ياقلم سرّيتها لاهل الاسماع
وازريت اركبها معا راكب اللي



وانا اعشق اهل الطيب واطماعي اطماع
لاغبت كلّي جيت فالضيق كلّي


البارحه ماني ورا الصمت منصاع
علمت صكات الزمن تعتدل لي


ذعذع علي الشعر مع كل ذعذاع
ورحبت باللي زارني في محلي


ياراكب اللي مصدر اعجاب وابداع
كنه يقول لغيمة الشعر هلي


رنج ٍ مقاديمه مقاديم فزاع
يقول لمباريه ظللك ظلي


وشلون صار الرنج يشرى وينباع
وباقي المواتر مثله .. شلون ؟ .. قلي


لوّه رجل .. يمدي ذكر طيبته شاع
يضيف ويحج ويصوم ويصلّي


تخطب بناته كلهن من هل الباع
وهو يرحّب بالضيوف ويهلّي


من تشرق الشمس وتحوّل ورى القاع
ممشاه من داري ليا دار خلّي


المترف اللي لاطرى .. خافقي فاع
فوع البعير اللي يشل ويفلي


احساسي لـ غيره من الناس جزاع
ولّيت له قلبي وقلبي مولّي



محبتي له عفه ومابها اطماع
ياللي تحسبون المحبه تسلّي