بقوم واهل المخطية ترتاح...صوت لـــسعود الدهيمي

المشاركة الأصلية كتبت بواسطة معيض العتيبي

موجهة للشاعر الكبير والقدير سعود الدهيمي...محاولة لمشاغبته من باب الميانة...له ولكم ودي


[poem=font="Simplified Arabic,6,blue,normal,normal" bkcolor="white" bkimage="" border="ridge,4,gray" type=2 line=0 align=center use=ex num="0,black""]
عيت هجوس الكرشمي ترتاح = البال ضايق والخوي بعيد
يمناي في جيبي على المفتاح = والزام ريَّض والهموم تزيد
قلت الشعر يغني عن المسراح = والبعد ماهو في اتساع البيد
البعد بعد قلوبنا ياصاح =هذا كلامٍ ن مايبي تاكيد
والبارحة برق المعاني لاح = فالشرق عند سعود بالتحديد
شاعر واوده والقلوب صحاح = وغير الموده من هل التوحيد
والمدح عز وبيرقه ماطاح =ويليق فاهل الطيب بالتاكيد
بقوم واهل المخطية ترتاح=المجد طاغي ماتبي تمجيد
يبو مشاري ريّح الملواح=الطير شاخ ولايصيد الصيد
لو كان له مخلاب وله جناح= اسمه وتاريخه ماعاد يفيد
وانته هناك تلاعب المسباح= وطاح الخرز من كثرة الترديد
البدو ماتندم على اللي راح = ولا تحب سياسة التعقيد
وشبابنا صاحوا مع اللي صاح=وتطغي عليهم موضة التقليد
والواسطة تجري مع الارواح=روتين زيد ولا يهون عبيد
واشوف نصف المجتمع سواح = والكاش بدلناه بالتقصيد
واشيا كثيرة توجب الاصلاح = ماودي اكثّر واجيب العيد
لكن ابي رد الخبر ياصاح=البال ضايق والخوي بعيد
[/poem]

الله الله الله

يااااامرحبا يابونوره ..

ويامرحبا بالشعر والشاعر ..

واااالله للجزاله وحشه ..معك ومع أمثالك من الرائعين ..

نص موجه بحبكة أستاذ لايخلو من إضاءات ..الروعه والجمال ..

لأستاذ شعر (سعود الدهيمي)..

بانتظار صدى هذا الابداع ..

لك محبتي يابونوره