لــ راكان بن بدن

1431 هـ

بعد (الثلاثين) (الف واربعميّه) و (واحد) تمام
عامٍ جديد وياعسى المولى يزيّن جيّته

ويالله عسى الشعب الخليجي ينعم بخير وسلام
ويسود فيه الأمن حتى تنتعش ماليّته

ويلتمّ شمل الأمّه اللي حاصلٍ فيها إنقسام
ويدمّر الحوثي وتِمحا في العرب ذريّته

وتعم في الناس المعزّه والغلا والإحترام
ويعامل الإنسان بالطيْبه على شخصيّته

وتواضعه عند الخلايق يكسبه حب ووئام
ويزود في قدره وفا ويزود في جاهيّته

و(الصوم) ، و(آداء الزكاه) ، و(حج للبيت الحرام)
بعد (الشهاده) ، و(الصلاه) يكفّر الله سيّته

الآدمي لايحسبْن عمره على الدنيا دوام
الآخره لو هو يطول العمر تدفع ديّته

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
تدري وش اللي في وصالك دفعني=لو كان به غيرك من الناس غالين

ذاك الشعور اللي جمعك وجمعني=لا ليلة الجمعه ولا صبح الأثنين

اليا ذكرته قلت : ياهمّ دعني=واجّلت ميعادي مع الحزن بعدين

عنْك أنت قلبي كل ماقلت : طعني=قال : آمر ألا بباشة الملح والزين

شف شوق قلبي كيف يمّك نزعني=واصبحت اسير الشعر والشوق والبين

من غيرك اللي بالطواريق معني=ومن غيرك اللي آسر القلب والعين

ركّز معي قبل انتهي واستمعني=ابختصر كل الحكايه بشطرين :

لا قلت لي : مشتاق ؟ بقول : يعني !=شوق الغريب لشوف اهلْه القريبين [/poem]

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(الله خلق والله فرق في المخاليق)=شطرٍ قديم ومن قصيده قديمه
لولا اختلاف الذوق بين المطاليق=ماكان شفنا للمفاهيم قيمه
يعني إختلاف الذايقه في الطواريق=مهما حصل ماهي تسمى جريمه
لكنْ بعض لأبيات تحتاج تحقيق=لا وصلت الدعوى لمسَ الحشيمه
في الدين / وألا الدار مافيه تفريق=من مسّها ياخذ عليها قسيمه [/poem]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الهم في صدري مساحاته تزايد بإتساع=ويدقّ في قلبي مثل دقّ النجر بيد النجر
بعد المواصل والغلا ياشين لحظات الوداع=ياشينها والفرق شاسع في المواصل والهجر
ياما على شانك ركبت الموج واسدْلت الشراع=لجلك ولا كنت احسبنْ قلبك على الفرقا حجر
لو أني أدري ما امرت القلب في حبك وطاع=واسهر على ذكراك حتى يذّن آذآن الفجر
تدري وش اللي ودّي اهديلك قبل فضّ النزاع=تشوفه بعينك وأنا اشوفه ولو شوفي شجر :
خذ قلبي اللي في الضلوع الناحله وامرك مطاع=واتركني ارحل من حياتك وأنت كاسب بي أجر [/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يا امعذّب بيوت القصايد على الطرس=من شهر سبتمبر ليا شهر مارس

اكبر طموحك تظهر بأمسية عرس=وتقول : ماغيري على الشعر فارس

وحشْدت قوّاتي على الروم والفرس=وبحر العرب سقته على بحر فارس

ريّح ضميرك واحتسب قيمتك و ارس=واسأل لك اي انسان جرّب ومارَس

ترى الزمن لوطابلك طابعه شرس=وتبقى التجارب للنشاما مدارس

ياليت بعض الناس يستوعب الدرس=قبل الزمن زمله عليه ايتضارس[/poem]

[poem=font="Traditional Arabic,6,black,normal,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]

أن كان تسأل عن الخفاق وشعوره=ينبيك عن حالة الخفاق جوالي :
لبّى الرساله ولبّى الرقم والصوره=والبسمه اللي تزيل الهم عن بالي
وأن قلت لي وش كثر حبك ومقدوره ؟=بأقول واضرب على ما اقول الأمثالي :
كثر الجماهير في ( الساحه / وفي الكوره )=او كثر ما اجرّ لجل ارضاك موّالي
يامن يغار القمر والشمس من نوره=ويغار شهْد العسل من ريقه الحالي
لا يازعيم المحبه قايد الثوره=ياحبي الماضي وياحبي الحالي
جرح الغلا يشتكي تقصير دكتوره=من يوم قصّر وجرحه باريٍ حالي
خذ كلمة اللي يقول ويصدق شعوره=لعل جرح الغلا لا قلت ينزالي
مايطفي الشوق : شوف الرقم والصوره=مايطفي الشوق : غير امقابل الغالي [/poem]

[poem=font="Traditional Arabic,6,green,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
للمرجله بيـن النشامـا مواجيـب=وكلن يأدّيها على قـد عِرفـه .!!

ياصعب مبناها على الشك والريب=لإنّها وهبـه ولاهيـب حِرفـه .!!

المرجلة بنتٍ تشـوق الخطاطيـب=عسره ومملوحه وشيخه وترفـه .!!

وعلى الردي صلفه وصعبة مطاليب=لو زاد في بنك الملايين صَرفـه .!!

لولا النباهه ما اشتهر طاري الذيب=اللي ليا حل المسـا زاد هرْفـه .!!

ولولا المكـارم مالقينـا معازيـب=ولانفرق المجلس عن أياة غُرفـه .!!

خذيت من سود الليالـي تجاريـب=مايشكي الرجال للناس ظرفـه .!!

وكان المراجل تحضر احيان وتغيـب=ماللوفي عن واجب الطيب صِرفه .!!

ولاصار ماتبنى المعَرَفه على طيـب=لاعادها الله ياعرب من معَرَفـه .!! [/poem]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

الوصل عقب البطا للعاشق امسلّي=ياللي تشحّ بوصالك واهتماماتك

عيوني اترحّب لشوفتْك واتهلّي=والنفس تخضع لجل حبك ومرضاتك

بسم الغلا والمحبه جيت لك كلّي=وصار إتجاه الوفا صوب إتجاهاتك

وناديتك بصوتي المهموم ياخلّي=وآظنّ مابه أمل تترك حركاتك

أن جيت لك غبت ،، وأن قفّيت ترسلّي :=مشتاق لأسلوبك المرهف وهمساتك

لكنّ آبقول مافي قلبي وقلّي=عن مايليق لهواك ويصلح لذاتك

أما (( تجيني غلا ، وأشواق تقبلّي ))=وألا (( لأشوفك ولا اشوف اتصالاتك ))[/poem]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]



عن تجربة حب ، وغرام ، وتناهيت=لا قام نسناس الحبايب يهبّك

تدري وش اللي يستثيرك لاحبّيت=أنّه يجيك إنسان ثاني يحبّك[/poem]

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]


خل الذي بيني وبينك صداقه=مابيك بإحساسك تجاهي تهوّر

لو أن قصدي معْك اكوّن علاقه=كان الغلا بيني وبينك تطوّر

ماعاد في قلبي للأشواق طاقه=ومانيب راضي لك غرامٍ مزوّر

الحب طوّقني وشدّد وثاقه=وقفّل علي بيت الغرام المسوّر[/poem]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يا وقت ،، أنا صدري من الهم مخنوق=حتى من الضحكه يزيد اختناقي

تقول في صدري للأحزان صندوق=اسلا وحزني وين مارحت باقي

ماهو من التفكير والبعد والشوق=ولاهو من ظروف الجفا والتلاقي

واليا سألني كامل الحسن والذوق=بقول للفرقى آبـ ..احثّ ساقي

آحنّ للعزله عن الناس وآتوق=( لو افرش فراشي بمبرك نياقي )[/poem]

[poem=font="simplified arabic,5,green,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
تقول : وينك مانشوفك ياراكان=متى علينا تستعيد الزياره

وأنا من البارح وآنا آجرّ الألحان=اسخّر المعنى واحدّد مساره :

الحب لولا الوصل ماصار له شان=ولا طفت من واهج الشوق ناره

مثل القصيد اليا انتقاه ابن جدلان=يردّ للشعر الجزيل إعتباره[/poem]

لو كنت في ديره ، وخلّي بـ ديره
يكفيني أنه كل ليله يجــيني

صح المسافه / بالمساحه كبيره
لكنّه اقرب من جفوني لـ عيني

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num=",black""]



سولف وأنا بسمع سوالفك وآذوب=يا مذوّب العالم برقّة كلآمك

كنّ الحروف تشكّل بفمّك قروب=وتحاول انْها تستثير اهتمامك

وكنّك تصبّ البنّ والهيل في كوب=وتقول : طيّر من ضرَمها عسامك

مع زينك الطاغي حباك الله اسلوب=لبى غنجك وكبرياك ونظامك

ادمنت في حبك وإذا قلت : بـ آتوب=اغريتني في نظرتك وابتسامك

ياكامل الأوصاف مافيك عذروب=ألا أنّك بذوقك فرضت احترامك

قال المثل : كل شيّ ممنوع / مرغوب=لبى الورود اللي سترها لثامك

الناس صوب ووحدك بخافقي صوب=امشيّدٍ بيتك وباني خيامك

اخذ الوعد واترك مواعيد عرقوب=والله ما اخونك واقلّل مقامك

غنّيتك هجيني / وجا الطرق مسحوب=حتى القصيد يخلّ وزنه غرامك

وشلون ماتبغاني بهرجك آذوب=وأنت الحروف اتذوب لك من كلآمك[/poem]

[poem=font="Traditional Arabic,6,green,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يامن جذبني غلاك وساقني لك حلاك=عن راحتي ليه تسرف بك أنانيّتك

إلى متى مكسب عيوني بشوفك جفاك=وإلى متى في العتب تكثر حساسيّتك

ازعلت خلق الله لعينك برجوى رضاك=وحفظت حبك بدون اكشف خصوصيّتك

صحيح ربي عن العالم حباك وعطاك=مع الحلا الأنثوي ، ذوقك ، وعفويّتك

مانيب محتاج ابيّن لك بصدري غلاك=كثر احتياجي تعدّل من مزاجيّتك

محدٍ بياخذ غلاك ويآصل لمستواك=وأن كان ودّك تميّز في مثاليّتك :

حاول ليا جيت محتاجك وشاري وفاك=تفرح مثل ماني افرح دايم بجيّتك[/poem]

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
لحدٍ يعاتبني ترى خاطري عمس=الناس في وادي وأنا صوب وادي

ماهي حكاية امس وألا قبل امس=وألا دوادي عاشقين الدوادي

ياسيّد الإحساس والذوق والهمس=للحب في شرع الولايف مبادي

أما تجي وتلامس الخمس بالخمس=وتكون في حكم المحبه حيادي

وألا تغيب وتطمس احلامنا طمس=وأنا اعتبر ماصار منْك أنت عادي

ملّيت اراقب وانتظر طلعة الشمس=إلى متى قلبك عن الحب غادي[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كرآمتي تجبرني اقول لك شيّ=مهما آتردّد لآزم أنّي اقوله

لو أنّي اعتبرك كما الزآد والميّ=ولو أن نسيانك ماهو بالسهوله

صحيح ماغيرك بشر ساكنٍ فيّ=والقلب مافرّغ لغيرك ميوله

تدري وش اللي يكوي المهتوي كيّ=لاوصلت الدعوا لآحدّ الرجوله

قل قالها الميّت على مسمع الحيّ=يقطعْك رجلٍ مايوفّي بقوله :

طويت حبك عن هوى خافقي طيّ=وأن قلت : احاول ، قلت : ما انته بحوله[/poem]

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]


يا مبعد الهقوات لا تبعد الشوح=ما قدّر المولى على العبد آتي

يضيق صدري بعض الأحيان ويفوح=وتروح مني ضيقتي في صلاتي

اجاري الورقا على النوح وانوح=واخفْي عن انظار البشر تضحياتي

واقول ياوقتي لو اخطيت مسموح=منّك يكفّيني فقط ذكرياتي

لو يعلم الإنسان ماكِتْب فاللوح=ماقال للي فات ياليت تاتي

الصمت يغريني على منهج البوح=والبوح يكشف لك عظم سيئاتي

أحيان احس أنك معي وين ماروح=وأحيان احس أنك غريب بحياتي

(منّك) ومن (قلبي) و(الأقدار) مجروح=كل الثلاثه رافضين أمنياتي

لولا الرضا بالموت والنفخ بالروح=لأختار في لقياك .. ساعة وفاتي [/poem]

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ياركني الهادي ((صباح الخير))=وش فيك ما انتب على خبري .؟

زعلان من مدّة التأخير=وتقول : ياما اطوله صبري .!

انت اعذر الهاجس على التقصير=وابشر بي آمدّ لك شبري

واكنّ لك وافر التقدير=وانزف لك الحبر من حبري

إن كان جدّه هواها غير .!=متصفحك للحشا يبري

فيك أنت يكفيني التعبير=بس أنت خلّك على خبري .![/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

لا تملّ ولا تضيق ولا تعكّر=وأنت تدري عن غلاك وعن مقامك

وتدري أن القلب عن غيرك مسكّر=بس ودّك تجرح القلب بكلامك

لدّ عينك وانتبه لي لاتفكّر=ولايثير إعجاب هالناس اهتمامك

قلتها واقولها وارجع واذكّر :=مابعد جآ من ينسّيني غرامك[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

ياليت لي صدرٍ اليا ضقت ينسى الهموم=وياليت قلبي من اللوعات دايم خلي

ماكنت اسامرْك ياضيقه واعدّ النجوم=واقول / ياوسعة الخاطر عليّ اقبلي

ياقلبي اللي عن المقفين طبعك تشوم=بأصبر معك والصبر ماله شبيه وحلي

واحاول بقدّ ما اقدر معْك اشدّ العزوم=حتى الهموم الثقيله في الصدر تنجلي

وأن طحت ياقلبي الملهوف حاول تقوم=وأن شفت مابي جدا لاعاد تشره علي !![/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
على لساني مابقى غير لبيك=بالذات لا مرّت عليّه طيوفك

اودّعك وأنا الذي ميّتٍ فيك=واقولها من قبل افارق كفوفك :

مع السلامه كثر ما اهواك واغليك=خبّر بها سيّد ظميرك وجوفك

تدري وش اللي ردّني عنْك مآجيك=مع انْ ظروفي تسمح أني اشوفك

مابي خفوقي ينصدم يوم اطرّيك=في ساعةٍ فيها تخونك ظروفك[/poem]