وعرفت انّ الشعر .. مهما بلغ .. يبقى فكر والهام

المشاركة الأصلية كتبت بواسطة مخايل

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على درب القصيد الممتلي حسّ، وفكـر، والهـام=تمشا شاعـرٍ لامـن طـرت لـه غربتـه يسهـا

تهزّه ذكرياته.. مثل مـا اتهـزّ الشجـر لنسـام=وتضيق عيونـه بدمعاتهـا.. والصبـر يحبسهـا

مضا حلم الطفوله.. بعد ما امضيت فـرجاه اعوام=كنـوز العمـر ضيّـع حظـي العاثـر نفايسهـا

وطويت شراع عزمي بعد هبّـت عاصفـة لالام=بسايسها.. وانـا وش فيـدي الا انّـي أسايسهـا

خذيت دروس من كتب الحيـاة وجامعـة الايـام=دورسٍ ما خذتها اهل المـدارس فـي مدارسهـا

عرفت انّ الأمل يرخي على وجيـه الليـال لثـام=فياقـلّ اللـي يميّـز بيـن ضاحكهـا وعابسهـا

وعرفت انّ الشجاعه رجعة القادر علـى الإقـدام=لا بان الذلّ في وجه الفريسـه.. شـام فارسهـا

وعرفت انّ الفقر عذر الردي.. ولا الكرام كـرام=يا وسع صدورها للضيف.. لو ضاقت مجالسهـا

وعرفت انّ النقي لا استغفلوه النـاس مـا ينـلام=ما يفهم فـي حيـالات الضعـوف الاّ ممارسهـا

وعرفت انّ التنافس له تعاليـم، وقيـم، واحكـام=لـكـارم مــا ينسّيـهـا مباديـهـا تنافسـهـا

وعرفت ان البشر لو تلبس الضافي مـن الهنـدام=بهـا عـورات ماتـقـدر تغطيـهـا ملابسـهـا

وعرفت انّ الهوى كذبه.. واحاسيس الغرام أوهام=خـرافـاتٍ تزيّنـهـا الشياطـيـن بوساوسـهـا

وعرفت ان كلّ نعمه لو تُقـاس بنعمـة الإسـلام=تهـون امـام توحيـد الإلـه بعـيـن قايسـهـا

وعرفت انّ القلوب المؤمنه لـو تحصـد الآثـام=تجدّد مثل مجـرى النهـر.. مـا شيّـن يدنّسهـا

وعرفت انّ الدواير ما تـدور الا علـى الظـلام=غصون الظلم مايجنـي ثمرهـا غيـر غارسهـا

وعرفت انّ الشعوب ان كان طابت.. طابت الحكّام=مثل فعل المرايه.. تاخـذ الصـورة.. وتعكسهـا

وعرفت انّ الشعر .. مهما بلغ .. يبقى فكر والهام=ولا غيـر الفعايـل ترفـع الـروس وتنكّسـهـا
[/poem]

مشعل الزعبي

قصيده كلها حكم

لاهنتي على النقل يـا مخايل

تحيتي