سلامه يا سلامه يا سلامه..!

تمشي طبلونها وبدون تحديد أتجاه.!

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شواهد فعل أبو زيد وكلآمه = تبلغني مودته وسلامه
أمثلها بهرجٍ قد سمعته = بميدان المروه والشهامه
وأشهادها بوقفة كل صاحب= يبرد حر كبدك من مقامه
تباريح الزمن وأهموم أهلنا = تعانقها غمامه مع غمامه
وعزم أهل المواقف والحميا = تبّين في خدود الوقت شامه
صدق قول المثل وأهل المثايل = يموت الذيب ماماتت عضامه
هذا قول الصحيح وفيه غيره = كلام اللي مهو مكّد كلامه
وينشأ ناشئ الفتيان منا = على ما عوده بابه ومامه
هذاك الوقت الأول يوم أهلنا = على يومٍ مثل يوم الرغامه
يصير الرجل عند الموت واقف = وهو عند الوعد يكرب أحزامه
يغني من سطر ماهوب خايف = ويطلع طلعة البدر بتمامه
يغني جعلنا للشيخ فدوه = مهوب اليوم غني يا حمامه
يجاوبك اللحن ضايع وتايع = وهو محروم حتى من أحترامه
يطالع خبث حتى ببنت عمه = يحب ولا عرف سبة غرامه
وهو خايب ومن يعشقه خايب= تجمع شبهة العشق وحرامه
هذا وقت التطوّر والتدهور = مهيب ايام لباس العمامه
وهذا وقت الخيانه والخيانه = بهذا الوقت للواقع علامه
وهذا وقت الهيام بكل وادي = وهذا وقت الحسافه والندامه
عسى الله ما يواخذنا بنهجه = ولا نحمل من الواقع وآثامه
هذا كل الكلام اللي حفظته = وشوف العين يا زرقا اليمامه
طويت البحث وأتعبت الركايب =وعين الذيب ما ذاقت منامه
لكن عيني ما عاد اعاين ابها = جب الدربيل وينه يا سلامه

[/poem]