(*(( .. في الصميم .. ))*)

:


:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

غريب هذا الحصان وشكله ولونه! = يمكن على ذمّة الكيبورد والفاره!
ولاّ انّه الله بلاه وكان في عونه = أبوه أصلاً حصان وأمّه حماره! [/poem]




:


:

:


:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلاص .. ماعاد آتحمّل خطاياك = يااللي خطاك يمرّني بالدقيقه
خذ مابقى لك من بقايا هداياك = وكلٍ على الدنيا يكمّل طريقه
شوّه كلامك لي .. ملامح عطاياك = واخفيت يانصّاب .. وجه الحقيقه
والحقّ عوّد باطلٍ من نواياك = وعندي على جورك ، شهود و وثيقه
ياليت عيبك .. ماافترس في مزاياك = مثل افتراسك .. لليال العتيقه
ماكان هلّت دمعتي من سواياك = وماكانت جروحي بقلبي عميقه
مع السلامه ، وامسحه من خلاياك = فيصل ، وفيصل غير كل الخليقه[/poem]


:


:

:


:




[poem=font="Simplified Arabic,6,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
فالآودام ، واحدٍ قلبه يطير = يقدر يجوب الفضا ويشبّره
وفالآوادم ، واحدٍ قلبه ضرير = في فمه عظمة لسان تدبّره
وفالآوادم ، واحدٍ قلبه كسير = ماقدر طول السنين يجبّره
وفالآودام ، واحدٍ قلبه مرير = مالقى فالناس شخص يخبّره
وفالآودام ، واحدٍ قلبه صغير = ينفخ شعوره كذب ويكبّره
وفالاوادم ، واحدٍ قلبه كبير = له شعور ومايعرف يعبّره
[/poem]

:


:

:


:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أحيان ياتي الشعر يالايمي .. سيف = واهزّ عرش الغلا .. واشتال تاجي
وأحيان ياكثرها .. ما هو على الكيف = يقلّ .. لو يكثر احساسي .. نتاجي
لو هي سحابة حروف تمرّنا صيف = ماخلّد العالم .. ابراهيم ناجي
مشكلتي اني مااحب الكذب والزيف = أشعل من الواقع النار .. لسراجي
مااحبّ وشلون ؟ ليش ؟ اش حقه ؟ وكيف = عشان ماافكّ صيدي في عجاجي
والهم ، ماهو على ماهو كذا ! ضيف = نشيد الاظلاع ، والدنيا خفاجي
يانوت ، يانوت ، يانوت ، الملا .. حيف = من غير زولك ، وش عقاب العواجي ؟[/poem]


:


:

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في ثرى شبه الجزيره شبه رجّال ومره = يشربون من الحرام وياكلون من الحلال
كل واحد في يده خاتم ثمين وبنجره = وكل واحد في يده عشرة جنيهات وريال
يشترون من البضايع كحل عين ومسكره = ويتركون من البضايع ثوب وشماغ وعقال
شوف عيني جمّعوا يابس ورقنا واخضره = لين ماباقي على صدر المعاذير احتمال
والبحر والحوت في وسط البحر والعنبره = شايفه حبل الاجابه وثّقت راس السوال
كتّفوا عبله عشان يضيق خاطر عنتره = صار تخييل الحقايق مثل تحقيق الخيال
غور ياالاعصار ماهزّيت فالراس شعره = ماتنكّس سارية كسرى على لعب العيال
وصكّ شبّاك الهبوب الطايره لاتخسره = وانت لو روّحت كلك ماخسرنا راس مال
خل عنك الورعنه والفرعنه والفشخره = ياعدو النور مدري ياصديق الانحلال
والضبا اللي تطوي البيدا بكف الشنفره = صعلكته ايامه الغبرى ولا عنده مجال
بين عيب استح على وجهك وبين المقبره = وقّّف اقدام احتمالاته على جرفٍ هيال
ان سكت تنسخ مداهيله من الهم عشره = وان تكلّم حك ظفر الشك بصدور الرجال
والنوايا جمرتينٍ فوق راس المبخره = ياتطيّر ريحة الكمبود ولاّ الاشتعال
والاوادم ماتعرف الدرب والجوّ غبره = كلّ ماتمسك يمين الخط ودّاها شمال
نقطتين وحبر وشعورٍ نظيف ومسطره = آخر حلول البنادم فاوّل الدرب العدال
قيس يافلاح ويش اكبر حصيلك واصغره = ولاّ انا مااحتاج ريح المسك من دمّ الغزال
وشوف وجهك ياحبيس القافيه فالمنظره = من خلال عيونها يمكن تورّيك الخلال
واعبد الله واطلب الله واحمد الله واشكره = قبل مااسرّي على صدرك جيوش الاحتلال[/poem]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

فمان الله مسافر للغياب وديرة المجهول = وانا ماني مسافر للغياب الاّ من اسبابك
تعب كف الرضا يطرق عشانك بابك المقفول = وتعبت اموت منك وفيك والك وعنك واحيا بك
وفيت ولا جنيت الاّ التعب في ساعة المحصول = لك الله وخّري عنّي خنقتيني بجلبابك
بشوف الشمس وآشمّ الهوى واحرّر المعقول = عسى ربي يعوضني طعم توتك وعنّابك
لو انّي مستحيل انسى صراحه ريقك المعسول = هذاك اللي بعد مامرّ قلبي طالت اعشابك
حليمه خيّطي ثوب الغريب القاتل المقتول = وشيلي جثة آماله وحطّيها على بابك
فجوج الارض واجد والقوافل خيرها موصول = توّديني على ايّة ديرةٍ ماتحسب حسابك
دخيل الليل والشوق الكبير ورمشك المكحول = تجلّي للحياه وحرّري قلبك من اعجابك
تعبت اسأل سؤال السائل اللي يسأل المسؤول = من المسؤول ؟ عن زفرة زعلك وجمرة عتابك
وانا في ذمة القلب اليتيم الصادق المعلول = بريٍّ من مشاريه احتمالٍ ثوّر اعصابك
فمان الله والضيق انتهازي والفرح مشلول = فمان الله من عظمة لسانٍ كان هلاّ بك
نهار الحب طفلٍ فالبراءه هزّه الهندول = قبل مايكبر ويستعمرك ويشقّق ثيابك
عماك الظن وارهقتي ضريبة سيفك المسلول = ماعاد لسيفك الجارح مكان بسيّد احبابك
فمان الله يااغلى من نزل في رمشي المبلول = وانا لك وعد مني ماانشدك عن سبّة غيابك[/poem]

:


:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سمّوك ربعك بالغلط طبيب جرّاح = وانته لك الله يامريض الجرح قسمك
ياليت ربعك ياجرو سمّوك نبّاح = عزّ الله الاّ ينطبق فعلك على اسمك[/poem]


:



:

:


:



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا حكّ عود بعود مابين المشاكيل = ماهو صحيح نخلّي الكلمه للاطفال
الورع ورع ولو جلس عند الرياجيل = ولو لبّسته امّه شماغ وفوقه عقال
باقي صغيّر وان مرض ياخذ (......) = ما ينعطى له وجه لين يصير رجّال[/poem]


:


:

:


:


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] مشكلتك انّك منت واثق بنفسك = ومشكلتي انّي كل ماتخطي ارضيك
اجمع لك حروفي على صوت همسك = وتزيدني حيره وغيره وتشكيك
احاول اعاكسك ويزيد عكسك = واحاول اجيبك وطبعك يودّيك
وان كان بكره مثل يومك وامسك = مظطر ادوس ببطن قلبي واخلّيك[/poem]



:


:

http://www.tfasel.com/vb/showthread.php?t=14963

شعرك وجمهورك
هنا فاقدينك !
حاول تجيهم قبل لايلحقونك

ابو محمد اشكرك على شعور نبيلك

هاآنذا سأعود لعلي اتذكر الشعر

دم تا / بخير

:



:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيتي وانا ، تايب عن الكذب والحب=مليت احب ، ولابقالي لياقه
ادعي لي احبك وانا اقول يارب =تبقى علاقتنا ، مجرد صداقه [/poem]

:


:

:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ودي اقولّك (وحشتيني) ولا اقدر = مانعتني حاجةٍ فاقصى ضميري
قرح مدري جرح مدري شيٍّ اكبر= المهم انّه لعب في خط سيري
اشهد انّك شاطره لكنّي اشطر = ماسكن في قلبك الخفاق غيري
رغم ماسوى الجفا بالسيف الابتر = لايزال الطير ابو جنحان طيري
وماسلب نومي ولاّ خلاني اسهر = غير يـ انّ خلافنا ماهو مصيري
مااختلفنا من يحب الثاني اكثر = اختلفنا في جهاز بلاك بيري
ضاقت الدنيا بعين الحر الاشقر = لاتقولي لي رجاءاً : ياعشيري
الزمان اللي مضى علّمني احذر = والزمان الجاي مايخلف مسيري
المحبّه غارقه فالبحر الاحمر = والحبايب كلّ ابوهم ( تومو جيري )
ديرتك خضرا وانا خفّاقي اصفر = مالي استعداد اساوم في مصيري
بعد ما ذقت الخساره ويش ابخسر = كثّر الله خير خفّاقك وخيري[/poem]

:

:

:

:

:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خسارة الدمعه اللي .. شوّهت عيني = لو انّها دبّرت للصدر .. تنسيمه
كنت امتوقّع وانا زعلان .. ترضيني = عشان احس .. انّ لي في خاطرك قيمه
ماكنت متوقّعك .. جرحي وسكيني = وانّ الغلا اللي بنيته .. سهل تحطيمه[/poem]


:

:


:

:


:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله انّي طلبتك تغفر ذنوبي = قبل مااقول للدنيا وداعيّه
واحمني من جهنّم واستر عيوبي = واقبل برحمتك جملة مساعيّه
ولاّ انا انسان من راسي لعرقوبي = والخطا مايفارق طبع راعيّه[/poem]


:


:

:

:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هبّت الريح حتى طاحت الذكريات = مابقى في غصون الذكريات ثمره
لمّي الشوق من ضلع الهدى للسراة = واخذي اللي بقى لك وانزحي يامره
ولاّ انا بعتبر ياهيه مافات مات = دام حبك مابين الجد والغشمرة[/poem]

:


:

:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاتحمّلني مشاريه وعتاب = مابقى لك فالصدر قلبٍ يفز
انت من شرّع لي ابواب الغياب =وانت من علمني اقسى واستفز [/poem]

:


:

:
:

:



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض المحبة ياحبايب " كذبة ابريل " = اوّل مداها شوق وآخرها حماقه
احباب في وقت المقابل والتعاليل = واغراب في وقت التجمّل واللباقه
ياسيّدة سود العكاريش المظاليل = لن كان باقي شي من هاك الصداقه
ارمي على قبر الغلا اللي روّح اكليل = لكنّ خلي لاحترام الحي باقه[/poem]


:


:
:

أسعد الله أوقاتك بكل خير يابو عبدالله ..
سعيد كل السعادة بـ عودتك للمرقاب وعساه حضور ما ينقطع إن شاء الله ..
كل المحبة والتقدير يا أستاذ ..

المشاركة الأصلية كتبت بواسطة محمد السبيعي

أسعد الله أوقاتك بكل خير يابو عبدالله ..
سعيد كل السعادة بـ عودتك للمرقاب وعساه حضور ما ينقطع إن شاء الله ..
كل المحبة والتقدير يا أستاذ ..

سلمت يابو فليان والله يسعد ايامك بالخير
ووالله اني سعيد بسعادتك وطيب اصلك وخلقك الرفيع ، ومن الاشخاص اللي الواحد يفتخر
بمعرفتهم ويقرأ ابداعهم ...

اشكرك على ماشرفت به متصفحي المتواضع


دم تا / بخير

:
:


:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

انتي تبين الصدق ولاّ ابن عمّه = في ذمتي ماقد نسيتك دقيقه
لازلتي اللي في حياتي مهمّه = رغماً عن جروح الفراق العميقه
غيرك فلا للقلب يا ( ... ) يمّه = لكنّ مالي في وصالك طريقه
طاح الغلا وازرى خفوقي يلمّه = وغطّت يدين الوقت وجه الحقيقه
جيتك وهرج الشوق ماله تتمّه = ورجعت وجروحي عداد الخليقه
ونسيت كل ايامي المدلهمّه = لعيون بعض الذكريات العتيقه
وان كان باقي ورد ممكن نشمّه = ورّيني اصعب درب يم الحديقه[/poem]

:
:


: