الهاجري × بن بديع × بن شلحاط

سلام عليكم

اخواني انقل لكم هالرديه لثلاثة مبدعين عسى مكانها بالشعبي يكون صحيح :





الرديه الأولى من الشاعر : سلطان الهاجري وهي





[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يابن بديع يـوم زرت الامـارات=

واخـذت فيهـا وقفتـآ وانقـلابـه

ماشفت ابن شلحاط رجل المهمات=

يفتل شناباتـه ويضـرس ابنابـه

ويواسي الحيين في فقـد الامـوات=

ودموع عينه مثل وبـل السحابـه

يبكي ويقـرا الفاتحـه والتحيـات=

ويدعي ودعواته ماهـي مستجابـه

وزهم علي البارحه عشر مـرات=

يشكي علي من الحـزن والكئابـه

قلت اسمع اسمع خل عنك الحركات=

اللـم تكـن ذيبـآ كلتـك الذيابـه

العام حظك وردك دجلـة افـرات=

وحصلت قرطوع ِ عذيـآ شرابـه

وهذي السنه مافيه غير ابتسامـات=

لو مات ابن شلحاط ماحـد درابـه

قدامه المرحـوم ياسـر عرفـات=

مافيه قصرِ ماوقـف عنـد بابـه

[/poem]



الرديـه الثانيه من الشاعـر : عبدالرحمن بن بديـع وهي




[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ناشدت ياسلطان في تسعـة ابيـات=

وحسب السؤال يجيك نص الاجابـه

مدري سؤالك حـرص ولاتشمـات=

اسئـل وانـا باجاوبـك بالنيـابـه

بئـس لشعـار الغنـج والفلاشـات=

وطوبى لشيخ الموعضه والخطابـه

ترا لـو إنـا مانعيـد الحسابـات=

رحنا طعام وحوش في وسط غابـه

آخر حياة اهـل الكفـاح الملـذات=

ولا ضعيف الجهـد رزقـه هبابـه

ودموع مانع لو نثرها ,, سلامـات=

ماهي على قبر النبـي والصحابـه

الفيسلـوف اللـي تعـدا الغويفـات=

واصبح بعد ماهوب شاعر دُعابـه

امحكـم وناقـد ويمنـح دراجـات=

ويغوص في اسرار الفكر والكتابـه

بثت تصاريحـه جميـع القنـوات=

معا العمانـي دايمـآ فـي مجابـه

واعطى وسام الشعر , ربا الدويكات=

واشهر على اعيال القبايل حرابـه

[/poem]



الرديـه الثالثه من الشاعر : مانـع بن شلحاط وهي




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

تلاوحونـي بالقصيـد (البوتمبـات)=وأنـا مـن الدبيـن مانـي بـآبـه


الشاعريـن المبدعـيـن الـقـداوات=اللـي بهـم فالبيـت الأميـز تشابـه


أضفو على الشعر الخليجي بصمـات=ليـن أثبتـوا للغـرب فـن الربابـه


وأنا لحالي ضد حـرب العصابـات=لـو الـدول تحتـاط لـه واجتنابـه


سلطان سند رغـم كـل المسافـات=لابـن بديـع واستراسـه وجـابـه


حطوا علي بعض النكت والدعابـات=وأنا أجودي واعيش ضمـن الغلابـه


شايب وبي جلطه وأبيرص ومـوات=ماعـاد بـي جهـدٍ لصيـد الذيابـه


دوبي مقانيص الطـرب والخونـدات=وخطوات شيكٍ ما يهزهـز حسابـه


يا أبو خلف شطب على اسما البهاوات=وعلق إصور اللـي تديـر العصابـه


الهاجـري والواهبـي فالمـطـارات=فابو ظبـي يصبـح عليهـم رقابـه


من شان تدري بإن ضيف الإمـارات=يحشم بظـل اللـي عزيـزٍ جنابـه

[/poem]

الله
الله
الله

شعراء مبدعين ومتمكنين
صحت السنتهم

سلطان مشكور على الايراد

سلطان


بيض الله وجهك
ولا هنت على إيراد هذه الأبيات


تحياتي

..

مشكور يا سلطان بن بتلاء

و قد وصلتني هذه القصائد على رسائل الجوال


تحياتي و الف شكر

كما إعتدنا منهم ، لم تخلو من " بعض الحركات " الجميله والقفشات المثيره

لاهنت يابن بتلاء

وللهاجري وابن شلحاط وابن بديع كل التقدير والأحترام

ياحلو هالمساجله


بين ثلاثة شعار كباار


سلطان بيض الله وجهم


كل الود

عزالله أنك اخترت ونقلت قصايد تستحق النقل ويستمتع بها القاري المتذوق للشعر الجزل ولاصيل.

لاهنت يابن بتلاء

تحيتي لك

سلطان بن بتلاء


ياسلام على هالايراد ..

قدامه المرحـوم ياسـر عرفـات=مافيه قصرِ ماوقف عند بابه



صح السنتهم وبيض الله وجهك على نقلها ..


لك فائق احترامي وتقديري ...!!

ههههههههههههههههههههه


ابن بتلاء عز الله ان حلوه هالابيات

يعطيك ربي الف عافيه ولا تحرمنا من جديدك


نايف

لا هنت ياسلطان على نقل القصايد

لاهنت سلطان على النقل الجميل

ودمت بود


م
ح
ب
ك

ثلاث رديات مازحه ... فيها من الشعر والطرافه الشي الكثير ..
صح لسان ابن وسام وابن بديّع وابن شلحاط
ولاهنت يابن بتلاء على ايرادها هنا
تحياتي

ابن بتلا




الله لا يهينك

ياسلام على هالقفشات الشعرية الممتعه


صحت السنتهم

ولاهنت يا بو بندر ،،

..

وعليكم السلام

ما تجيب الا المميز يا مميز
صح الله لسان الشعار ولا هنت يا بن بتلاء على النقل

لك التقدير