هـــدوء.!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

أنا مدري وراني كلّ ماتطري عليّه نوف=أجي مشتاق وليا جيت ديرتها أتعدّاها
يجيني حالةٍ تفتح خيالات الحيا للخوف=وأقول السمعه لها كبوةٍ تطمس محيّاها
هذا فوق إنّ أبوها هو وأبويه عارف ومعروف=لاوالله عدّني ياموتري مانيب ويّاها
حفظك الله من عيون البشر يالابس النفنوف=تمطرق به تمطرق وردةٍ ماأحدٍ قد أهداها
سق أقدامك على وجه الثرى وإنزع حجاب الشوف=عسى أوضاعي على خدّ الثرى المهجور تقراها
سقى الله ماقضينا مع بعض ياضامر السرجوف=قبل لاأخشى الأمور اللي لبيب العقل يخشاها
قبل كلٍ مع الدنيا عن الثاني يعيش ظروف=مانعرف فاالظروف الا إسمها ماهوب معناها
تكفيني بقايا الوصف من ذكراك ياالموصوف=متى ماأشتاق لك..وأمرّ دارك وأتعداها[/poem]