.¸¸۝❝ رساله جديده ❝۝¸¸.

,
,



العاشقيـن ملـوك ماهـم ممالـيـك
شعـار تحمـلْـه القـلـوب النقـيّـه


مبـداي هـذا وأنـت هـذي مباديـك
متشابهـه فـي الظاهـره والخفـيّـه


لـ.. توقّف الحاضر على أعتاب ماضيك
اقْتلـه بالنسـيـان والـوقـت ديّــه


واحـذر ريـاح التعـريـه لا تعـرّيـك
الحـب لـه سطـوه ولـه جاذبـيّـه


لو تزعلـك الأيـام / أيـام / ترضيـك
لابد لـك تلقـى عـن الشمـس فيّـه


وما تخفي الأقـدار لـك باكـر يجيـك
والله لـه المنّـه ومـنْـه العطـيّـه


هـذي يدينـي خلّهـا تحضـن ايديـك
ياخذ من شعـوري شعـورك شويّـه


أبيك تـروى مـن أحاسيـس مغليـك
اللـي منابعهـا خفـوقـي / هـديـه


استسلـم لْهـا خلّهـا تنتشـر فـيـك
ضحّيت لجلـك عيـش لجلـي ضحيّـه


شف كيف شوق تموت / وبشوق أحييك
وغـلاي فـي دمّـك خليّـه خلـيّـه


حبيبي عطني مْن الوفا كثر ما اعطيـك
العـمـر تــوّه والليـالـي مـديّـه


تعـال فـي تواضعـك فـي تعالـيـك
تعـال يا طـهـر الـزّهـر يا سمـيّـه


واحتلّني مْـن الحـد للحـد / يدعيـك
لو بس ترسل مْن رموشـك سريّـه !


سدّد وِارِم عجزت أنا أرميـك وأخطيـك
صدري فـدا ل.. سهومـك العاطفيّـه


لو شفت وسط البال خطـوات طاريـك
وآثارهـا فـي الفكـر روحـه وجيّـه


مـا زدت فـي دلالـك وفـي تغلّـيـك
وما تِلحـق كبـار الخطـايـا خطـيّـه


عقارب الساعه معك / بـس أوصّيـك
ما عـاد فيـنـي للصـبّـر مقـدريّـه


اخترت أعيشك وصل مااخترت أجافيـك
عيني عليـك وعيـن غيـرك عليّـه


,
,