(*(( .. في الصميم .. ))*) - الصفحة 32

05-07-2010, 07:49 PM

خبر وتعليق / ( 23 ) :

[frame="7 50"]
في تصعيد جديد ضد المملكة نقلت صحيفة "الاندبندنت اللندنية" عن "أنيتا دي فرانتز" رئيسة لجنة المرأة والرياضة في اللجنة الأوليمبية الدولية بضرورة إشراك منتخب نسائي في الألعاب الأوليمبية.
وهددت المسؤولة في حال عدم مشاركة المملكة على المستوى النسائي بمنعها من المشاركة كليا في دورة الألعاب الأولمبية 2012م في لندن.
وذكرت الصحيفة نقلاً عن المسؤولة أن اللجنة الأوليمبية الدولية تواجه ضغوطا متزايدة للنظر في وضع المملكة لعدم مشاركتها بهذه الفرق في دورات الألعاب الأوليمبية. [/frame]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامنيره ، ياهيا ، ياشوق ، يامستوره = ابك هيّا فصّخن العبي .. جات الحاجه
الضروره ، يابنات .. تبيّح المحضوره = كيف ندخل جنة الله .. والعجم محتاجه
العبن في منتخبنا .. لا تروح الدوره = خلّوا العالم عليكنّه .. يفل حجاجه
كل ابوها .. رمي رمح ، وكارتيه ، وكوره = ووحدةٍ منكن تسوق بساقها .. الدرّاجه
والبسنّ الشرت والتيشرت .. والتنوره = لاتطول ، ونبتلش في هرجة الهرّاجه
كيف نتطوّر ! وحنا نعتبركن عوره = وكيف نعطي للوطن ! .. لا صار مانتواجه !
والرياضه ، فالتحضّر ماهي بمنكوره = بس من زود التخلّف .. راحت الثلاجه
آمرينا ننفتح يالندن .. ومشكوره = ماعلينا من كتاب الله .. ولا منهاجه[/poem]

05-07-2010, 08:54 PM

خبر وتعليق / ( 24 ) :

[frame="7 50"]كشفت البنوك السعودية عن وجود عمليات تحايل واختراقات لحسابات العملاء منها ما يتم عبر لصوص في الداخل وآخرون من خارج المملكة، مشيرة إلى تسجيل البنوك لجرائم غسيل أموال تتم عن طريق مدعي سداد الديون للعملاء.
وطالبت البنوك السعودية خلال مؤتمر صحافي عقد أمس بمناسبة إطلاق حملة توعية "مرتاح البال" عملاءها بضرورة الحرص من هؤلاء وعدم التعامل معهم، مؤكدة أن كثيرا من الأشخاص الذين يدعون سداد الديون قد تحايلوا على ضحايا هم بسلب ما معهم من ممتلكات بحجة ضمان حقوقهم قبل سداد ما عليهم من ديون لصالح البنوك السعودية أو جهات الإقراض المرخص لها من مؤسسة النقد.[/frame]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

( مرتاح بال ) اللي مايعرفكم = لا صار حاميها حراميها
انتم تبون اللي مايصرفكم = عن الحسابات وأساميها
والمال تبغونه لمصرفكم = مرشي يمانيها وشاميها
مااقول غير الله يقرفكم = الناس كثّرتوا مداميها[/poem]

06-07-2010, 05:15 AM

خبر وتعليق / ( 25 ) :

[frame="7 50"]أقرت الهيئة العامة للسياحة والآثار سياسة التسعير الجديدة لمرافق الإيواء، وأكدت الالتزام بها بدءاً من الأول من شهر رجب الحالي.
وشدد الدكتور صلاح البخيت نائب الرئيس للاستثمار بالهيئة العامة للسياحة والآثار على ضرورة الالتزام بالسياسة الجديدة لتسعيرة مرافق الإيواء السياحي (الفنادق والوحدات السكنية المفروشة) التي اعتمدها مؤخرا صاحب السمو الملكي الأمير سلطان بن سلمان رئيس الهيئة.
وتنص سياسة التسعير في الفنادق على تحديد الحد الأعلى لسعر الغرف العادية التي تتسع لشخصين حسب التقييم الذي حصل عليه الفندق في مرحلة التصنيف، ويكون هذا السعر شاملاً رسوم الخدمات، وفي حال زيادة عدد الأشخاص البالغين عن اثنين في الغرفة يضاف لهذه الأسعار 25 في المائة لكل شخص إضافي، على ألا يزيد عدد الأشخاص عن أربعة أفراد في الغرفة الواحدة.
كما سمحت السياحة بإضافة 30 في المائة للحد الأعلى للأسعار في الأيام الموسمية (من أول يونيو إلى نهاية سبتمبر من كل عام)، والإجازات الرسمية ما عدا إجازات نهاية الأسبوع، مع إلزام إدارات الفنادق بتزويد هيئة السياحة بالعروض التسويقية التي تقدمها للعملاء قبل تطبيقها. [/frame]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ثبّتوها ، زوّدوها ، نقّصوها .. مايهم = الله انّه لايعوق بشر .. حنّا مسافرين
لو نقارنها بكيف .. ولو نقارنها بكم = والله انّا فالسياحه ياعربنا .. فاشلين[/poem]

06-07-2010, 01:40 PM

خبر وتعليق / ( 26 ) :

[frame="7 50"]تخطط إسرائيل لتحويل جنوب المسجد الأقصى إلى ملهى ليلي».وكشفت مؤسسة الأقصى للوقف والتراث أن دولة الاحتلال الإسرائيلي توسّع من دائرة حفرياتها في المنطقة الواقعة خلف الجدار الجنوبي للمسجد الأقصى المبارك، والمعروفة بالقصور الأموية، بهدف تحويلها إلى متنزه توراتي سياحي ببرامج مكثفة في ساعات الليل ملهى ليلي».
«واستخلصت المؤسسة انه ما كشفت قبل نحو شهرين من مخطط لتحويل جنوب المسجد الأقصى إلى مسار توراتي،يؤكد أن الاحتلال الإسرائيلي يسعى إلى تحويل منطقة جنوب المسجد الأقصى، إلى متنزه توراتي سياحي خاصة في ساعات الليل، وما مشروعات الإنارة والمهرجانات الليلية إلا مقدمة وجزء من هذا المخطط».[/frame]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مبروك يااحفاد القرود .. الملهى = على شرف ، شيمون بن يوحنّا
دقي الموسيقى .. للشعوب البلها = مانعرف الاقصى .. ولا يشحنّا
اصعب مصيبه للعباد .. اسهلها = اهم شي الموت .. لا يطحنّا
وان كان فيكم خوف ، مانقبلها ! = أوّل زباينكم .. تراهم حنّا
لاصار فيها هزّ .. حنا اهلها = شرّابة الكاسات لامّ الحنّا
وفعولنا ، التاريخ مايجهلها = نقحن سواليفه .. ولا يقحنّا[/poem]

06-07-2010, 04:52 PM

خبر وتعليق / ( 27 ) :

[frame="7 50"]تداركت إحدى المدارس الثانوية بالدمام الخطأ والذي وقعت فيه بعد تجاهلها لمادة الوطنية والتي تعتبر من المواد الدراسية والتي خصصت لها وزارة التربية والتعليم في المملكة حصة رسمية لها حيث لم تقم باختبار طلابها بالصف الثالث ثانوي بقسميه العلمي والأدبي حيث تعجب وتذمر عدد من الطلاب وأولياء الأمور من قيام المدرسة بذلك وبعد الانتهاء من الاختبارات النهائية تم الاتصال بجميع الطلاب لاختبارهم المادة يوم أمس الأول.[/frame]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حب الوطن ، يااغلى وطن .. مايُدرّس = هذا الصحيح ، وقولوا اللي تقولون
والمنهج اللي .. بالسوالف مكرّس = عاقل ، يسولف له على راس مجنون
ياموطني ، خلّ النخيل يتغرّس = باطفالنا ، واجني ثمانين عرجون[/poem]

07-07-2010, 02:14 PM

خبر وتعليق / ( 28 ) :

[frame="7 50"]قال الناطق الإعلامي باسم مديرية الأمن العام بالأردن المقدم محمد الخطيب أنه وعلى أثر ورود شكوى من وافدين عرب أحدهم سعودي الجنسية بتعرضهم للسرقة بالإكراه من قبل شخصين يرتدي أحدهم لباس الأمن العام ويستقلان السيارة نوع مرسيدس في مدينة إربد ، تم متابعة هذه المعلومة من قبل مرتبات البحث الجنائي وجرى التعميم عن أوصاف الشخصين والمركبة على كافة مرتبات الشرطة.
وأضاف الخطيب أنه صباح اليوم الثلاثاء تم الاشتباه بإحدى المركبات من قبل شرطة نجدة محافظة جرش وتم إيقاف
المركبة وتبين مطابقة أوصاف الشخصين اللذان يستقلان المركبة مع الأشخاص المعمم عنهم وتم اقتيادهم إلى مديرية
الشرطة وتحويلهم إلى البحث الجنائي في محافظة اربد وبالتحقيق معهم اعترفا بواقعة السرقة بالإكراه وتبين أن احدهم
مستخدم مدني والأخر عامل في جهاز الأمن العام وسيتم إحالتهم إلى القضاء.[/frame]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحكومتنا الرشيده .. في انتهاك مواطنينك = انتهاك ، لهيبة آل سعود .. والحكم السعودي
طوّل الصمت .. وطلع حق المواطن من يدينك= لين صرنا مهزله .. عند المسيحي واليهودي
والكرامه ، راس مال الآدمي .. طالت سنينك = راح دمي ما ، وحقي منتهك .. لنّي سعودي
والحوادث شاهده .. والشاهد الله ماندينك = بس من حقي عليك .. القى احترامي في وجودي
علّمي مجمل سفاراتك .. عسى الله لا يهينك = ماتساهل ، في خطا عمّار بيك .. ولا البارودي
وفي نفوذك ، تسلم الكفار وتقبّل يمينك = علّمي ساداتها وشعوبها .. وش هي حدودي[/poem]

08-07-2010, 06:43 AM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الصدر : باب الغلا ، والعين : شُبّاكه = وانا من اثنينها .. يتكوّن احساسي
يقشّ اراضيه ، ويكوّش على املاكه = اللي ، ملا خافقي وعيوني وراسي
يشرق على عالمي ، ويسبّب ارباكه = ويموت قلبي غلا .. ويعيش قرطاسي
ملّيت اجوع الزهر .. وآكل من اشواكه = وملّيت طرد السراب .. وضيقة انفاسي
والشجره اللي ، هواها تدرك .. ادراكه = لاعاد تشكي عليّه .. قلبي القاسي
امّا تمدّ الثمر ، وتقول لي هاكه = ولاّ يبس غصنها .. واجتثها فاسي[/poem]

:
:

:

08-07-2010, 01:58 PM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

آه منّك .. يا / سجل محادثاتي = ليش تحفظ كل لحظات المحبّة !
وليش تحرم محجري .. لذّة مباتي ! = دامت اوضاعي بصدري .. مستتبّه
ودي انسى ، ماعلق من ذكرياتي = في معاليقٍ .. جرحها من تحبّه
مادريت انّك .. كتبت مذكراتي = لين قام الليل ، من صوت المنبّه
منك لله .. ماضي ، وحاضر ، وآتي = ومنْه لله .. من حرم نهري مصبّه[/poem]

:
:

:

08-07-2010, 08:08 PM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الياس ، ماهو كفو ويحطّم احلامي = وانا لديّه ثقه .. عميا ومجنونه
وان عاش راسي ، وامدّ الله بايامي = انّي لااخيّط فمه ، واكحّل عيونه
لاعشت ياخافقي .. لن عاشت اوهامي = والوهم وعلٍ يصكّ الريع .. بقرونه
وش هي حياتي .. بليّا حلمي السامي = ان كان ، مااعيش به .. واموت من دونه[/poem]

:
:

:

10-07-2010, 03:59 AM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صوتك حياه ، ولفظك اجمل عباره = ازريت .. منه اقول حتى كلامي
اطربتني طرب ، ماهو بالقثاره = وبرْدت على قولة مراحب .. عظامي
ونفضت قلبي يالغلا .. من غباره = وانا على شوفتك يازين .. ضامي
متى عيوني تشرب .. عيون ساره = واروي عطشها .. بالقصيد الغرامي [/poem]

:
:

:

10-07-2010, 06:31 AM

:
:

:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ملهمتني الشعر .. شعري ماسلاك = والمشاعر فالضمير .. مهوّله
ارحبي ثم ارحبي .. يااغلى ملاك = وابشري بي ، والعلوم مطوّله
افتحي صفحه جديده .. في غلاك = وامسحي كل الشريط .. من اوّله
وازرعيني ، واقطفيني ، في (هلاك) = لا تدرْبت فالخفوق .. محوّله
واتركي عيني .. تلّذذ في حلاك = القريحه ، في حلاك معوّله[/poem]

:
:

:

10-07-2010, 11:48 AM

:
:

:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياوردة الساقي .. ياحظ الساقي = ربيعه العسّاس .. جاه يعسّه
سنين .. يتبع رعدي وبرّاقي = يجسّني نبضه ، وانا مااجسّه
ياسيّدة حسن الغرام الراقي = لاتجلسين بعالمك .. مندسّه
صيدي بعينك ، رغبتي واشواقي = صوت الغلا العملاق .. سامع حسّه
هذا وانا ، كاشف جميع اوراقي = مافيه شيٍ فالضمير .. ادسّه
الصدق سلمي ، والوفا ميثاقي = ماروّحت في لعب .. فار وبسّه
على طرف راس اللسان .. اعماقي = ماامهلّها - حبل الغلا - وامسّه
ورغم انتشاري .. في جميع آفاقي = قلت الك .. مافي خاطري واحسّه
[/poem]

:
:

:

11-07-2010, 05:17 AM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعاد بدع الشعر يرضي غروري = والله مادري ليش ماعاد اطيقه
ياليتني رسّام وانقل شعوري = وارسم على اللوحه عيون الحقيقه
صرت اتحاشى منه في كل اموري = مااقول شي الاّ يسوي حريقه
رغم انّه لتفريغ صدري ضروري = عشان يكمل في حياتي طريقه
وش فايدة حبس الذهب فالتجوري = لاكان مايلمع بعيني بريقه
وصح الله لسانك ، تقبّل مروري = ماهيب للمبدع طموح ووثيقه
ارسم غيابي في ملامح حضوري = لعيون عشقٍ مايخلّي عشيقه [/poem]

:
:

:

12-07-2010, 02:39 PM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

البارح ، الضميان جالس .. على جم = في كفّه اليمنى .. قزازة غرامه
رغم السهر .. ماقال ياساعتي كم = صدره فضا روحه ، وروحه حمامه
الوقت ، عميت ساعته .. والزمن صم = والله يلوم .. اللي يسوق الملامه
طاحت تباشير السعاده .. على الهم = وبانت على وجه الحياه .. ابتسامه
بوصال ، من لاقال قبل الحكي : (امممم) = يذوب سكر خاطره .. في كلامه
والله ، يافمه نهر ماهو بفم = وانفاسه بصدره .. تبخّر لثامه
ووالله ، يادمه عسل ماهو بدم = واحساس قلبه .. مثل وبل الغمامه
لو يطلب ايام العمر .. قلت له : سم = ترخص له الايام .. حب وكرامه[/poem]

:
:

:

12-07-2010, 03:17 PM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماكل حلمٍ يداعب مهجتي .. وردي = احياناً الحلم ، يظهر لونه الباهت
وماكل خطوة قدم لو طوّلت .. تقدي = كم خطوةٍ في دهاليز العمر .. تاهت[/poem]

:
:

:

12-07-2010, 07:56 PM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامجرمة حرب الغلا و اوهامك = كنت احسبك دُرّه .. ولاانتي دُرّه
لاترسلين الشوق .. وسط آلامك = ماراح راح .. ومستحيل نكُرّه
مشاعري ، ماتت وهي قدّامك = لو كانت تهمّك .. لقت لك جُرّه
مانيب حاقد ، بس اصدّ اجرامك = وانتي كأنك .. للسعاده ضُرّه
دامك فتحتي للخلايق .. جامك = وتحسّبينك في حياتك .. حُرّه
تحرم على روض الغرام .. اقدامك = وانا بعيني .. خمس ميّة غُرّه
ماعاد انا لك فارسٍ .. لاحلامك = لاعاد اشوف الك بحياتي .. جرّه
روحي ، عسى الله لايعيد ايّامك = ماشفت منك .. الاّ الحياه المرّه[/poem]

:
:

:

13-07-2010, 12:41 AM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يسامح حلاك ، ويغفر لعيني = للحين .. راسي وهو لازال به دوخه
احاول اكتم شعوري .. بيني وبيني = لكن ، وش العذر للتفاح والخوخه
امر الغلا ياالغلا .. طالع من يديني = وقلوبنا ، كنّها مع بعض مطبوخه
روّحت ، وانا الشجاعه في شراييني = ماعاد ينفع معي .. جبّه ولا جوخه
الصدر عشّ الغلا .. ياسيد غاليني = واحساسي ، ورهبتي ، واشواقي .. فروخه[/poem]

:
:

:

13-07-2010, 05:04 AM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تقول : ياملحك ، واقولّك : ياسكّرك = احلى غزل .. يبني من آمالنا صروح
لاالحب خبّرني ، ولا الحب خبّرك = فجأه ، جمعنا الخالق .. اثنين في روح
يسعد زمانٍ .. جابني لك وحضّرك = لو انّ هذا شي .. مكتوب فاللوح
احساسك ، اللي معك لي .. ماتعذّرك = واحساسي ،اللي لك معي .. صار مفضوح
سبحان ربي .. يوم صوّرك صوّرك = ارخى عليك الزين .. واعطاني البوح
آية حسن فالارض .. وانا اتدبّرك = دام التدبّر .. شي واجب ومسموح
وصفك ، يبي له عام لين اتصوّرك = خلّي ذهولي بس ياالفاتن .. يروح[/poem]

:
:

:

13-07-2010, 03:52 PM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ماحصل لك يابياض الثلج .. من نار اشتياقي = ذوّبتك النار ، وانساحت من عروقك براءه
كان مال الشوق ندّ ، وكان مال الودّ باقي = يوم عدّاني الغلا المذهل .. على بحر الجراءه
اندفاع الذات نحو الحلم .. في رغبة تلاقي = نقّض خيوط الضمير العفّ ، وخيوط العباءه
آدمي ، يغوي طريق الخوف والممنوع .. ساقي = ودّي ادخل من جميع ابوابك .. بليّا إساءه
ماعطاني الوقت وقت .. امنع جموحي وانسياقي = باتجاه الما .. وانا ضامي ، وخفّاقك إناءه
ويش اسوّي ! وانتي الفتنه .. وانا كلّي مآقي = كيف ماتغريني الغدرا ، وتجهرني الإضاءه؟
وانتي بعينك .. طفل يضحك ، وموالٍ عراقي = يستفز الشاعر يحلّق بشعره .. في سماءه
وانتي بروحك .. صباح الخير ، وطيور السواقي = تستبيح ديار حزن القلب .. من قافه لـباءه
وانتي بشفتك .. يحمّر الكرز ، والريق ساقي = يستلذ الجوع ، واشبع شوف ، واجوع احتواءه
هذا انا .. والوصل يطربني ، وافكّر في فراقي = خايف اذنب .. في صباح الخير ، مدري في مساءه[/poem]

:
:

:

14-07-2010, 05:27 AM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اللوم بعيون الغزال .. الفارع = يشّر عليّه .. باصبع السبّابه
وانا ، لك الله ماعليّه دارع = مالي دخل .. فعيونك الكذّابه
الما ، يديم النبت عند الزارع = واليا انقطع .. يسري مع الحطّابه
دامك تخلّين الذهب .. فالشارع = لاتامنين .. العالم النهّابه[/poem]

:
:

:

14-07-2010, 09:59 AM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياملهمتني الشعر .. اخذته عنك = افتح عيوني لك .. واغمّضها
والعين ، تلتقط الحلاوه منك = والقلب ، لاجاته يحمّضها
وانا ، ماغير اضغط بركني .. لِنك = واحطّها .. من دون اومّضها[/poem]

:
:

:

14-07-2010, 10:41 AM

:
:

:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يانوم حلمك حلم ، والواقع احلام = احرمتني .. لذّة سواليف ساره
ياليت سلطان السهر لي .. ولا انام = وامسك على باب المواصل .. خفاره
اثر العمر صايم ، وانا اقول ماصام = واثر المكاسب .. قبل اشوفه خساره
واثر دلع هيفا ، وغمّازة اريام = وعيون نجلا ، واستثارة سماره
تبني على روس المساكين .. الاوهام = واثر الحقيقه .. ساكنه في مداره
يانجد عذراً ، كنّ ظبيك من الشام = لاوالله الاّ الشام .. صفر بيساره
فيه الجمال .. اشكال ، والوان ، واقسام = واحتاج في وصفة حلاه .. استشاره
لامرّني .. يمطر على الهاجس اقلام = واللول يطلع .. من كفوف المحاره
وان غاب .. كنّ الصدر ملجأ للايتام = وتضيع من فم الكلام .. العباره
احساسه ، اشبه بالمطر كلّ الايام = واحساسي ، الجمره براس الصقاره
وملامحه ، جنّة فواكه .. ورى الكام = وملامحي ، طفلٍ يعيش انبهاره
وانا ، ليا شفت الحلا .. صاحب اجرام = صلّيت من خوفي عليّ .. استخاره[/poem]

:
:

:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الزميل راكان الروقي يتعرض لكسر	ضيف الله الغنامي	..: المرقاب العَام :..	45	19-09-2008 05:30 PM
شفق السريع يستكمل علاجه في لندن	عبداللطيف الغامدي	..: المرقاب العَام :..	52	17-06-2008 03:36 PM
تغطيةنتائج الحلقه الخامسه من قلطة الوطن(فوز ذيب الشمري)	وليد العمودي	..: مرقاب الإعِلام :..	6	08-06-2008 09:02 PM
تغطية الحلقه الخامسه(قلطة الوطن) صور وانتظروا الفيديو	وليد العمودي	..: مرقاب الإعِلام :..	4	23-05-2008 09:48 AM
تغطية الحلقه الثالــثه من قلطة الوطن(فيديو وصوّر)	وليد العمودي	..: مرقاب الإعِلام :..	6	10-05-2008 11:17 PM

يتصفح الموضوع حالياً : 1 (0 عضو و 1 ضيف)