ماني من ياتي ولا يدرابه

المشاركة الأصلية كتبت بواسطة خالد الذيابى

أشهد بالله انك شاعر مثل شاعر ثم شاعر
واللى زعلان يشرب من البحر
نحت بيوت من بحر
بن فطيس كفو وانت كفو يا قحطانى
والحصنى رحمه الله كفو
السمي
والله لو اكتب لباكر ما اوفيك حقك
ولكن يعلم الله انى طشت معها
تحليل مجنون
وحبًك وسبًك
لازالت الساحه بخير أبشرك دام فيها مبدعين مثلك
صح كلك
ولك تحيه تعظيم

شكرا لك خالد الذيابي


صح بدنك واجزلت با الرد وانا حربي ونعم با قحطان وبا لقبايل كلها


وانته صح بدنك وشاكر كل ما تفضلت به من كلام جزل يدل على جزالتك

لا هنت وبيض الله وجهك

كفو ياخالد الحصني

ومليون صح السانك

قصيده جزله من شاعر متمكن

خالد مع أنه لا يعجبني هذا البحر
ولا قافية الصدر المفتوحة ابدا

ولكن شاعريتك الجميلة خلتني أستوطن في متصفحك الثمين

لك التحية والتقدير

المشاركة الأصلية كتبت بواسطة خالد الحصني

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ماني من ياتي ولا يدرابه = شطر قديم وقبلنا من قاله
اخر ماقاله بن فطيس المري = وانا بقوله يوم حالي حاله
لانه يعد من التراث الشعبي = ومقولٍ وتقوله القواله
استاذٍ ابن فطيس منه سلوبه = هاجوس معجب عاش نفس الحاله
واقول كلمة حق في ذا الشاعر = انا اشهد انه شاعر يحكاله
مبدع بتوظيفه وبكر الفكره = سلسه بيوته وارف مدهاله
وغيره كثير وشعرهم يعجبني = لكن جا ذكره على مواله
ما قلتها منشان يقرى شعري = ولا همني بقفايته وقباله
الحق اعده واحتزم من دونه = ومن عال لا يامن من العياله
ومن عادتي يا وحيت ذكر الطيب = اقول كفو وحي والله فاله
ما ستجدي الاعجاب والا المدحه = من لا مدحه فعله ردي خاله
والي دعاني للقصيده هذي= هاجوس جابه موقف يبراله
يا كثر شعار النبط با الساحه = ويا كثر شعر يا سمعته ماله
وانا مع الشعار راهي عدي = ومن دون جمه ماقصر حباله
اكبر شهاداتي قهر حسادي = وسام قهر الحسد شعري ناله
وان لقبوني في سبيل الحصني = اقول عشتم والبقا باعياله
شاعر قبيلة حرب ويشرفني = ولكل وقتٍ دولته ورجاله
يمكن اجي مثله ويمكن مقدر = ويمكن قصيدي عاليات جباله
قريحتي حره ولا اقيدها = الا بعقلٍ وافي مكياله
اليا فتلت من القصيده معنى = تتعب ورى تحليله الحلاله
يرثعبه الي فيه شك وريبه =ولا يعرف الكسره من الزوماله
قالوله انته شاعر يا كبرك = واخر مطافه ينسحب بعقاله
لاتقولي متى حصل علمني = واقول تذكر زلت الزلاله
لاشك انا دايم مريح راسي = والخبل ما يدخل علي خباله
والشعر بحر ما عرفله ساحل = كيف الكلام الي تفوح دلاله
شاعر محصل شهرته من شعره = وشاعر شرها مشترى من ماله
يفرح ليامنه لقاله معجب = وما يفكه الا ماخذ جواله
وشاعر مثل هداج عذب قوله = وشاعر لونه يستريح اشواله
فكسار لكنه تشيله سطحه = متكسر ينقل على نقاله
اما يعسف القاف والا يعسره = من قل ما عنده يجيب حثاله
دايم يبيله واحد يعضدله = ويلقبه في كل ما يحلاله
تلقا قصيده طقها والحقها = ويا قلت كيف الحال جيت باله
هذا وانا ماني وكيل الساحه = لوشفت نقاد الشعر دلاله
شاعر واصور كل ما يحلالي = وتمشي على درب الجمل جماله
على حسب عرفي وهذا عرفي = وافتل وغيري واجد الفتاله
واخر كلامي يالبيب افهمني = يقطع قصيده ما تحمل رساله [/poem]

اخوي ابو موسى

صح لسانك على هذه القصيدة الاكثر من رائعة

الحقيقة ما فيه كلمة الا وقالوها اللي سبقوني

الردود كلها ترفع الراس وانت تستاهل الطيب

ورافعن راس ربعك دايم يابو موسى

والاعجاب موصول الى مالا نهاية

بشعرك وشخصك

تقبل مروري المتواضع جدا يابو موسى

المشاركة الأصلية كتبت بواسطة عبدالرحمن السمين

خالد الحصني الحربي .
رائع وسبيل بن سند الحربي أنت أمتداد له كيف ولا وأنت أحد أبناء عمومته الذي تفخر بهم قبيلة حرب .
صح لساااانك صح لسانك .
صدقني الساحه الشعريه بخير دام أنت وشرواك فيها .

مودتي لك يا مبدع .

صح بدنك يا بو علي ل هنت وبيض الله وجهك وشكرا على التوضيح للاخوان


الف شكر يا بو علي شرفت القصيده

المشاركة الأصلية كتبت بواسطة مشخص السلمي

شاعر مبدع وجزل يا خالد

الله لا يضرك

أبدعت وأمتعت ..



متابعتي واعجابي وتحيتي لك

مشخص السلمي


بارك الله فيك لا هنت لا هان حضورك يا الغالي الف شكر وصح بدنك

المشاركة الأصلية كتبت بواسطة عبدالله بن علي

مُبدع , ياخالد , صح الله لسانكْ وقلبك ,

لك التقدير

عبدالله علي


صح بدنك وحياك الله وكل عام وانت بخير

خالد الحصيني

ابدعت فيما قلت

صح لسانك لين ترضى

ابدعت

تحيتي لك

المشاركة الأصلية كتبت بواسطة سعود غنام

وان لقبوني في سبيل الحصنـي
اقـول عشتـم والبقـا باعيالـه

الله يرحم سبيل وانت كفو


شاعر محصل شهرته من شعره
وشاعر شرها مشترى من مالـه
يفـرح ليامنـه لقالـه معجـب
ومـا يفكـه الا ماخـذ جوالـه
ههههههههه صادق والله ياخالد



وشاعر مثل هداج عـذب قولـه
وشاعر لونـه يستريـح اشوالـه
فكسـار لكنـه تشيلـه سطحـه
متكسـر ينقـل عـلـى نقـالـه
واخر كلامـي يالبيـب افهمنـي
يقطع قصيده ما تحمـل رسالـه

هذا الصحيح

خالد الحصني صح لسانك وسلمت

بارك الله فيك يا سعود غنام لا هنت وبارك الله فيك على هذا الحضور الجزل وصح بدنك