يعيش المرء من صنعـة يمينـه _ مرشد البذال ( الله يرحمه )

السلام عليكم ورحمة الله وبركاته
قصيدة ما تحتاج لمقدمه تشرح نفسها
يقول مرشد البذال ( الله يرحمه )
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
انـا مانـي بـرد القيـل عانـي=لاشـك الله بعـبـد الله بـلانـي
يخاطبنـي يقـول انـت متحيـل=وانـا متحيـلٍ فــيا زمـانـي
اشـوف الغـي مثلـى ما يرومـه=ليا مس الحقـب خـان البطانـي
بغيت اخذ مـع الخفـرات سجـه=قصدت الـدرب وانتـل العمانـي
مشيت انقل اشدادي فـوق متنـي=وراح الغي مـا شانـه بشانـي
تركت مرابـع الخفـرات جملـه=نسيت الزين لو هو مـا نسانـي
عقب مانـي بعطـبٍ بالمرامـي=غديت اليوم مرعوبٍ مـا ادانـي
لاشك القيـل مـا فاخـت محلـه=يا ليته ينعطـى واعطيـه ثانـي
ليا من شاف به ما شفت انا بـه=لـزوم يبيـع عشـرة بالثمانـي
يعيفنـي حـلا لــذات نـومـي=ليا هوجست في بعـض الاغانـي
لهيت مع الجهل واهل الجهاله=ولا فكـرت فـي باقـي زمانـي
صدق عنـدي ورد العلـم منـي=لأن القيـل مـا عنـده معـانـي
يعيش المرء من صنعـة يمينـه=و لا يعتاش من صنـع اللسانـي
وانا مانـي محيـط الغيـب كلـه=لاشك اشوف واسمـع بالاذانـي
ولحـد جمـع الدنيـا بـراحـه=يجيه المال وسـط البيـت عانـي
احـد يتعـب ويـزداد بمصالـح=واحد يتعـب وحظـه مشبهانـي
اما مـن نـادر سبـع صميـدع=ترجى مـن ولـد نـذلٍ هدانـي
تحـده حاجـه الدنـيـا علـيـه=وصار السبـع والثعلـب خوانـي
واخيـر السبـع للثعلـب يقـول=انا مملوك بامـر اللـي عطانـي
زمـان ليـن القاسـي و خــلا=رطيب الخوص تجرح كالسنانـي
من اول ينحمد راعـي الشجاعـة=ولـو مالـه حـلال ولا مبانـي
لاشك اليـوم لـو انـك شجـاعٍ=بليـا مـال مـا تسـوى قرانـي
كثير المـال يدفـن كـل عيـبٍ=لـو انـك بـاول الدنيـا جبانـي
وصلى الله على الهـادي محمـد=رسولٍ صافـح الركـن اليمانـي [/poem]


وسلامتكم
الله يرحم الشاعر ويسكنه الجنه