[ معاني ومعاناه .. ياوطني ..!

المشاركة الأصلية كتبت بواسطة محمد بلال

الوعي الوطني .. والشعور بالإنتماء للأرض لا يعني كل هذا
ولا يبرر ما يقوم به ( البعض ) من تصرفات هوجاء لا يعرفون عواقبها .. ولا يحسبون لنتائجها .!

شوارعنا مكتظّة بالاعلام .. والألوان الخضراء .. من فئات أجزم أن اغلبهم لا يعي ما يفعل
ولا يدرك ما يُقدِم عليه من تصرفات .. ولكن من باب ( إن أحسنوا الناس أحسنت , وإن أساؤا أسأت .. )

الأمن مسئوليته بثّ السكينة .. والحفاظ على رداء الطمأنينة وليس تدخّلهم في كل صغيرة وكبيرة أمر مسحتسن
بل هم لفرض القانون اذا لم يوجد وازع ينمّيه .. ولطرد الأفكار الهمجية الفوضوية الدخلية الحمقاء التي تهدد المجتمع وأبنائه .. وتقلق راحتهم .!


نحتاج الى وعي إعلامي وتربوي ومجتمعَي لغرس القيم وزرع المفاهيم السليمة لدى هؤلاء
والا لكانت المناسبات فرصة للإنتقام .. وذريعة للعنف .. ومكاناً خصباً لـ اللاإنسانية .!



شكرا لك يبو وليد على فتح هذه النافذة
والى الامام يا وطني



.

مقتنع بقول اخوي محمد بصراحه كلام من ذهب لاهنت يا محمد

ابو وليد لك الشكر والتقديري على فتح النافذه المهمه

حياك الله ياناصر



نورت العام ..........




ما اتوقع احد بيخالفك الرأي .


ليتك والله شفت الفوضى عندنا في الطائف ............. الشباب مسوين نقاط تفتيش في الشوارع .



والله العظيم انهم البارح حاطين ماصوره في وسط الشارع واذا مرتهم السياره يقولون للبيع وكم مديلها وش شعورك في هذا اليوم ومن وين انت ومن اي قبيله .. والناس وراء السياره الي يجرى معها التحقيق طوابير ... ولا تمر سياره الا يشيكون عليها . الي يرقص ولي مسوين صفوف قلطه .. والله لايسلط علينا .... والسنين الجايه اصبر تبي تشوف ...........

بس عاد الكلام الي ملحه فيه الرجال المطنوخ لايطلع عايلته هاك اليوم من البيت ابد الا عند الضروره التي لاتقبل انتظار .

المشكله ان الأمن حتى وان كان عددهم يفوق العشرون شخص وش يعمل امام ناس سادين الشوارع بالعصي والأعلام .





تصدق ياناصر البارح فكرت افصخ ثوب الحيا وحول مع العرب الوب الشوارع . ودام عزك ياوطن

.
.


ابو تراحيب


كل الشكر لك على هذهِ النافذه المهمه جدآ ..


والحديث في هذا الامر طويل جدآ ..


امس انا كنت مداوم .. من الساعه 3 العصر إلى 4 الفجر ..

وشفت شي ما اتوقع ان الصحافه تكلمت عنه ..!!

الهمجيّه وصلت إلى حدود التهجم على رجال الامن .. من صدم وقذف الالعاب الناريه

وتحرش بـ شكل عام ..

لم يكن إحتفال .. !!


لي عوده لـ هذا الموضوع ..


هناك الكثير من الوقائع خلف الكواليس ,,


.
.

المشاركة الأصلية كتبت بواسطة عفاس بن حرباش

اهلا وسهلا ً يابو وليد

مابني على باطل فهو باطل !
واليوم الوطني محرمة شيخنا ابن باز رحمة الله تعالى !
مدري كيف حللوه او اسمحوبه بالاصح !
على العموم اتوقع ان الندم مخيم على جميع المسؤولين عن السماح به
بعد ما اصبح يوم الشغب والجريمة الشعبية : (
ودام عزك ياوطن

هذا الكلام

ولاهنت يابو وليد ,,

حقيقةً إن أغلب الشباب عندهم طاقات مكبوته وما تطلع هالطاقات الا بمثل
هذه الاحتفالات والمناسبات فيمارسون الشغب وبعض التصرفات الغير اللائقه
وهذا اغلبه بسبب الفراغ والكبت النفسي برأيي الشخصي

لاهنت اخي ناصر

احترااامي

و
ج
د

والله انه شي يندى له الجبين يابو تراحيب

ومثل ماقال ابن مشوط

من أمن العقوبه أساء الأدب

اضف الى ذلك هشاشة الأخلاق والتربيه

والبعد عن تطبيق مقاصد الشريعه الأسلاميه

لأنها لو طبقت كما يجب فلن يكون هناك شيئ اسمه عيد وطني

ولن يكون هناك فوضى على الأقل في هذا اليوم

غيمار

ماذا نقول يا بو وليد هي حالات فرديه لا تمثل الأنتماء ولا الولاء لهذا الوطن , فالواقع في الأمر أن من يستشعر هذا اليوم أو بالأصح يعي ما يتضمنه هذا الأحتفال لا يقدم على تصرفات تشوّه المنظر العام لمثل هذا الكرنفال الوطني .
على أية حال هناك خلل في التلقي والأحساس بالمسؤليه لدى الكثير من شبابنا وكأن المهرجان أو الأحتفال لأي مناسبة وطنيه نافذه لممارسات ِ الشغب والأهواء الشخصيه وإيذاء الأخرين ,
الله يصلح الحال يابو وليد ,
دمت ياغالي .

،


ما كتبته هنا يابو وليد واقعي . الاحتفال بالوطن جميل لكن لابد ان يكون بحدود.

وبما اني كنت في احتفال ( الواجهه البحريه في الخبر ) ، ارى ان الامور جيده (العاب ناريه) لم يكن هناك تهجم على احد ، احتفالات ظاهريه. برغم انها لم تخلو من بعض التصرفات الفرديه الطائشه لكنها ( فرديه ولا نستطيع تعميمها على كل من احتفل ) ، في المناطق الاخرى . لا اعلم عن مدى الشغب لكنه موجود بدون ادنى شك .

اخشى ان يأتي يوم وطني لا احد يحتفل به


تحياتي ..!

المشاركة الأصلية كتبت بواسطة نايف المقاطي

والله انه شي يندى له الجبين يابو تراحيب

ومثل ماقال ابن مشوط

من أمن العقوبه أساء الأدب

اضف الى ذلك هشاشة الأخلاق والتربيه

والبعد عن تطبيق مقاصد الشريعه الأسلاميه

لأنها لو طبقت كما يجب فلن يكون هناك شيئ اسمه عيد وطني

ولن يكون هناك فوضى على الأقل في هذا اليوم

غيمار

الحقيقه ان اي تظاهر يخل بالامن ليس له علاقه بالفرحه
وأنا اعتقد ما حدث ماهو الا لغياب الوعي
وعدم العلم بأهمية هذا اليوم بالنسبه للوطن

حفظ الله الوطن من كل مكروه
والله يهدي ظال المسلمين ،



لاهنت يا بووليد على هالمساحه المفتوحه
للنقاش في معاني ومعاناه الوطن في مثل هذا اليوم


محبه وتحيه

القضيه ليست في اليوم الوطني ذاته..

انما القضيه في الهمجيه اللتي نفخر بها كمواطنين خليجيين على الوجه الخصوص..

انظر الى ايام فوز المنتخب السعودي ببطوله وش يصير في الشوارع؟؟

انظر اذا فاز فريق الهلال ببطوله لا و مشكوك فيها بعد شف وش يصير من جمهوره ( الـ ... )

و غير و غير و غير


يعني القضيه ليست في اليوم الوطني


قضيتنا في شباب ما يصدّق على الله تجيه نزوة فرح حتى يستغلها لتفجير طاقاته و كبته
اللي يعيشه بسبب عدم وجود متنفسات على طول السنه..


افتحوا دور السينما .. وش فيها يعني اذا حطينا سينما؟؟
هذا هم يتجمعون في القهاوي على شاشات من التلفزه لأنواع الأفلام..

هل السينما حرام؟؟ ام الحرام هو ما يُعرض فيها؟؟
السينما تقاس على التلفزيونات في بيوتنا..

هذي روتانا حطت لها سينما في كل بيت .. وش حلله في البيوت و حرمه في الشارع؟؟


افتحوا لهم متنزهات مشابهه لمتنزهات العوائل .. ملاهي و مطاعم و كل شي
عطوهم حريتهم .. و الا الملاهي و المطاعم حرام عليهم حلال على العوايل؟؟


افتحوا لهم اندية تفحيط و هجوله خاصه بهم .. عندنا ما شاء الله اراضي فاضيه
لا الدوله موزعتها بيوت على المواطنين و لا هي حاطتها متنزهات و اندية سيارات للشباب..

مساحة الدوله ربعها اسمه الربع الخالي.. و ربعها اشبوك بعارين .. و ربعها لشركة ارامكو
و ربعها متهاوشين عليها البدوان .. و اراضي تم تبييضها نهائياً..وش قعد ؟؟

الوطن يحتاج تحرير من الشبوك و من ارامكو اللي لا هي بانيه وطن و لا هي تاركه ارض...

الشباب في حاجه الى من يعطيه حقه من الراحه النفسيه و يعطيه حقه من أخذ حريته...

خلهم يفحطون و يموت اللي يموت.. دام الدوله ماهي موظفتهم و لا هي موسّعه عدد افراد الجيوش...

من جد بلشنا بهالشباب.. هي احد امرين اما توظيفهم ...
او تركهم للتفحيط و يموت اللي يموت ...


دين اهلي و افهم... موظفين فلبينيين و هنود وظائفهم مكاتب و كمبيوتر و اوراق.. بالله وش الخبره
اللي تحتاجها شركة ارامكو في مثل هذه الأعمال؟؟ لا و رواتبهم لا تقل عن 5000 ريال..


الله يصبرني بس... الظاهر لو اطاوع نفسي ما خليت شي ما قلته..


عزتي للشباب السعودي بس.. و الله ما الومه في اللي يسويه.. المشكله انه يسوي هالأشياء
من حبه للوطن و من عشقه لقادته... بس ماهو عارف كيف يتصرف و ايش يسوي .. فيه شي
في داخله وده يطلعه .. يدوّر اقرب فرصه عشان بس يطلع اللي في خاطره..

و حنا عشان يوم واحد في السنه سويناهم مشكله و وصمناهم بأسوأ العبارات و الألفاظ...
و السبب انهم يلوون اجسادهم و سياراتهم و ملابسهم باللون الأخضر .. لون الوطن..

خلوه في حاله يا ناس و الله حرام اللي تسوونه فيهم...


الخطأ كله من العوائل ليه يطلعون في الأوقات اللي مثل هذي؟؟ و رب العائله وش ينقزه
في هاليوم؟؟ يعني ما حبكت معه يطلع اهله الا في هاليوم؟؟ ضاقت عليه 364 يوم و لا لقى
الا اليوم رقم 365؟؟

هذا يوم الوطن و يوم الشباب اتركوا لهم الشوارع و الميادين و كل شي..

التاجر ما راح يخسر اذا قفل محلاته في هاليوم.. اذا مكاتب الدوله مقفله وش يخليه يفتح محله؟؟
ما عنده وطنيه هالتاجر؟؟ و الا يعني يبي يخسر لو ما فتح في هاليوم؟؟؟

و المراكز التجاريه وش عندهم فاتحين؟؟ بعذرهم العمال مو سعوديين عشان كذا ما يعنيهم اليوم
الوطني السعودي.. اضافةً الى ان 90% من هالمحلات بأسماء سعوديين و رأسمال اجنبي .. لذلك ليه يقفل محله؟؟؟

...


تدرون؟؟

اشوف ان السكوت ارحم لي ..


سلامو عليكم

المسري :
لازلت أكرر أن التحريم ، لمسمى ( عيد ) أعياد المسلمين معروفه
ومع هذا هو يوم وطني ، يُحتفل فيه .!
مرورك جميل ومثري

صالح السبهان :
فعلاً المسؤليّه مشتركه ، لاهنت

سنجار : إن إستمر الوضع بهذا الشكل سيصبح سائداً وقد نفعل ما يفعلونه .!
تحياتي لمرورك

حسين بن عزام :
ما أعلن في الصحف قليل من كثير ، تحياتي لمرورك وإضافاتك

ياسر العتيبي :
عفاس مثير هو و ردّه ، تحياتي لك

وجـــد :
الرغبات والحريه ووو . لا أحد يدعوا للتصدي لها إذا كانت (( تنتهي عند مضايقتك الآخرين )) ولكنّها هنا تبتدي بمضايقة الأخرين . تحياتي لك

نايف المقاطي :
التربيه مسؤليتها على رب الآسره قبل غيره . اشكر تعليقك الجميل

عبدالرحمن السمين :
مع مرور الوقت ستصبح ظاهره منتشره ، أتمنى ان لا تبقى بهذه الصوره السيئه ، تحياتي لك

خالد السيحاني :الإحتفال بيوم الوطن وذكرى تأسيس هذا الوطن الغالي جميل ، ولكن ما يفعله بعض المحتفلين تخريب وتشويه لهذا الوطن . والإحتفالات المثاليه كثيره . تحياتي لك

مصلح بن نميان : مرورك جميل

مشخص السلمي : الإحتفال بالوطن أسمى من الفوضى والتخريب .

شفق السريّع : الهمجيه لا يقرها عاقل مهما كانت ، والإهتمام بالشباب ورغباتهم وتوفير متطلباتهم التي لا تتعارض مع ثوابتنا أمر جميل والكل يتفق معك في المطالبه به . تحياتي لك

-

لو إكتفَوا بِ الضَغطْ عَ كنترولْ التي فيْ وإختيارْ القناة السعوديّة الأولى

وَأشكّ أن هناك من يتابعها من هؤلاء الفوضويينْ , وإستمعوا لِـ أغنية

" فوق هام السحب " لأصبحْ الوضع أفضل بِ كثير ..!

-

:

الوطنية " بذل وعطاء " والبعض من شبابنا لا يعي معناها الحقيقي
ولا يجيد التعبير عن مشاعره بصورة صحيحة ومايحدث خلال الإحتفال
الخاص باليوم الوطني من تصرفات وأخطاء تتحمل مسؤليته أكثر من جهة ..

الكريم ناصر ألف شكر على تسليط الضوء ..
دمت بكل الخيـر ..

الرقص في الشوارع
ومطاردة الدوريات لمثيري الفوضى
وتحطيم السيارات
والتجمهر
والمضائقات للعوائل
والتفحيط وغيرها وغيرها

هذا شي متعودين عليه نشوفه ونسمع عنه دايم في وسائل الاعلام سواءٍ المرئيه او المقروءه وخصوصا في المناسبات اعياد وغيرها
ولايقوم به الا بزارين وخبلان خلق الله الفاضين اللي عقولهم عليها من الله ظلال
واليوم الوطني مهوب سبب في ماذكرت يابو وليد
اليوم الوطني بالنسبه لنا ولكل مواطن سعودي يوم ذكرى توحيد المملكه شي لايخفى على الجميع ولا فيه مايحرض على الفوضى والتخريب
اسئل الله ان يديم الامن والامان في جميع بلاد المسلمين
وعاد عيدك ياوطن

من امن العقوبه أساء الادب

الشغب ظاهرهـ غير صحيه
ما تصدر الا من ضعفاء العقول لاكن لو ان هناك عقاب صارم لما قامو بذالك
والله يعين .. ولابد من الترتيبااات في المرات القادمه ان شاء الله
ناصر متشكر يـ عمدهـ

اليوم الوطني

يوم وطــ ــني على غير العاده
استقبله الشعب بــشغب مثير للجدل
حالاتهم تجسد روح اللاوعي وكفى بهم ضيآع للوقت
رغم أن الاندية الثقافيه ومواقع الاحتفالات بدأت تحضر للأحتفال من وقت مبكر
الا أن الثقافة الشوارعيه طغت على العامه وهم قليل


ناصر

أمر الله من سعه

و( عشت يا وطن )