{.. ذائــــقتـــي.. } ..!

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل شي إيمرني فالعمر أعّده خيره = دامني ماكل شيً فالحياه آختاره
أرجي الله كل ما أصبح فضله وتيسيره = وآتذرا في حروزه وأحتمي بأذكاره
وكل ماجاني من صروف الزمان مغيره = أحتمي بالله .. ولطف الله يرد الغاره
ما أكتويت ومن فضل ربي ماعرف الطيره = ولا آتشاءم لا بدالي من صباح .. غباره
ماخذيت العمر سجه ماخذه في حيره = حاسبً لأيام مايلقى القدم معباره
شفت ماعاق الفؤاد وما حبس تعبيره = وما سرح بالعقل وآنحى به وزاد أفكاره
ماظهر لي ليتني ماقلت ابي تفسيره = وما خفاني ليتني ماقلت ابي إظهاره
لو نقول الوقت داير.. وش سبب تدويره = ليش قلنا طاب تاره ثم تردى تاره
ماضي الأزمان سيره حيها من سيره = وتالي الازمان كنه ناقصً مقداره
أنشد الجيران عن باقي علوم الجيره = وش بقى منها وكلن مايطال جداره
وأنشد الأقراب عن تالي علوم الديره = واحد من الألف .. من يبهجك ذكر أخباره
وأنشد الرجال عن سراً دفن في بيره = الأخو ينسى أخوه من البطا .. مازاره
وأنشد الرجال عن نفسه وجنب غيره = كمّ راعي دار مايدري بحالة داره
آه من وقتن علينا بين التكشيره = وآه منا كيف ضيعنا وسط تياره
عايشين العمر .. نحسب عيشنا تصبيره = وكسرنا مدري متى فينا يبين إجباره
للأسف ماعاد عندي غير قولة : خيره = دامني ماكل شيً فالحياه أختاره [/poem]








[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله إنّ الشعر له مدّه وأنا تفكيره=غايبٍ عنّي ومبطي ماقطفت أزهاره
لو بنات الفكر والله ماعليهن غيره=يوم فكري نوب يقرأ في قصايد غاره
أشهد إنّ الله بلاني ماكتب لي خيره=يوم جيت لـ (خيره) وقلبي رحول أقداره
وأشهد إنّ العقل وكرٍ مايطيّر طيره=غير ملواح القصيد اللي بنفس أفكاره
راعي الشعر الحقيقي لوعرف تأثيره=كان رحمه للبشر ماعاد دقّ أوتاره
والخلاصه يامدوّر كيف بنّ وبيره=كيفنا من فكر مرزوق وجديد أشعاره
ولّ يامرزوق لو ماهيب من تقصيره=كيف يشرح وضع قلبٍ ماعطاه أسراره
الله يسامحك عن قلبي وعن تذكيره=شيءٍ معلّقني الحاضر على تذكاره
تشتكي من وقتٍ أسره مايسرّ أسيره=وأنا أسير ولاعرفت أشكي وأصيغ عباره
صار للمعروف ناسِ تهتوي تنكيره=وإفتشى المنكر وقلّ اللي يحقّ إنكاره
جاء زمانٍ فيه راع الكير يشهر كيره=والمطوّع شوّشوا في دقنه أهل الحاره
كم رفيق يصدّ عنك ليا بغيت تشيره=وكم غريب يلدّ لك ويبادلك بأشواره
والجماعه بينهم دقّ أخو مرّه زيره=لين خلّى يمنى الأخو بعين أخوه يساره
هوشة الأخوان تكبر عند أمور صغيره=لو على تكسي إيجارٍ مايردّ إيجاره
كان حتّى الأخو أخوه مضيّعٍ تقديره=كيف تبغى الجار يامرزوق يوفي جاره
الزمان أذنّبنا والله يكثّر خيره=ماتوا أخياره وكثروا فاالزمان أشراره
كم فقدنا عودٍ بتهليله وتكبيره=كلّ مافاض الفجر نخشع لحسن إجهاره
وإخلفه جيلٍ يعشق السّهْر والتصفيره=مابقى الا (إ)يساق لحضور الصلاه بشاره
ماتغيّر شيءٍ الاّ إناّ سبب تغييره=والأكيد إنّ التوجّه لله الكفّاره[/poem]