شركة ابل تتجسس على مستخدمي الأيفون‎ والاي باد !!

بسم الله الرحمن الرحيم

اسعد الله اوقاتكم بكل خير

الآيفون يقوم بتصوير مستخدميه بدون علمهم وأرسال صورهم للشركة !

كشف تقرير بثته قناة الجزيرة عن قيام شركة أبل بالتجسس على مستخدميها من خلال جهاز الآيفون فهو ليس فقط يقوم بعمل صورة لكافة بيانات المستخدم وأرسالها الى الشركة بل يقوم أيضا بتشغيل الكاميرا وإلتقاط صور للمستخدم

ولم يقف الأمر عند هذا الحد بل تقوم أيضا بتسجيل الصوت للمستخدم .

لكثير من التفاصيل في هذا التقرير .


[youtube]برايفت لـ مرزوق الروقي : اقول بيع جهازك والا عطنياه مايصلح لارحم أبوه تصوير وقلة حياء

سلام عليكم


اجل مافي خصوصيه

اجل انا ببيع الجهاز اما بيتدخلون للخصوصيه اذا انسرق يصير خير وقتها

ياخوفي مثلا في ناس يحفظون ارقام الفيزا وحساباتهم البنكيه والارقام السريه لو اخترق احد النظام واخذ الحسابات والارقام

!!!!

ابل شكلها بتجيب العيد بهالتقنيه

شكرا للتنبيه

الحقيقه انه تقرير خطير
يكشف مدى خطورة هذا الجهاز وتطفل الشركه
على خصوصيات المستخدم


اتوقع بعد هالتقرير يقل عدد اللي يرغبون شراءه
وفي نفس الوقت ينزل سعره


ابوقطن لاهنت على هالمعلومه

محبتي وتحيتي

أجل يا فرحة ما تمت



لاهنت اخوي على التنبيه

مدري احس دامنا الخبر جاي من ( قناة الجزيرة ) ماهو صحيح وكذب


^
^

’،

أبو قطن

لا هنت على المعلومة القيمة
ولكن
جاء ضمن سياق الخبر أن هناك عقد موضح فيه صلاحية الشركة في
معرفة بيانات المشتري الخصوصية ، وأن الشركة في حين عدم توقيع المشتري
بالموافقة على الشروط فلن يتم بيعه الجهاز .
وهذا يعني انه ليس تجسس .!!


شكرا مرة اخرى
تح ـياتي

تقرير اسعدني كثيراً ياابوقطن من ناحيتين

الناحيه الاولى ..
انه بـ ينزل سعره و بـ اروح اشتريه حتى لو يصوروني في كل مكان ..
ماعندي شيء اخسره

الناحيه الثانيه ..
اللي اوجه من خلالها رساله لـ ( طلال الجميلي ) ..
وأقول :- خيره ( وانا اخوك ) يوم جوالك طاح في البحر

خل [ آبل ] تتجسس على سمك القرش الحين .,



لا هنت يامحمد

.,

والله أضحكتني قناة الجزيره من قطر بهذا التقرير اللي مفروض يعرض على سبيس تون .. وكنت اتمنى ان يكون هذا التقرير من اسرائيليات قناة العربيه

عموماً ماعلينا .. احب اطمنكم <- اهب يامرزوق ابل الروقي
تخيلو هالتقرير لما يشوفونه عيالنا بعد 20 سنه بالله كيف بيضحكون علينا .. انا اشبه هالحاله بالعجايز اللي يتغطون قدام التلفزيون اول ما جاء ..
يا جماعة الخير ..الحين فيه امكانيه لتحديد موقع الجهاز حتى لو كان رهيب الفين وهذي ميزه قدييييييمه .. واجهزة ابل هي الاجهزه الرسميه للدوله من عام 77 م
ولو يتذكرون بعض الشباب الاجهزه يومنا صغار نستخدمها عليها صورة تفاحه مأكول نصها .. ابل شركه عملاقه جداً واجهزتها الوحيده والوحيده فقط التي لاتخترق ابداً
وانا متأكد من هالمعلومه من زمااااان ..
واجهزه الجهات الحكوميه من ابل فقط ..من اكثر من 30 سنه
انا اقول اشترو الجهاز وخلوكم من خرابيطهم .. ولو ان اللي قاهرني اني كل ربع ساعه اشحنه
عينتو تقرير قناة الجزيره اللي برمضان حق اختراق قناة العربيه ههههه
المفروض يسكرون ويبيعون جح
واخيراً وليس آخراً الجهاز وراعيه يفدونك يابو قطن <- قلبها اذاعه مدرسيه

الله يسترنا بستره

نسمع و نسلم


اقول إن 95 و ريّح راسك

<< ابد ماهوب جهازه

^
^
^



ابووووك يالثقة

لا عاد تخوف الناس يا محمد قطن
وتنشر البلبلة في الأوساط الآيفونية .. بالذات انك عازم على اقتناء هذا الجهاز حسب ما وردني ..!

اجل اشوى يا ابو قطن

اترك ابو سعيد في حاله

وفيه يخوي ايفون 4 بكرتونه من شهرين <<<< والله من الكسل

ينتظر اشارتك ويجيك طال عمرك

حوالينا ولا علينا ,,,, ابو قطن انت تشوف تصريحهم , والله أنهم يخلقون البلبله لا سدد الله خطاهم ,
على أية حال >>> محمد بلال شاري له واحد ومسحراتي على بابك

ابو قطن يا كثر حبي لك وبس

:
:


ابوقطن



دام التقرير من قناة (( الجزيرة )) لاتدقق ..
الله من (( النقاء )) الأستخباراتي ياقناة الجزيرة .. !!

هذا التقرير في غالب الأمر يكون تقرير (( أقتصادي )) ..
لوضع بلبله حول الأيفون والآي باد وربما يكون من شركات ممنافسه لـ أبل .. !!

وتأكدوا من شي ..
أن كل شي يخدم الأستخبارات التي تحب أن تسئ لنا لن تكون قناة الجزيرة سباقه اليه .. !!

الا يالربع (( الآي باد )) ماتحسون ان اللي مسميه (( سوداني )) .. ؟؟

ابوقطن منوووووور بطلتك المرقابيه يـ (( صديقي )) .. !!

المشاركة الأصلية كتبت بواسطة متعب الشيباني

الناحيه الثانيه ..
اللي اوجه من خلالها رساله لـ ( طلال الجميلي ) ..
وأقول :- خيره ( وانا اخوك ) يوم جوالك طاح في البحر

خل [ آبل ] تتجسس على سمك القرش الحين .,

هههههههههههههههههههههههههههههههههههههه
بيطيحون على معلومات (( خايسه )) بس طلال ماهو مسئول عنها .. !!

والله يابو قطن ماعاد ندري وش اللي مايتجسس الحين

الامور طيبه .. دامها من التصوير وجاي خلهم يصورون لين يخلصون

واما بالنسبه للفيزا والامور اللي فيها دراهم يبطون عظم ماحطينها فالجهاز

ههههههههههههههههههههههههههههههههههههههه


قناه الجزيرة بتقريرها الاستخباراتي هذا تذكرني ببعض ربعنا اللي يقعد يقولب في الامور عشان يقول انها حرام وانها من خطط الغرب لتدمير الامه .. زي يوم كنا اطفال كانوا يقولون الميرندا حرام لان في اسمها سب لـ ذات العزة والجلال تعالى عما يقولون >>متعوب على يوم كنا اطفال

ابن قطن : لاتحرمنا هيك تقارير .. وابل الله يخليها ماخلت لنا شي

المشاركة الأصلية كتبت بواسطة عبدالرحمن حمد العتيبي

[SIZE="4"][COLOR="Blue"]:
:



الا يالربع (( الآي باد )) ماتحسون ان اللي مسميه (( سوداني )) .. ؟؟

يعني إنّك ماتدري ، لكن خذ المعلومه هذي (( مجاناً )) : )

قصّة التسميه حسب ما نقلته صحيفة الماركانا البرازيليه :
" مع مطلع الآلفيه الجديده ، وفي إحدى الصحاري العربيه كان هناك راعيان أغنام من ذوي البشرة السوداء ويقال إنّهما من عرب افريقيا . دائماً ما ( يسرحان ) معاً وكان لا يتكلمان مع بعض الاّ بكلمتين هي (( فوون )) و (( باد ))
شاهدهما رجل يدعى " آبل " كان يبحث عن أرض يزرع بها التفاح وكان تاجر تفاح أمريكي .
إستغرب كلامهم وإتجه إليهم وسألهم : من أين أنتم رد الآول (( فوون )) وكررها مرارا والثاني (( بااد )) ..! آعاد الكلمه عليهم مراراً عندها ( إرتفع ضغط ) أحدهم وقال : ( داير شنو ) يازوول ، كرر سؤاله عن ( فون ) و ( باد ) رد عليه : ( آآآآي فوون ) و ( آآآي باد ) إحنا يازول ما فاضين للكلام الكتير .
فوون وبااد .. نختصر فيها كل كلامنا لإننا كسلانين ما عايزين نجيب كلام جديد . "
عندها قرر " إبل " أن يختار هذين المصطلحين ليطلقها على أحدث منتجاته . "

للإطلاع على التفاصيل يرجى زيارة الموقع التكروني ( زول . كوم )

يارجال شرهتك على اللي بيحط رقم الفيزا والبطاقات في الجوال

والله ليبطون عظم ياشيخ

بدر منيف : شكراً لك

مشخص السلمي

والله والنعم

والله انا اتوقع بعد هالتقرير يزيد عدد مستخدمي الايفون

بالعكس هاذي تعتبر دعاية لتسويق منتجات شركة : ابل

المشاركة الأصلية كتبت بواسطة بنت وايل

أجل يا فرحة ما تمت



لاهنت اخوي على التنبيه

تعوذي من الشيطان ووسعي صدرك

لابالله فرحةً زينه وان كانك صامله انك تشترينه لابالله اشتريه وانبسطي وفليها

شكراً لكـ

المشاركة الأصلية كتبت بواسطة مخايل

مدري احس دامنا الخبر جاي من ( قناة الجزيرة ) ماهو صحيح وكذب


^
^

مشاءالله عليكـ

انتي دايم عندك حس عالي

شكراً لكـ

فهد الزعبي

هلا وغلا ياربي حيه

احلى مافي هالموضوع شوفتك وردك

لاعدمتكـ