الحال يوم العيد !!

السلام عليكم ورحمة الله وبركاته

للمعلومية فقط !! الديرة المقصودة في القصيدة هي المدينة التي اعيش فيها حاليا خارج المملكة للدراسة

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]

الله ياجسمٍ من الآيام ناحل كالجريد= اتعب فواده همَها // واثقل متونه جورها !!
والحال يوم العيد مثل العام مافي شي جديد !!= ياكثر ناسٍ تحمل امن الضيق جوف صدورها
في ديرة ٍ ما عشت فيها غير : ( عيشك يالزهيد )= فيها الفتن وام الكباير ما تموت اشرورها
وفيها الزوايا المظلمة // وَام المعالم ماتفيد!!= لاصار فالمركز ذنوب النَاس فوق ظهورها
يالله تخارجني وتجعل موتتي : ( موتة شهيد ) = لا صارت الدنيا تزيد اذنوبنا واشبورها
وقتي عنيد ٍ ما يصافيني وانا مثله عنيد = ما هان وجهي يالظروف اللي سبحت ابحورها
اجاهد الآحزان بالايمان والباس الشديد = في رحلة الغربة : ( ياطول ايامها واشهورها ) !!
والفرحة اللي مع طلوع الشمس تحيي كل عيد= النَفس من عامين ما تحمل فرح بشعورها
ما غير ادلَه خاطري // وامثَل الفرحة وحيد !! = في ساحةٍ شفت الفرح ضافي على جمهورها
وماغير اجامل ياعرب واهنَي ابعيدٍ سعيد = وانا السعادة في همومي قد غرق بابورها
واجروح قلبي من ظروف الوقت كل يومٍ تزيد = وازريت اجيب اعلاجها // وازريت اجي دكتورها !!
لا واوجودي وجد شيخٍ هقوته دايم بعيد = ذو تجربة .. والنَاس دايم تشركه في شورها
لكنَ من هول المناظر ضيَع العقل الرشيد = وشالوه من بيت الشَعر صوب المدن واقصورها
لو كان نفسه مغرمه من شان ذوده بالشَديد= لا كنَها الصحة وتلعب فالبنادم دورها
وعاش آخر آيام العمر في داخل القصر الجديد = اللي للانفس قال عنها مثل ضيق اقبورها
عليك يا من لاجل عينك : ( نخفي الحزن الاكيد )= وانخلَي العبرة تعَود ماتجي حنجورها !!
ولاشك انا انسان واملك قلب ماهو من حديد = قلبي رهيف احساس واشواقه تفوح ازهورها
وجدي على شوفتك يا فخر القصايد والنَشيد = يا بزغة الشمس البهيَة : لا صحا عصفورها !!
ويا معجم الآخلاق // وانتي راس مالي يالرصيد = يالراية البيضا .. ويا خير السنين ونورها
يديم ربي صحَتك في كل عام وكل عيد= ويحميك من شَر السنين // و يحفظك من جورها
هاذي مشاعر صادقة يشهد علي رب العبيد = واصدق حروف الشعَر : ( من نفسٍ حزين اشعورها ) !

[/poem]

هزاع الأزلع الشيباني

الله ياهزاااااع



ابدعت والله ...


الله يعينك على الغربه وغثاها


صح لسااانك ولاهنت

يالله تخارجنـي وتجعـل موتتـي : ( موتـة شهيـد )
لا صـارت الدنـيـا تـزيـد اذنوبـنـا واشبـورهـا

آمين

هزاع الشيباني
نص غاية في الجمال ،

لك كل التقدير والود

الغيم

الروعة تكمن في حضورك الرائع


حفظك الله ورعاك

تقديري واحترامي

ناصر الشغار


ناصر تراحيب



مروركما تشريف لمتصفحي المتواضع



الله لايهينكم على التواجد والتعليق

تقديري واحترامي

لا واوجـودي وجـد شيـخٍ هقـوتـه دايــم بعـيـد
ذو تجربـة .. والنَـاس دايـم تشركـه فـي شورهـا

لكـنَ مـن هـول المناظـر ضيَـع العقـل الرشـيـد
وشالوه من بيت الشَعـر صـوب المـدن واقصورهـا


شاعر شاعر شاعر يا هزاااع ..


والله يكون بعونك ويصبرك ويردك سالم /غانم ..


قصيدة تشرفت بقراءتها وملامستها ..

يا سلاااام

يا سلاااااام


المبدع/ هزاع الشيباني

صح لسااااااااانك على هذا الإبداع


وسعداء بتواجدك الجميل في منتديات (المرقاب)


وننتظر جديد إبداعك دائماً

ياسلام ياسلام
قصيده وشاعر
الله يرجعك بالسلامه ياهزاع !

المحترم :مسفر

ياهلا والله ويامرحبااااا


اضاء المتصفح بحضورك الراقي الله لايهينك


المحترم : بدااااح

ارررررررررحب

صح بدنك وبيض الله وجهك على كرم الحضورك يالقرم

المحترم : عفااااااس

يا مرحبا والله ويا مسهلاااا


الله لايهينك على الحضورك


تقديري واحترامي للجميع

ويا معجم الآخـلاق // وانتـي راس مالـي يالرصيـد
........يالرايـة البيضـا .. ويـا خيـر السنـيـن ونـورهـاصح لسانك

قصيده جزله

بالتوفيق

..

الله الله

قصيدة ثانيه أقرأها لك

تدل ّ على قوّة شاعريـّتك

صح ّ لسانك

تقديري لك ،،

المشاركة الأصلية كتبت بواسطة عفاس بن حرباش

ياسلام ياسلام
قصيده وشاعر
الله يرجعك بالسلامه ياهزاع !

اضف لها اعجابي التام