لو الوفى من بين الأحباب موجود

بسم الله الرحمن الرحيم

السلام عليكم ورحمة الله وبركاته

انا مشارك قبل لأكون عضو بالمنتدى وأتمنى أن تحوز قصيدتي على رضاكم ولا ودي أطول في الكلام لكن أتمنى إدراج الراي بأمانه ومن دون مجامله

لو الوفى من بين الاحباب موجود
يمدى الحبايب ماتفارق دقيقه

ودعتك الله والوفي طبعه الجود
آخر وفاي جروح قلبي عميقه

سامحك ربي كل ماذعذع النود
حطمتني عند اللقى والحقيقه

ليتك سكت وقلتلي منت موجود
يمكن الآقي للموادع طريقه

ياوجد حالي لاعزف خالد العود
قام يتجدد جرح قلبي بريقه

لاوهني اللي قنا عنده الذود
لاشافها تمحي عنا كل ضيقه

من لا تخارج من هوى الزين مقرود
الحب ذنب ولاحكم ماتعيقه

اليوم حطيتك من ايامي السود
ولا اقولك في خاطري في حريقه

هذا كلام اللي غدى منك مضهود
الله يجازي من سعا في الشقيقه

وختامها جعل الفرح عندك يزود
والله لايجعل حياتك محيقه ..




أخوكم:جزل العطا

..

صح لسانك يا اخوي ..
وموفق بأذن الله ..

..

اتمنى لك لتوفيق ... وصح لساانك

هلا وغلا

صح لساااانك يا مرير


وأبياتك دلالة أكيده على أنك شاعر تمتلك موهبة جميلة


ولكن أعتقد بأن لديك ما هو أجمل


وسنكون في انتظاره



تحياتي لك

،

ليتك سكت وقلتلي منت موجود
يمكن الآقي للموادع طريقه


الله الله ، لله درك يا مرير قصيده جميله الى ابعد الحدود ، صح لسانك ونطمع بتواصل جديد ،
تحياتي