ّّ._ تــ ــقــ ــا طـ ـيــ ــع _.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
أنطلق يا خاطر المهموم والدنيا حظوظ = السعد في مقبل الأيام للعمر المدي
ما عليّه من وضوح .. ولا عليّه من غموض = بالقناعه مالي ٍ عيني / وبالله اجهدي
رزقي المقسوم من قدّام تقسيم العروض = مايحرْفه لا ( خليل أحمد ) .. ولا حرف أبجدي
دامني في عافيه ومصلّي الخمس الفروض = كنّي أملك ( سبّع الأرض ) العريضه ، والجدي
بين ضلع .. وبين قاع .. وبين خد .. وبين روض = جلستي عدّلتها فوق البساط الأحمدي
خلوّا المايج يموج .. وخلّوا الخايض يخوض = المواري بيّنه فالطيبين .. وفالردي
لو أخايل كل برّاق ٍ على عيني ينوض = والله إني لأصبح امع الناس / وأبات وحَدي
كل ما دمدمت عوجا هرج .. والسر امحفوظ = يحتمي دمّي على الدنيا ويبرد مرقدي !!
يقطع لسان الخروف .. ويقطع اجناح البعوض = ويقطع القلب العمى .. وأرياه .. والشوف القدي
كان تسديد الجميل مثل تسديد القروض ! = كيف تبرى ذمّتي قدّام لآ أوسد يدي ؟
ورّدوني كل عدّ .. وشربوني كل حوض = مشينا فالأرض ( هونا ) .. مار الأيام تعدي
من يعوضني عنه لا راح جعله ما يعوض = واحد ٍ لولاه يمكنّي على الوجه آغدي
لدّتي في وجه غيره جب ساق .. وفك حوض = ويني .. ووين المصده عنك يا وجه اسعدي
زوّد المسيم حديد .. وزوّد الكيّه نجوض = والله الله / لا تسرّيني وليلي سرمدي
بيت ٍ امن ( محمد الأحمد ) وبيت ٍ من ( غيوض ) = ما توحّى له حظيظ .. ولا يغنيّه أجودي[/poem]