ّّ._ تــ ــقــ ــا طـ ـيــ ــع _.

صوره مع التحيه لـ :
عفاس + علي نايف + عادل بن حجنه



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يابراهيم ( ساهر ) ما رقد لين جيته = شافني بعد غيبه .. واضحكت لي سنونه
ابتلاني وأنا في عقر داره بليته = واستبحت الرياض اللي حرمها مصونه !!
حبّها حي .. بس قلوبنا مستميته = كل حي ٍ نباه .. وساهر يحول دونه
قام يكشح فلاشه في عيوني وليته = ما يركّز عليّه .. لا تناقز عيونه
طحت في وسط زحمات الرياض .. ونسيته = واتصل فيّ ( ابن حامد ) على تيلفونه
قال مخرج ( حدعش ) اطلع معه / وإن عطيته = لا تهدّي / حركْة السير فيها مرونه
وأثر ( ساهر ) على المرصاد من دون بيته = ثاقبه نظرته .. ويصور اللي يجونه
وصف ( سلطان حامد ) ليتني ما خذيته = لو ندى كف ابن حامد يندّي صحونه[/poem]

دوك يا حبيب خشمي يا سلطان


* ابراهيم أخوي اللي سيارتي بأسمه <- ما سويت شي بريء

المشاركة الأصلية كتبت بواسطة عايض النفيعي

صوره مع التحيه لـ :
عفاس + علي نايف + عادل بن حجنه



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يابراهيم ( ساهر ) ما رقد لين جيته = شافني بعد غيبه .. واضحكت لي سنونه
ابتلاني وأنا في عقر داره بليته = واستبحت الرياض اللي حرمها مصونه !!
حبّها حي .. بس قلوبنا مستميته = كل حي ٍ نباه .. وساهر يحول دونه
قام يكشح فلاشه في عيوني وليته = ما يركّز عليّه .. لا تناقز عيونه
طحت في وسط زحمات الرياض .. ونسيته = واتصل فيّ ( ابن حامد ) على تيلفونه
قال مخرج ( حدعش ) اطلع معه / وإن عطيته = لا تهدّي / حركْة السير فيها مرونه
وأثر ( ساهر ) على المرصاد من دون بيته = ثاقبه نظرته .. ويصور اللي يجونه
وصف ( سلطان حامد ) ليتني ما خذيته = لو ندى كف ابن حامد يندّي صحونه[/poem]

دوك يا حبيب خشمي يا سلطان


* ابراهيم أخوي اللي سيارتي بأسمه <- ما سويت شي بريء

جبتها ياذيبان

حي ذا العين

ودي أدعي يصورك ساهر دائم ودي نستمتع بالشعر وخايف عليك من الخسارة

صح لسانك يامبدعنا الكبير

^
^

صح بدنك وفكنا من الدعَوه الله يرحم والديك

مناصره للجندي المجهول


[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا أهل قطر من دون ( سلوى ) برى الحال = وأن جيت ( سلوى ) .. رحت من دون / في دون
أقبل على المنفذ .. وأنا كلّي آمال = وأرجع من المنفذ .. وأنا كلّي اغبون
ما كنّي ألبس ثوب / واشماغ / واعقال = يمنعني الحد السعودي وتدرون ؟
أشيل في مخباي ( بطاقة احوال ) = وأحطها فالبوك .. وأمشي على الهون
ما غير أنقّلها ولا عندي إشكال = أشيل لي كرتون .. وأحط كرتون !!
لا قلت أبستانس وابا أوسّع البال = يردّني قانون ما هوب قانون
العسكري رجال زي أي رجال = ما باقي الا تعزلونه عن الكون !!
حنّا عساكر قبل لا نلبس ابدال = ومن دون حد المملكه درع واحصون
ياللي لكم فالأنظمه باب مدخال = عينتوا الصاحي .. على رقم مجنون
( الجندي المجهول ) عرضة للأهمال = على مهب الريح .. وأبليس ملعون
وإن قلت لي شي ٍ ولا هوب ينقال ؟ = أببلع إلساني على ما تقولون !!
مـ / أشوف .. مـ / أنطق حرف .. مـ / أسمع وش يقال = وأنا معاي لسان .. وآذان .. وعيون !
أول حدود السالفه ( رقم جوال ) = والظاهر آخرها ( كلبشات واسجون ) [/poem]


يارب سترك

منوّل أبي أعلـّق على قصيدة ساهر

ومن يوم جبت الطعـّه فـ الثانيه فيه ناس يبونك

وانا ما اعرفك مره مره : )

^
^ ^

ماهيب هي يا ولد ترى بينا عيش وملح وحليب زنجبيل

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أركن عليّه .. وأحذف الدنيا وراك = الموت سْهم أمّا نزل .. والاّ رقى
لا تمنع المحروم من مالله عطاك = وأحروفك أسياد .. وسوالفك اعتقا
سولف وعفويتك تاخذ من حلاك = والاّ اللباقه منك شينه وامحقا
قل للركود العاطفي : تبّت يداك = لا تقتل الفرصه على وضح النقا
فرقاك صعبه .. لكن أسهل من لقاك = وانا لـ .. جيت أودّعك ،، عدّه لقا
أجيك أرحّب في محلّك من غلاك = ودام المحبّه حاضره .. دام البقا
حنّا حبايب .. ياحبيبي وش بلاك ؟! = ميّز شعورك .. عن شعور الأصدقا
حتى على وصلك ملامح من جفاك ! = وأنا على سعادتي .. بصمة شقا
الله ينصر ( جرأتك ) على ( حياك ) = عشان يظهر من حنينك مـ / أتـّقى[/poem]

من موضوع الذاكره للقدير / عبداللطيف الغامدي
كتبتها في علم من اعلام المرقاب ولا يحتاج للتعريف
( رحيّم الغنّامي )

أتمنى عودة أبو راشد لمرقابه عند إخوانه




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
الذاكره .. ما عاد تسمح لي وأخزن فيها = نسيت أسامي .. بس لا زلت احتفظ بـ/اسامي
أسما كثيره لو تغايب .. ماني ابناسيها !! = واسمـا كثيره ما اتذكرها .. وهي قدّامي !!
من خبره ومن صيت اعرف الناس بأساميها = أعرف كبير الأسم .. لو ماهوب إسم إعلامي
ما كبّر اكبار الأسامي غير فعل ايديها = لين صغرت معهم مقامات القصيد السامي
والله ما أجاملهم .. من أولها ليا تاليها = واحزامي احزام السعد .. لن عوّدت لحزامي
مالي وراهم يعلم الله مصلحهٍ بأقضيها = والمصلحة متْقيده بـ/انظام غير انظامي
لكن كلمة حق تجبرني .. وابا ابدّيها = وأقولها وأعيدها .. لو كثـّروا ظلاّمي
أحد رموز الشعر والساحه ماهو خافيها = شاعر كبير .. وتعرفون ( رحيّم الغنـّامي )
قصيدته .. ما كل شاعر يقدر يجاريها = اليا غدى فالحلم فكر .. مفسّر الأحــلامي
مالي شهاده / وأدري أن القوس مع باريها = شهادتي مجروحه .. وجرح الشهادة دامي
هذي حقيقه .. والحقيقه / ماني ابكانيها = أجند اجهودي لها .. تجنيد شبه إلزامي
يا صاحبي عبداللطيف أسلم / وأسلّمكيها = رسالة ٍ فيها عتاب امحب حامي / حامي
أعاتب أصحابي / عشان الصحبه آقوّيها = ماني مسوي مشكله تبغا قضا وامحامي
ســود الليـالــي دايره .. يالله يا كافيها = اتجمّع اهموم العرب .. واتفرّق اللّيامي
دوك السوالف .. خل عهدتها على راويها = واليا لقيت ( رحيم ) اسردها بصدر ٍ شامي
قلّه ترى يا غيبته / محد ٍ ترى راضيها = وأنا على شوفه على المرقاب جايع ظامي[/poem]


يالله لقيتها فالأرشيف ما طلعت منه ألاّ وأنا مشهّب

[poem=font="Simplified Arabic,5,black,bold,normal" bkcolor="transparent" bkimage="" border="none,4,black" type=1 line=1 align=center use=ex num="0,black""]
فض اشتباك .. الغرام وفضّها سيره = مشاكل الحب قلّي ويش داعيها ؟
مالك ومال السهر والشوق والغيره = ومالي ومال الحمامه يوم ألاحيها !
خل البشر فالزمان وفي مقاديره = يموت زعلانها .. وايعيش راضيها
ياخلّي اللي ما غيره خل ما غيره = من غير لأسمّي العالم بأساميها
أحفظ مقامك وصدري صار لك ٍ ديره = عليك حتى الضلوع العوج حانيها
قم طفّ نور الفراق وولّع النيره = البرد قارص ونارك لا تطفّيها
ما دام فوج الجفا دكّوا مساييره = الله يحييّك .. والله لا يحييّها
لا طاب فال القصيد ولا كثر خيره = إن كان خيرة بيوتي ما تغنيّها
شاعرك ما خانه إلاّ بس تعبيره = والاّ المشاعر موفّيها موفّيها
العام يكفخ على حد السما طيره = واليوم حتى القدم يسحب خطاويها
أقول : خيره .. وانا مـ / أعلم عن الخيره = وأقول : يمكن .. وأنا يمكن مـ / أدانيها
لو نضرب الأوله .. في وجه الاخيره = من خلقة الناس ناخذها ونعطيها[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
اللي يبا يشكر ويحمد ربّه = يسمع خطاب معمّر القذافي
سكران مدري ماكل ٍ له حبّه = ماهوب صافي دم ما هو صافي

[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
إحبس الضيق لين آروح .. وأطلق سراحه = لا تفكّه علي يحول بينك وبيني
وإن رفعك الزعل لا عاد يخفض جناحه = وأنت منت بخشير ٍ في رضا والديني
دايم أعدا نجاح الشخص تكفل نجاحه = كم خدمني عدو فالوقت دينه وديني
ليه أجاملك وآشيلك وطاحتك .. طاحه = ليه أحطك على راسي وخشمي وعيني ؟
يا قليل الأدب .. مانيب ناقص فصاحه = وأنت عقدة لسان السامري والهجيني
لأسعد الله مسا المخطي .. ولأسعد صباحه = كل يوم ٍ وليله للقشر يحتديني
أبتلشنا برجْل الحرمه المستباحه = والحسينيّه إلكم يا عيال الخميني
كنت أقول الصراحه مثل ما قيل راحه = لين ذقت الشقا من مدّ راحة يميني
وإن بغيت الصراحه .. ما بغيت الصراحه = آتحاشا كلام ٍ من وراها يجيني !
[/poem]


+

\
/

يا اخي نزّل قصيده جديده لو سمحت : )

/
\

أبشر بالخير يا داعم المواهب المتدفنه




أعوذ بالله من تفكير بعض العقول
.......................... وأعوذ بالله من فكر ٍ نزل بآهله

وأعوذ بالله من شخص ٍ ما يلقى قبول
.......................... الله ما يقبله .. والناس ما تقلبه

لو إنها سالفة رغبة .. وشفّ .. وميول
.......................... يمكن نضمّه ونلقى مدخل ٍ يدخله

حنّا ترانا رياجيل ٍ نعرف الأصول
.......................... عقّيل .. والله ما حنّا بـ / اسفها واجهله

لو نضرب الأرض عرض .. ونضرب الأرض طول
.......................... ما نترك اسلومنا والمصحف نرتله

يا جامعين الدفوف وضاربين الطبول
.......................... يضرب على الكايده من يجمع المرجله

ما عاد نبغى مشاكل لين نلقى حلول
.......................... والحل موجود للي دوّر المشكله

فيما رواه البخاري من حديث الرسول
.......................... كل ٍ من الناس مجزي ٍ بحسب اعمله

والناس فيها حيا والناس فيها فضول
.......................... والمستحي مات .. واللي به فضول قتله

ما ينظف الوجه دامه من حياه مغسول
.......................... لو قلب راعيه باقي له مع الله صله

والله لو إنّي من الدنيا وأهلها ملول
.......................... أعذرت في عمري اللي ما ذخرت أشكله

من خض بحر الخليج وجاب دانه ولول
.......................... ما يقتنع لو حصا مهد الذهب فـ / اجبله

أفتح مواقع وأسجل لي خروج ودخول
.......................... مابين محجوبه اعن العرض ومفضله

من نقطة الإنطلاق أشوف خط الوصول
.......................... والوقت ريّض .. وأنا يا وقت فيّ اعجله

عشنا وشفنا وميزنا جمال الحمول
.......................... من يوم كل ٍ على الحمله يسوق اجمله

يا مطوّل السالفه يا ليتها ما تطول
.......................... ما نسمع البلبله .. يا محدث البلبله

ما صدّع ابراسك الاّ حبّة الباندول
.......................... حسبي على دارسين الطب والصيدله

بالله وش معك يالعبد الظلوم الجهول
.......................... لا تطحن الحبّه اللي تنبت السنبله

مال الطلوع ثمره .. لا صار بعده نزول
.......................... لو تبتدي فأول المشوار بالبسمله !

الأوله ناسبت .. والثانيه ويش أقول ؟
.......................... الثانيه ما تناسب راعي الأوله

واللي لسانه على قطع العلاقه عجول
.......................... حبل العلاقات يقطع فيه .. لا يوصله

الدار محكوم والشرّ مهَجور امعقول
.......................... ما فيه هوشه .. وقطع أزرّه .. وتلتله

وأنا ليا الله بلاني بالمزوح الزعول
.......................... أخفف أعيارها بالحيل وآثقّله

عشان تظهر علوم ٍ في ضميره تجول
.......................... وإن قال آبا أقول .. قلت اللي تقوله قله

مانيب خبل ٍ يزعلني كلام الخبول
.......................... واللي زعل ما علي ولا أحسب لزْعله

سفيفة ٍ والسفيفه ما تميّل ذلول
.......................... ما غير حطّه على درب النشاما شله

خلّه يجول ويصول .. ولو يجول ويصول
.......................... لا بدّ لا بدّ ما يرجع على منزله

صبرت والصبرْ مالي فيه قوّه وحول
.......................... عقب انطلق من يدي .. والله عليّ اعقله

مبدع مبدع مبدع مبدع مبدع كبييييييييييييير !
لله درررررررررك ..
وآخر درّه وضعتها .. فوق الوصف !
إستمر يا صديقي .. إستمر !

يا مرحبا والله وهلا يا أبو فليان

نور المكان الله ينور قلبك بالإيمان يا أغلا وأعز وأبرك من يجيني

يعلم الله إني سعيد بكل كلمه قلتها ولي الحق بالفخر والإعتزاز

الله يسعدك يا صديقي ومتابعتك وسام

اللي تداها على روس الرجال الدهاه
لا يحترك راسه اللي من تحت موسنا

* *

إن كان ربي عطاه مْن الدهى ما عطاه ؟
ما شيّبت روسنا .. الاّ من دهى روسنا

يقول : ليه تحبنّي ؟ .. وأقول له : من غير ليه
تراك قد حبيتني .. ما قلت : ليه تحبّني !!

\
/

يا أخي عادي أقط ّ معك في ركنك ؟

يعني عادي أجي وأكتب كل ّ شوي ّ بيتين ثلاثه : )

/
\

^
^

أنت بس بتكتب ؟!
أعطيك طرف شليلي بس أكتب ..

أبو حامد الركن وراعيه فداك وصحت راسك

سلام يا عايض


ولله ان التواجد في ركنك اصبح من ضرورات الدخول للنت بالنسبة لي

ولله درك وسلمت للشعر البديع

لاشك انت في غناً عن اشادتي ولكني محتاج ان ادون اعجابي بقلمك وابداعك

سلام ثاني

الله يعلي شانك ويرفع قدرك يا رمز

أستاذي / عبداللطيف الغامدي

والله إن شهادتك ومرورك وإعجابك لها شأن ووقع وتأثير قوي

يا حبني لك بس << متلخبط ما يدري وش يقول

..



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يا وجودي كان باقي لي على الدنيا وجود = وجد من يتعب على شي ٍ وهو ميّس منه
يدري إنه صعب لو إنه بذل كل الجهود = ويدري إنه ما يحصّل شي عقب الملعنه
والحصيل أفنى شبابه لين صار اليوم عود = مار عيّا كبرياه يزود في عمره سنه
السنين الجرد بانت في تجاعيد الخدود = والظروف القاسيه من بطن كفّه بيّنه
دايم يشمّر عن الذرعان لى نص العضود = ما يميّز هي خبالة راس .. والاّ دندنه
مشقي ٍ نفسه بشي .. وخابر ٍ ما منه فود ! = وخابر إنه لو تهيّا .. ما يسوّي له ( زنه )
بالشقا ضاري ما عنده لا سهود ولا مهود = هذي احظوظه .. وذا قسمه .. وهذا ديدنه
والمصيبه كاده اللي للضعيّف ما يكود = كيف كاده كيف ؟ .. ما يدري ! هذا اللي غابنه
من عزومه ما تقول الاّ ثمودي من ثمود = مار قلّ الوفق صاب المديني في مدينه
لو نهض حيله على عين المعادي والحسود = طاح من عين الرفاقه في حصاد الألسنه
كل ما قالوا ترى يا عود منته بـ / امحدود = قال هذا شي راجع لي ولا أنشدكم عنه
ما حد ٍ منكم بمظهرني من ابطون اللحود = ولا حد ٍ منكم بمعطيني ليا مت حسنه
دام راسي حي مالي غير أرقّيها سنود = لو تعوّد ميسره من عقب كانت ميمنه !!
العناد أهون الرجّال من بيح السدود = والكرامه ترغم الرجّال ما تستأذنه
والصداقه والمحبّه والرسايل والردود = لو تهدّي بال واحد .. بال واحد تشحنه
الشفافيّه تسيّد .. والضبابيّه تسود = علّمونا حلمنا الوردي من اللي لوّنه ؟
الأمل تحت الدراسه والعلم فوق العمود = والحروف الأبجديّه مهمله ومحصّنه
والليالي دايره ما بين بيض وبين سود = والثوابت مستحيل تكون سهله ممكنه
قوم يا نايم وصح النوم وأصحوا يا رقود = كلنا في حكم من لا تآخذه نوم وسنه
ما عليّه زود .. والاّ ما على الشعّار زود = كل شاعر حسب تفكيره وطرقه ولحنه
والاّ أنا من بين خلق الله وخلق الله شهود = شاعر ٍ صح الله لسانه .. ولا صحّ بدنه
[/poem]



..